PJJ GBKP Tgl. 7 - 13 Mei 2017

PJJ GBKP TGL. 7 - 13 MEI 2017

Pdt. Larena br. Sinuhadji (Nd. Rey Tarigan)

Tema : GEREJA SI KUTANDAI (Perb. Rasul 11:19-30)

Penjelasen Bahan Ogen & Renungen

Lit syair lagu Rohani ngatakenca, “Gereja bukanlah gedungnya dan bukan bukan pula menaranya, bukalah pintunya, lihat di dalamnya, gereja adalah orangnya”. Arah lagu enda mpersingeti kita maka Gereja labo gedung (fisik) tapi persadan kalak si tek; kam, aku, ras kerina kalak si tek i bas Tuhan igelari “Gereja”. Janah benaken i bas jemaat perdana (mula-mula) maka perdalanen Gereja mbue i jah i je kiniseran si ialami nandangi kalak si tek. Tapi “semakin dibabat semakin merambat” ras e terbukti i bas perdalinen Gereja. Secara khusus i bas perikopta sendah.

Kenca Istepanus ibunuh (Perb. 7:54), reh buena peniksaan man kalak si tek man Yesus seh makana kalak enda merap marpar; lit deba ku Penike, Kiperus ras Antiokia. Janah Berita si Meriah labo ngadi iberitaken man kalak Yahudi saja. Tapi Kiperus ras Kireni si reh ku Antiokia beritaken Berita si Meriah man si labo kalak Yahudi. Erkiteken Tuhan nampati, maka enterem kel kalak si tek dingen ngendesken dirina man Tuhan.

Rikut pe perpulungen i Yerusalem kenca enggo ibegina reh teremna kalak si tek i Antiokia, maka iutusna Barnabas guna banci ikut mendukung pelayanen e ras mpetetap ukur perpulungen gelah tetap setia erkiniteken man Tuhan. Arah pelayanen Barnabas si mehuli si idemi alu Kesah si Badia dingen enteguh kinitekenna, maka reh teremna ka kalak si tek man Tuhan. Je nari ijemput Barnabas ku Tarsus Saulus si enggo bertobat asum perdalanenna ku Damsyik (Ps. 9) gelah banci nampati pelayanenna i Antiokia. Sada tahun dekahna Barnabas ras Saulus i Antiokia, janah i bas sada tahun e enterem kalak iajarina. I Antiokia me tantangna ajar-ajar e igelari “Kristen” (pengikut Yesus Kristus).

I bas paksa si e pe reh piga-piga kalak nabi i Yerusalem nari ku Antiokia. Sekalak i bas nabi e si gelarna Agabus ernubuat maka la ndekahsa bakal terjadi kelihen si mesangat i belang-belang doni (terjadi asum Klaudius jadi Kaisar Roma). E maka ersada arih ajar-ajar guna pepulung penampat rikut kengasupenna sekalak-sekalak guna nampati senina-seniana si ringan i Yudea. Janah hal si seri ilakoken perpulungen i Antiokia guna er-diakonia, nampati perpulungen i Yudea.

Tema i bas PJJ-nta sendah e me “Gereja si kutandai”. Lit telu tugas Gereja (Tri-Tugas Gereja), e me bersekutu, bersaksi ras melayani. Ras teluna tugas enda banci siidah i bas persadan kalak si tek i Antiokia. Perpulungen si enggo tek man Tuhan si merap marpar tetap paguh kiniersadanna. Ras kesempaten pulung ipakeken guna erlajar kerna Kata Dibata. Banci siidah kesempaten sada tahun Barnabas ras Saulus i Antiokia ipakekenna guna ngajari perpulungen kerna Kata Dibata. Si pemena lebe, Gereja si nggeluh, si banci siidah i bas perikop enda e me Gereja si bersekutu memuji Tuhan ras erlajar kerna Kata Dibata. Mengajar, belajar dan melakukan. Sada hal si perlu jadi catatan sejarah i bas GBKP asum terjadi baptisan massal (tahun 1965-1968, alu latar belakang peristiwa PKI), maka pengajaren kerna Pengakuan GBKP (Konfesi), Alkitab, kurang ipersiapken alu mehuli. Pelajaren katekisasi (erlajar ngawan) rusur denga sibegi “ngawanken kilat”. Enggo pasti kinitekenna pe karbiten, la dewasa, mudah iugur pebeben ras kesuksesan seh makana kurang bahkan la terlibat i bas kegiaten Gereja. Terjeng tercatat sebage anggota, tapi la lit (kurang) partisipasina. Sabab kurang paguh pemahamanena kerna Kata Dibata. Si peduaken, e me Gereja si siap katawari paksa pe er-Berita, subuk melalui pemberitaan Firman Tuhan ras pengkebet geluhta (gaya hidupta) menjadi usihen man kalak si deban. Kai pe sialami kita, senang ras susah tetap kita naksiken kinitekenna man kalak si deban. Janah si peteluken e me Gereja si melayani, peduli sada ras si debanna, alu sloganta, “Kam kap aku, aku kap kam”.

Sada buku karangen Pdt. Paulus Lie, sekalak Pendeta i bas GKI nari, judulna “Mereformasi Gereja” banci jadi referensinta guna meng-evaluasi Gereja-gereja termasuk GBKP si ratana jemaatna ku Gereja 40-50% denga. I ja i bas buku e ituriken kerna pelayanen si terus berkembang jadi 6 ribu kalak si ilayani setiap Mingguna. Berarti lit si perlu ipekena, ireformasi gelah Gerejanta nggeluh ras menjadi berkat man sekelewetna. Ula sempat Gereja terlalu sibuk dengan kegiatan-kegiatan organisasi seh lupa kita melayani perpulungen. Ciptaken bas Gerejanta (persadanta) iklim entah budaya si akrab sada ras si debanna, saling peduli ras nampati, ambah warina, jemaat semakin bertumbuh kinitekenna (ras e arus terus ievaluasi), jemaat reh buena si berpartisipasi i bas pelayanen i Gereja, ibadah ras perpulungen-perpulungen si lit ikemas semenarik mungkin sebage sarana si tuhu-tuhu guna muji Tuhan ras nambahi pengangkan kerna Kata Dibata. Ertina, Tri-Tugas Gereja rikutken perkembangen jaman arus itata lebih baik lagi.