Khotbah GBKP Minggu Tgl. 29 Januari 2017

KHOTBAH GBKP MINGGU TGL. 29 JANUARI 2017

Pdt. Larena br. Sinuhadji (Nd. Rey Tarigan)

MINGGU EPIFANIAS IV

(Warna Stola : Mbentar)

Invocatio : “Dage adi kam erpadan man Dibata, minter sehken padanndu e. La ngena ateNa kerna kalak lenge. E maka sehkenlah padanndu.” (Pengerana 5:4)

Ogen : Matius 5:1-12 (Tunggal)

Khotbah : Masmur 15:1-5 (Tunggal)

Tema : KUNDULILAH PADANTA

Melala lagu si mpersingeti kita maka mekatep kita la ngkunduli rananta (padanta), umpamana lagu lawas Bob Tutupoli, “Memang lidah tak bertulang, tak tertbatas kata-kata. Tinggi gunung seribu janji, lain dibibir lain di hati”. Lagu Karo, “Adina lembu jemak nalina, adi jelma jemak janjina … uga nge dage ningku ngelebuh kena”. Perpadanen man Tuhan, perpadanenta man pasangenta, anak-anak, teman, rsd. Terkadang, murah kel kita erpadan tapi megati mesera nehkena. Janji berjumpa, janji menyelesaikan pekerjaan, janji setia i bas perjabun, janji setia erkemalangen man Tuhan tapi la bage pelaksaanna. Si penting erjanji saja lebe, soal itepati entah lang masalah belakangan. Jenari mulai lit alasen-alasen engkai makana la sitepati janjinta: sakit, kurang enak badan, urusan keluarga, macet, sibuk, rsd.

Dibata setia i bas padanNa, kai si enggo ipadanken Dibata “ya dan amin”, isehkenNa. Kerehenna Juruselamat enggo inubuatken Tuhan ndauh-ndauh nari. Aminna dalan si arus itempuh, via dolorosa, dalan kiniseran tetap isehken Dibata, Yesus Kristus guna jadi Juruselamat man manusia. Dibatanta, Dibata si setia, kai si enggo ibelasken pasti itepatiNa. Janji nemani kita seh kedungen jaman, janji masu-masu kita, janji tetap ngkelengi kita. Adi Dibatanta pe Dibata si setia ngkunduli perpadanNa, maka enggo sepatutna selaku kita anak-anakNa siusih Dibata, “setia arah kai si enggo ipadanken kita”.

Pemasmur Daud nuliskenkenca kai si nituntut Dibata, entah pe ise kin banci bengket ku bas Rumah Pertoton? Salah sadana ay. 4c, kalak si ngkunduli padan si ibahanna, aminna pe arus rugi ia. Melala memang si nituntut Dibata : kalak si patuh man Dibata i bas kai-kai pe, lalap ngelakoken si benar, kalak si rananna benar dingen bujur, si la belaskenna cakap la tuhu kerna temanna, si la ncekuraki temanna. Dari begitu banyak yang dituntut Allah, salah satunya adalah menepati janji, kalaupun kita harus mengalami kerugian. Janji itu harus ditepati.

Bahkan i bas invoctionta, la nepati janji ipeseri ras kalak lenge, kalak bodoh. Dage adi kam erpadan man Dibata, minter sehken padanndu e. La ngena atena kerna kalak lenge. E maka sehkenlah padanndu. Sabab adi kalak pentar, ietehna kel, janji e  utang si arus igalari. Engkai arus minter sisehken? Erkiteken Iblis minter atena muat bagin i bas ketutusenta nehken padannta. Erdekahna waktuna guna la nehken padanta erbuena waktu Iblis guna mpengaruhi kita guna la ngkunduli padanta.

Engkai maka arus sikunduli padanta man Tuhan, man manusia? Firman Tuhan ngatakenca selain e si nituntut Dibata, sabab Dibata, Dibata si setia nehken kai si enggo ipadankenNa, e me kap gelah geluhta tenang. Ay. 5c, ise ngelakoken si enda lalap nggeluh alu tenang (ketuahen, bahagia, ketuahen kalak si meteruk ukurna, sabab isehken Dibata padanNa man bana. Ketuahen kalak si meciho perukurenna, ketuahen kalak si ngenanami erbage-bage kiniseran erkiteken kam ajar-ajarKu).

Tema “Kundulilah Padanta”. Melala padan si ibelasken kita : 1) Asum sibelasken pengakun kinitekenna, “aku tek man Dibata si la ersibar kuasaNa” ninta, tapi terkadang tupung lit perbeben, labo Dibata inganta ernalem, enggo sibatasi gegeh Tuhan nampati kita. Asum kita Serayan itangkuhken, pelantiken pengurus, asum ingawanken, pelaksanaan LPS, ninta rusur ngaloi “Tuhu bage ateku”, tapi terkadang i bas pelaksanaanna tuhu bage ate-ateku (kasus Patrialis Akbar dan Basuki Hariman, pendeta menyuap ustad. Kalaupun tidak bisa bersaudara dalam iman, ya dalam uang). 2) Sangana kita i bas pasu-pasu perjabun, erjanji setia, la lit si deban, la ise pe nirangken kita kecuali kematen. Tapi asum lit perbeben i bas jabu, terjadi KDRT, entah persirangen. 3) Padanta jadi aron Dibata simuat bagin i bas jabu, sangkep geluh, pelayanen gereja, masyarakat, janah nderbih nai ninta, “kubuat baginku ... selaku aron Tuhan”. Labo e terjeng lips service, sekedar ibelasken tapi lit tanggung jawabna, asa gegehta sidalanken peranta, tanggung jawabta, berperan aktif, berpartisipasi, turah kesadaren sendiri guna erperan aktif tanpa arus isuruh-suruh.

E maka i bas Minggu Epifanias ke-5 enda teridah min erteguhna kesetianta ersembah man Dibata arah kita ngkunduli padanta nggeluh selaku anak-anak Dibata. Sue kata ras perbahanenta. Belajar untuk melakukan. Mengajar untuk melakukan.