SUPLEMEN PJJ GBKP TGL. 17 - 23 AGUSTUS 2025

Pdt. Larena Sinuhadji (Nd. ReyRapha Tarigan)

ERPEMETEH RAS PENTAR NGATURKEN PERBELITEN JABU

Kejadin 41:33-37 (Keluarga III)

Penaruh

Adi sisungkun, uga keadaan ekonomi negaranta gundari enda? AI ngatakenca, “Beberapa indikator ekonomi Indonesia memang menunjukkan kondisi yang kurang baik. Beberapa tanda yang mengkhawatirkan adalah penurunan daya beli masyarakat, peningkatan angka PHK, dan perlambatan pertumbuhan ekonomi.” Situs berita CNBC i bas 27 Juli 2025 ngatakenca, “Pemutusan Hubungan Kerja (PHK) melejit 32% di Semester 1 tahun 2025,” daerah-daerah si tertinggi tingkat PHK-na nina, Jawa Tengah, Jawa Barat, Banten, ras Jakarta. I bas wari-wari si reh enda pe lenga lit kepastian maka ekonomi Indonesia akan membaik. Semoga ula sempat terjadi konflik sosial erkiteken krisis ekonomi bagi si enggo pernah terjadi i bas tahun 1998.

I bas kesempaten enda radu ras kita erlajar kerna erpemeteh ras pentar ngaturken perbeliten jabu. Tujunna jelas maka i bas kondisi si kugana pe, jabu-jabu kalak si tek tetap erkemalangen man Dibata.

Mpebagesi Ogen

Ogenta sendah lit i bas perikop alu judul “Iantusi Yusuf nipi raja.” Ituriken maka i bas nipina raja Mesir ngidah pitu lembu mbur ras pitu lembu kertang. Pitu lembu si mbur ipangani lembu si kertang (ay. 2-4). Bage ka pe, pitu ruhi page perngis ras pitu ruhi page si lambang ras melus. Pitu ruhi page lambang si melus nelen pituna page si perngis ndai. Nipi raja e, Yusuf ngenca si banci ngantusisa. I bas ay. 25-32 iterangken Yusuf nipi raja. Duana nipi raja e seri antusenna, maka terjadi pitu tahun masa riba-iba i Mesir, kenca si e terjadi me masa pitu tahun dekahna kelihen. Erkiteken raja ernipi dua kali, maka kejadin e enggo itetapken Dibata, nina Yusuf. Pasti ilakokenNa i bas paksa si la nai ndekahsa. I bas ay. 16 ituriken maka kai si ibahan Yusuf igejapkenna erkiteken Dibata si mereken kepentaren man bana, entah pe erkiteken campur tangan Tuhan, labo erkiteken kebeluhenna.

Labo terjeng iterangken Yusuf antusen nipi raja, Yusuf pe mereken masuken man raja kai si harus ibahan raja guna menghadapi masa pitu tahun riba-iba ras masa pitu tahun kelihen. Strategi si itawarken Yusuf e me kap : 1) Ipilih raja sekalak si erpemeteh ras pentar guna ngaturken negri enda. Ertina, labo terjeng kalak si beluh, tapi pe kalak si erkemalangen man Tuhan. 2) Iangkat raja pegawai-pegawai si deban guna mpepulung seperlima i bas ulih peranin tupung masa riba-iba si pitu tahun. Ertina, harus lit simpanen (tabungen), gelah tetap lit persedian pangan i bas masa kelihen. Tugas pegawai e jelas, e me kap mpepulungsa, munikenca ras njagaisa.

Kai si itawarken Yusuf e isetujui raja, bahkan ipilih raja, Jusuf jadi wakil raja guna ngaturken si e kerina. Ilakoken Jusuf tugas e alu mehuli ras malang man Tuhan. Tupung masa riba-iba ipepulungna kerina pangan e ras itamakenna ku bas lumbung. Janah perikopta nuriken kerna masa kelihen si terjadi, kenca masa mehumur enggo lepas. Pas kel bagi si ikataken Yusuf, tep-tep negeri si deban enggo kelihen kerina, i Mesir ngenca lang. Subuk kalak Mesir ras bangsa si deban nukur nakan man Yusuf, erkiteken kelihen engkenai kerina ingan alu mesangat. Antusen nipi raja si ikataken Yusuf terbukti kerina.

Versi Audio silahkan klik : https://youtu.be/hrfHMqzzfjU

Pengkenaina

Tema PJJ-nta sendah ngajuk kerina kita jabu-jabu kalak si tek, gelah erpemeteh ras pentar ngaturken perbeliten jabu masing-masing. Kai saja si harus ilakoken erpalasken ogenta sendah? Si pemena, jabu-jabu kalak si tek harus nggeluh erkemalangen man Tuhan bagi si enggo iteladanken Yusuf. Masmur 128:1 ngatakenca, sangap jabu si malang man Tuhan, si nggeluh ngikutken kerina perentahNa. Ulihna jelas, ipanna me ulihna latih, sangap nggeluh mehuli sikerajangenna. I bas jabu si malang man Tuhan, ibereken Tuhan kepentaren ras pemeteh, baik i bas erdahin, entah pe erusaha, bage pe i bas ngaturken perbeliten jabuna masing-masing. Labo terjeng je saja, ibereken Dibata kiniersadaan arih i tengah-tengah jabu i bas ngaturken perbeliten bage pe i bas merancang masa depan si mehuli guna kesejahteraan jabuna masing-masing.

Si peduaken, harus lit i bas jabu-jabu kalak si tek “sense of crisis.” AI ngatakenca, “Sense of crisis” merujuk pada kepekaan, kewaspadaan, dan kesiapsiagaan terhadap potensi krisis atau situasi yang mengancam. Ini adalah kemampuan untuk mengenali tanda-tanda awal masalah, memahami potensi dampaknya, dan bertindak cepat untuk mencegah atau meminimalkan kerugian.” Ertina keadaan ekonomi keluarga bage pe keadaan ekonomi negaranta labo mulus-mulus saja. Lit paksana makmur, lit ka paksana krisis. Emaka harus lit i bas dirinta kepekaan, kewaspadaan, ras kesiapsiagaan nandangi krisis ekonomi si sewaktu-waktu banci terjadi. Alu bage, jabu-jabu kalak si tek ibabai gelah nggeluh ugahari, entah pe nggeluh sederhana. Nggeluh ugahari labo seri ras pelit.

Pakar perencana keuangan keluarga mereken piga-piga hal si praktis, si banci nambahi pemetehta i bas ngaturken perbeliten jabu :

• Minimalkan belanja konsumtif. Ngasup kita mbedaken kebutuhen ras sura-sura. Sabab adi la bage banci lebih besar pasak daripada tiang.
• Menabung. Bagi si isaranken Yusuf, 1/5 ulih peranin harus itamaken ku lumbung. Harus ka sibedaken tabungen jangka panjang ras tabungen jangka pendek, si katawari paksa banci ibuat. Sedangken tabungen jangka panjang sengaja ilitken guna kebutuhen sekolah anak-anak entah si debanna.
• Susun rencana keuangan atau anggaran. Rencana keuangan yang realistis membantu bersikap obyektif soal pengeluaran yang berlebihan. Tak perlu terlalu ideal sehingga lupa kebutuhan untuk memanjakan diri sendiri. Tak ada salahnya memasukkan kebutuhan pergi ke salon, SPA, atau rekreasi, yang penting anggarkan jumlah yang realistis dan kita pun harus patuh dengan rencana anggaran tersebut.
• Tetapkan tujuan finansial. Susun target keuangan si isuraken kita secara berkala. Gelah alu bage banci lebih fokus merancang keuangen. Umpamana, pengadaan rumah, kendaraan, dana pendidiken anak-anak.

Ras melala denga tips-tips si deban. Tapi si utamana, akap kami, nggeluh erkemalangen man Dibata, gelah i bas kondisi perbeliten si kugana pe tetap simuliaken gelar Dibata. Kuan-kuanen 30:8-9 ngatakenca, “Ula min sempat kubelasken kata la tuhu, dingen ula pelepasNdu aku musil entah bayak. Berekenlah man bangku kai si kuperluken. Sebab kune bayak aku banci jadi maka la aku perlu kam. Janah adi musil aku banci jadi nangko aku seh maka juru Dibatangku.” Ertotolah gelah ipengasup Dibata kita ngaturken perbeliten jabunta masing-masing.