SUPLEMEN PJJ GBKP TGL. 10 - 16 AGUSTUS 2025

Pdt. Larena Sinuhadji (Nd. ReyRapha Tarigan)

DIBATA ENGKELINI BANGSA-NA (Mazmur 85:1-10)

(HUT Kemerdekaan RI 80 Tahun)

Penaruh

I bas informasi AI nari kerna negara paling sejahtera di dunia. Bagenda nina, “Finlandia secara konsisten menduduki peringkat teratas sebagai negara paling sejahtera atau bahagia dalam beberapa tahun terakhir. Laporan Kebahagiaan Dunia (World Happiness Report) menempatkan Finlandia di posisi puncak, menyoroti perhatian negara tersebut pada kesejahteraan sosial dan keberlanjutan. Selain itu, Finlandia juga dikenal sebagai negara yang makmur dengan fokus pada kesejahteraan sosial dan lingkungan.” Kai si iharapken kita i bas kemerdekaan? Tentuna kesejahteraan. Man kai merdeka adi masyarakatna la sejahtera? I bas kesempaten enda radu ras kita mperingeti 80 tahun kemerdekaan negaranta Indonesia, erpalasken Kata Dibata si jadi ogenta sendah.

Mpebagesi Ogen

Ogenta sendah, lit i teruh judul perikop, “Pertoton guna bangsa.” I bas terj. TB-LAI nina, “Doa mohon Israel dipulihkan.” I bas terj. BIMK nina, “Doa untuk kesejahteraan bangsa.” I bas telu terjemahen enda, akap kami, terj. Bhs. Ind., lebih spesifik kai si jadi pemindon i bas pertoton, e me pemulihan ras kesejahteraan bangsa. Lit si ngatakenca Daud si erbahan masmur enda (AlkiPEDIA), lit ka si ngatakenca maka bani Korah si erbahan masmur enda (M.C. Bart - W.S. Lasor). Tapi si pentingna kel akap kami, pertoton enda enggo jadi milik bersama, janah isehken secara komunal i bas kebaktin-kebaktin. Isi pertotonna pe akap kami labo bersifat egosentris guna kepentingen diri sendiri, tapi guna kepentingen bersama e me kiniulin bangsa.

Rikutken judul-judul perikop ndai, banci ikataken pertoton enda isehken man Dibata tupung bangsa e lit i bas paksa kesusahen. Ertina, pemulihan entah pe kesejahteraan si niarapken lenga inanami bangsa Israel. Tapi banci ka iantusi maka kesejahteraan e situhuna enggo pernah inanami bangsa e, tapi erkiteken dosa-dosa si ilakoken bangsa e, maka kesejahteraan e la nari inanami i tengah-tengah bangsana. Emaka ertoto bangsa e man Dibata gelah ipulahi i bas kesusahenna nari, bage pe ipindoken gelah ibereken Dibata mulihi kesejahteraan si enggo pernah inanami ndube.

Lit piga-piga hal si banci radu ras sirenungken i bas ogenta sendah. Pembagin ayat-ayat i jenda erpalasken pembagin si lit i bas Alkitab TB-LAI bage pe BIMK. Si pemena, ay. 1-3 encidahkenca memori bangsa e kerna Dibata si isembahna di masa lalu. Dibata si isembah Israel e me Dibata si dem alu perkuah ate (pemurah). Adi ngaku bangsa e alu tutus kerna dosa-dosana, mis ialemi Dibata. Enggo lanai Dibata merawa erkiteken enggo iakuken kerina salah lepak si enggo ilakoken bangsaNa. Banci ikataken ay. 1-3 enda e me pengakun dosa secara tersirat i adep-adepen Dibata.

Si peduaken, ay. 4-7, e me pemindon (permohonen) gelah ipulahi Dibata bangsa e i bas kiniseran entah pe kesusahenna nari. Pemindon enda lit i bas kata-kata kunci: 1) “Pulihkanlah kami,” i bas terj. Karo, “baba min kami mulih” (ay. 5). 2) “Kuatkanlah kami kembali” (terj. BIMK), i bas terj. Karo “pegeluh min mulihi” (ay. 7). 3) “Perlihatkanlah kasih setiaMu, berikanlah keselamatan dari padaMu,” terj. Karo, “cidahken min keleng ateNdu si tetap, bereken man kami penampatNdu, gelah terkelin” (ay. 8).

Si peteluken, ay, 8-13, e me tekad bangsa Israel guna nggeluh erkemalangen man Dibata. I bas si e teridah maka i bas pertoton enda labo terjeng mindo-mindo saja, tapi lit tekad si bakal ilakoken bangsa Israel. Tekad e teridah i bas kata-kata: 1) “aku mau mendengar apa yang hendak difirmankan Allah,” i bas terj. Karo, “kubegiken ateku kata TUHAN” (ay. 9). 2) I jenda lit si penting i bas terj. BIMK bage pe terj. Karo, e me “asal kita tidak kembali berbuat dosa,” i bas terj. Karo, “adi nggit kita nadingken dosa-dosanta” (ay. 9). 3) “takut akan Dia,” i bas terj. Karo, “kalak si tutus” (ay. 10). Kai ulih kalak si tutus entah pe takut akan Tuhan? Ibereken Dibata perdamen, keleng ate, ketutusen, dame, keadilen, kesetian, kebujuren,  ras kesangapen. Em akap kami wujud nyata kesejahteraan i tengah-tengah bangsa Israel.

Versi Audio silahkan klik : https://youtu.be/mpMdP_bP9ZE

Pengkenaina

Tema si seh man banta i bas PJJ sendah, “Dibata engkelini bangsaNa” adi siterjemahken ku bhs. Ind., “Tuhan menyelamatkan bangsaNya.” Tema enda akap kami ibuat i bas ay. 10 nari (ay. 9 Alkitab TB-LAI). Lit piga-piga hal si banci siantusi arah tema bage pe ogenta sendah. Si pemena, ertoto guna kiniulin bangsa, i bas konteks Gerejanta genduari, akap kami enggo la nari pernah tading i bas pertoton syafaat. Baik i bas PJJ, PA Kategorial, bage pe i bas Kebaktin-kebaktin Minggu. Ertina kepedulian (mediate) nandangi kiniulin bage pe keselamaten bangsa ras negaranta, enggo lit i bas Gerejanta secara komunal. Rikutken ogenta sendah, kesadaran komunal enda penting guna isingetken, sebab kiniulin bangsa negaranta e me tanggung jawabta kerina kalak si tek (bdk. Jer. 29:7). Komunitas kalak si tek, entah pe Gereja secara kelembagaan, wajib mengingatkan man kerina perpulungen kerna si e. Emaka ertoto guna kiniulin bangsa ras negaranta harus tetap terus silakoken. Sipindolah terus i bas pertotonta kerna pemulihan bage pe kesejahteraan bangsa ras negaranta Indonesia.

Si peduaken, harus lit tekad i bas dirinta, baik secara pribadi bage pe komunal, guna nggeluh erkemalangen man Dibata, sebab e ngenca syarat pemulihan ras kesejahteraan erpalasken ogenta sendah. Adi sikaitken ras konteks bangsa ras negaranta si kentisik nari merayakan HUT Kemerdekaan si pe-80 tahun-ken, kesejahteraan e lenga tuhu-tuhu terwujud. Indonesia lenga tuhu-tuhu merdeka. Adi marenda penjajahna e me bangsa-bangsa si deban bari. Gundari penjajahna e me bangsa sendiri. Melala denga rakyat si ngenanami kesusahen ras kiniseran erkiteken dosa-dosa si ilakoken pemimpin-pemimpinna si korup, si hanya ngukurken dirina sendiri. Kinata si bagenda banci sinen i bas kegeluhenta si tep-tep wari. Emaka payo bagi si ikataken Presiden Sukarno, “Perjuanganku lebih mudah karena mengusir penjajah, perjuanganmu akan lebih sulit karena melawan bangsa sendiri.” Enda akap kami banci jadi renungen man banta kerina kalak si tek. Kai si banci silakoken kita i bas rangka memulihkan ras menyelamatkan bangsa ras negaranta i bas kehancuren nari? Ertoto ngenca? Payo, ertoto guna kiniulin bage pe keselamaten bangsanta si utamana si harus ilakoken. Tapi pertotonta harus siwujudnyataken i bas tindakenta si tep-tep wari. Umpamana, ula nggit terlibat i bas praktek-praktek korupsi. Sigalarilah kai si menjadi kewajibenta selaku warga negara. Taatilah aturen-aturen si lit, amin pe kita ngenca si patuh. Ras melala denga hal si deban si banci silakoken kita selaku warga negara si bertanggung jawab. Dibata si mpengasup kita kerina. Dirgahayu NKRI ke-80. Dibata si masu-masu bangsa ras negara kesatuan republik Indonesia tercinta.