Pdt. Larena Sinuhadji (Nd. ReyRapha Tarigan)
PERBEDAAN ITU KEKAYAAN KITA
Si Man Ogen : 1 Samuel 18:1-4
Tema : MPEHAGA TEMAN
Tujun : Gelah Moria :
- Nuriken kekelengen Jonatan man Daud
- Ngasup mpeteguhi persadan alu ngidah kelebihen teman jadi kinibayaken.
Metode PA : Nuriken Kelebihen Teman
Penaruh
Ajaren inti kekristenan e me ngkelengi (mengasihi). Kita ngkelengi sebab enggo leben sialoken kekelengen i bas Dibata nari. Maka erlumbalah kita i bas kegeluhenta pebue teman si man kelengen. Walaupe, la menutup kemungkinan lit ka kita memiliki sahabat sejati (bestie, best friend). Tapi erteman ras kerina kalak ras kalangen arus tetap sipebue. Sebab melala hal si mehuli terjadi:
- Kehadiren teman si berbeda, mpebayak dirinta, ngkuhi geluhta.
- Ku jape kita, bage pe teman enggo lit ingan si man tujun (selalu ada tempat singgah), enggo lit teman berbagi suka ras duka.
- Biakta si mehuli, sipehagan pekepar, menjadi warisen (legacy) si mehuli man kesusurenta.
Mpebagesi Si Man Ogen
Bahanta ilatarbelakangi kemenangen Daud naluken Goliat (1 Sam. 17). Kenca si e Daud ijamu keluarga kerajan, ras la nari iberena mulih ku rumah bapana Isai (ay. 2). Mulai je nari ibenaken ikatan persahabatan antara Jonatan ras Daud. Ngena kel ate Jonatan anak Saul si dilaki man Daud, janah ikelengi Jonatan ia bagi ikelengina dirina jine (terj. TB-LAI Ed. 2, “Berpadulah hati Jonatan dengan Daud. Jonatan mengasihi dia seperti dirinya sendiri”). Bahkan Jonatan berinisiatif erbahan perpadanen alu ersumpah maka ia tetap erteman ras Daud seh rasa lalap, perban bage ngenana ate bana. Labo terjeng je saja, baju jubah ras baju perang bage pe pedang, panah ras genditna, si merupakan simbol kekuasaan, pewaris kerajaan bapana Saul, e pe iberekenna man Daud. Jonatan tuhu-tuhu tulus ngkelengi Daud, bahkan labo lit kebiarenna soal keduduken, jabaten, sebab pengendesen jubah ras alat perang e me simbol pengendesen kuasa.
Adi siidah i bas perikop enda, memang si berinisiatif guna membangun persahaban ras ncidahken kekelengen e me i bas diri Jonatan. Tapi adi siidah seterusna kisah persahabatan antara Jonatan ras Daud, tuhu-tuhu duana kalak enda saling mengasihi. Persahabatan sejati teruji asum lit persoalen entah pe tantangen. Ras terbukti, duana kalak enda tetap sikeleng-kelengen ras sisampat-sampaten. Sebage contoh, hubungen Saul ras Daud semakin jauh, erkiteken Saul iri man Daud, tapi Jonatan la ikut-ikutan. Bahkan sada paksa, asum ibunuh bapana atena Daud, maka Jonatan nggit berkorban guna nampati Daud (1 Sam. 20, Jonatan nampati Daud). Sebalikna kenca Saul ras Jonatan mate, Daud bertanggung jawab memelihara kesusuren Saul secara khusus anak Jonatan si tergelar Mepiboset si cempang (2 Sam. 9).
Keleng ate Jonatan ras Daud sangat tulus, walaupe duana kalak enda i bas latar belakang si berbeda. Daud keluargana permakan sedangken Jonatan anak sekalak raja. Persahabatan duana kalak enda banci tetap terjalin alu mehuli erkiteken ipalasi padanna man Tuhan. Persahabatan antara Jonatan ras Daud, la ceda erkiteken kepentingan, kekuasaan, bage pe tantangen erkiteken duana kalak enda malang man Tuhan.
![]() |
Versi Audio silahkan klik : https://youtu.be/9OMSbIwLZ9Y |
Pengkenaina
Lit pepatah Tiongkok ngatakakenca, “Seribu kawan terlalu sedikit, satu musuh terlalu banyak.” Kuan-kuan enda, memotivasi kita guna ndarami teman sebanyak-banyaknya. Jangan pernah memandang bulu atau memilih-milih. Ras ise pe kita banci erteman. Kunci gelah banci awet i bas pertemanen e me saling mpehaga teman (tema sendah). Rasul Paulus i bas suratna man Perp. Roma pe pernah ngingetkenca, gelah ola dirinta ngenca siukuri. Tapi sekalak-sekalak kita harus mperdiateken temanta manusia janah ngukuri kai si mereken kiniulin man banta. Kebaliken ras jaman genduari enda, erlumba kalak guna ngukurken dirina sendiri ras kai si menguntungken man bana. Ciri-ciri kalak si bagenda : dirina ngenca iukurina, la pernah ia ngukuri kalak si deban, umpamana, sekalak perbulangen, ia ngenca atena ilayani, padahal ndeharana pe ietehna la lit ngadi-ngadina erdahin i bas jabu. Megelut ukurna asum itolak pendapatna, dirina ngeca akapana si payona. Rsd.-na.
Bagi tema PA-nta minggu nderbih, ibabai kita banci saling menerima sada ras si debanna, sebab arah berbeda i je teridah kuasa Dibata. I bas PA-nta minggu enda pe, maka perbedaan e me kinibayaken man banta. Meriah ukurta ras tetap kita ngataken bujur man Dibata sebab itepa Dibata kita pelain-lain guna kita saling melengkapi dingen arah si e mpermuliaken Tuhan. Emaka, ula jadiken temanta sebage saingen, entah pe cian ateta ‘di kenca lit kelebihenna. Sebab bas kita pe lit kelebihenta si banci sipakeken guna nampati kalak si deban ras mpermuliaken Tuhan. Alu bage kuh kita i bas kerina situasi geluhta.
Emaka, mari sitekadken bas dirinta, benaken PA-nta sendah, pebue temanta, ula erayo-ayo. Uga-uga pe latar belakang temanta (beda pendidiken, beda tingkat ekonomi) tetap banci kita bergaul akrab. Walaupe tidak menutup kemungkinen lit bestie-nta entah sabahatta kel. Tapi ula erkiteken si e, membatasi pertemanenta ras kalak si deban. Libatken kerina Moria i bas pelayanen rikuteken sura-sura ras talentana. Pujiken i bas ketutusenna melayani. Ras terus bereken motivasi, semangat, i bas ia ngelai. Bangun pertemanenta alu tulus erpalasken keleng ate Tuhan. Labo erkiteken lit kepentingen (ada udang di balik bakwan). Seh makana lit pe tantangen, godaan, konflik kepentingen arah kalak si deban nari si atena memecah belah kita, tetap paguh kiniersadanta, sebab tulus kin memang pertemanenta. Je nari, beneken biak-biak si la mehuli si banci sulit kita mpehaga teman; subuk meganjang rukur, cian ate, egois. I bas kita erteman ras kalak si deban, berbeda itu realita, tapi berbeda merupaken sada kinibayaken si ibereken Tuhan guna banci sikelola, simanfaatken guna membangun dirinta, kalak si deban, persekutuanta, terlebih mpermuliaken Tuhan Dibata.
Tidak ada komentar:
Posting Komentar