SUPLEMEN PJJ GBKP TGL. 11 - 17 MEI 2025

Pdt. Larena Sinuhadji (Nd. ReyRapha Tarigan)

TETAP KATAKEN BUJUR MAN DIBATA

1 Tesalonika 5:16-18 (Kasih)

Penaruh

Ngataken bujur entah pe bersyukur, ertina ungkapan rasa terima kasih, sekaligus pengakuan, kepada Tuhan atas segala nikmat yang telah diberikan. Adi sidarami kata “syukur” i bas aplikasi Alkitab Hp Android-ta, lit kurang lebih 185 kali itulisken. Ertina, Pustaka Si Badia ngajarkenca man banta kerna pentingna ngataken bujur man Dibata, sebab ngataken bujur e tandana maka kita pe ngakukenca maka Dibata si enggo mereken kerina si mehuli i bas kegeluhenta. I bas kesempaten enda radu ras kita mulihi erlajar kerna ngataken bujur man Dibata erpalasken ogenta sendah.

Mpebagesi Ogen

Ogenta sendah e me bagin pendungi surat Rasul Paulus si pemena man perpulungen kalak si tek i kota Tesalonika, alu judul perikop “Pedah si perpudina ras salam.” Erpalasken judul enda jelas maka isi perikop si man ogenta sendah isina e me hal-hal si sifatna praksis teologis. Ikataken praksis erkiteken si ipedahken Paulus e labo terjeng si praktis-praktis saja, tapi lit palas teologisna i bas kerina si harus ilakoken i bas kegeluhen si tep-tep wari, e me kiniteken man Yesus Kristus. Jadi praksis teologis ertina praktik atau penerapan teologi dalam kehidupan sehari-hari, dengan landasan iman kepada Yesus Kristus.

I bas ay. 16, ipedahken Paulus man Perp. Tesalonika gelah meriahlah atendu katawari pe. I bas terj. TB-LAI nina “Bersukacitalah senantiasa.” I bas terj. BIMK ikataken, “Hendaklah kalian selalu bergembira.” Lit kurang lebih 254 kata “sukacita” i bas Alkitab TB-LAI. Ertina, banci ikataken maka tema sukacita, entah pe ermeriah ukur, e me ajaren si penting i bas kiniteken Kristen. Melala penelitian medis si encidahkenca manfaat si luar biasa i bas perasaan bahagia entah pe sukacita. Umpamana, arah informasi si ibereken AI nari, ikataken, “Ketika seseorang merasa bahagia, maka tubuhnya akan melepaskan hormon-hormon seperti endorfin, serotonin, dan dopamin, yang dapat mengurangi stres, meningkatkan sistem kekebalan tubuh, dan mengurangi risiko penyakit kronis. Beberapa penelitian bahkan telah menunjukkan bahwa individu yang lebih bahagia cenderung memiliki tekanan darah yang lebih rendah, kadar kolesterol yang lebih seimbang, dan risiko penyakit jantung yang lebih rendah.” Ertina, banci ikataken nai-nai nari enggo iteh Pustaka Si Badia kerna manfaat ermeriah ukur entah pe bersukacita. Adi sikaitken ras konteks kegeluhen perpulungen kalak si tek paksa si e, khususna Perp. Tesalonika, ermeriah ukur  e me salah sada unsur penting si harus lit i bas pusuh perukuren kalak si tek. Sebab ermeriah ukur banci erbahanca kalak si tek megenggeng i bas ngalaken erbage-bage kiniseran.

I bas ay. 17, ipedahken Paulus man perpulungen gelah “Ertotolah katawari pe.” I bas terj. TB-LAI nina, “Tetaplah berdoa.” Pedah enda gendek tapi seh kel pentingna i bas kegeluhen kalak si tek. Lit kuan-kuan si ngatakenca, “Doa adalah nafas hidup orang percaya.” Ertina, adi jarang kita ertoto, enggo bagi kalak si sesak nafas. Adi la pernah sekali pe kita ertoto, banci ikataken enggo mate geluh kinitekenta. Ertoto e me satu-satunya cara kalak si tek berkomunikasi ras Dibata. Tuhan Yesus enggo melala mereken teladan i bas tutus ertoto. Janah enggo iajarken Yesus pe man banta “Pertoton Tuhan” si rusur sibelasken sanga kita kebaktin. Ertina arah pedah enda Paulus ngajuk kerina kalak si tek gelah tutus ertoto setiap saat.

I bas ay. 18, ipedahken Paulus, “Katakenlah bujur man Dibata i bas si kugapana pe. Enda me si ngena ate Dibata ibahanndu i bas geluhndu selaku kam kalak si enggo ersada ras Kristus Jesus.” Ayat enda si jadi fokus i bas PJJ-ta sendah. Seri bagi ermeriah ukur, melala manfaat si banci idatken kita adi rusur kita ngataken bujur, entah pe mengucap syukur. Rikutken informasi arah AI nari ikataken bagenda nina, “Mengucap syukur menurut Alkitab memberikan banyak manfaat, baik rohani maupun emosional. Diantaranya, rasa syukur dapat memperkuat iman, meningkatkan kesehatan mental dan fisik, serta mempererat hubungan dengan Tuhan dan sesama. Bersyukur juga membantu kita untuk menerima dan memandang kehidupan dengan lebih positif, bahkan dalam situasi sulit.” Ngataken bujur i bas konteks perpulungen kalak si tek i Tesalonika, seh kel pentingna, sebab arah ngataken bujur mpengasup perpulungen ngalaken erbage-bage kiniseran erkiteken kinitekenna man Dibata. Janah secara kualitas karakter ras mentalitasna pe enggo pasti lebih unggul asangken kalak si deban si lenga itandaina Dibata i bas Yesus Kristus. Emaka ngataken bujur harus lalap lit i bas pusuh perukuren kalak si tek.  

Versi Audio Silahkan Klik : https://youtu.be/IkK2k9elNcU

Pengkenaina

Tema i bas PJJ-ta sendah e me, “Tetap kataken bujur man Dibata.” Arah pedah-pedah si isehken Paulus mulihi kita isingetken gelah: 1) meriahlah kita katawari pe (senantiasa bersukacita); 2) tutus ertoto katawari pe (tekun berdoa); ras 3) katakenlah bujur i bas si kugapana pe (mengucap syukur dalam setiap keadaan). Lit kuasa si luar biasa i bas telu hal enda i bas kegeluhen kalak si tek i bas kerina jaman i japa pe. Telu hal enda enggo membentuk peradaban Kristen si unggul i tengah-tengah doni enda. Ertina telu hal enda harus tetap lit i bas dirinta sekalak-sekalak i bas jaman si gundari enda. Labo erkiteken melala manfaat i bas kita ermeriah ukur bage pe ngataken bujur, tapi si utamana, si e kerina silakoken sebage wujud nyata keselamaten si enggo ialoken kita guna kemulian gelar Dibata i tengah-tengah doni enda. Emaka marilah kita ertekad guna: meriah ukur katawari pe, tutus ertoto katawari pe, ras ngataken bujur i bas si kugapana pe. Secara khusus ngataken bujur. Pebue i bas geluhta ngataken bujur asangken kelsehen (jungut-jungut). Latih dirinta guna benaken medak erpagai-pagi mbelasken kai-kai saja si erbahanca kita ngataken bujur man Tuhan (umpamana: ibereken Tuhan denga nafas kegeluhen, lit i bas kondisi sehat, rsd.). Bage pe sope kita medem istirahat berngi wari, belasken ka kai-kai saja si erbahanca kita ngataken bujur. Adi la beluh kita mbelasken kai si erbahanca kita patut ngataken bujur, berarti lit si salah i bas dirinta, si arus ipekena.

Sub tema i bas PJJ-ta sendah e me “kasih.” Mungkin lit kaitenna ras Tata Nilai Kasih. Emaka i bas kesempaten enda mulihi kita isingetken kerna Tata Nilai Kasih si harus siwujudken i bas kegeluhenta si tep-tep wari sebage warga GBKP si enggo ngaloken anugerah keleng ate Dibata i bas Yesus Kristus. Kai e Tata Nilai Kasih? Guna menyegarken ingetenta, i teruh enda enggo ibahan kami uraianna.

Kasih adalah pelayanan yang bersumber dari sifat dan ajaran Tuhan Yesus yang intinya dalam praktek adalah mengasihi Tuhan dan mengasihi sesama (Matius 22:37-39; Yohanes 13:35; 1 Korintus 13:4-7).

Panduan perilaku:
- Senantiasa memuji, memuliakan dan bersyukur atas kebaikan Tuhan
- Selalu berusaha sedapat mungkin membawa damai, menyenangkan sesama dan menjadi berkat bagi orang lain.

Kata-kata kunci:
- Puji Tuhan
- Bersyukur
- Rendah hati (murah hati)
- Mengampuni
- Sopan dan ramah

Kalimat afirmasi:
“Kami insan GBKP mengasihi Tuhan dan mengasihi sesama dengan segenap hati, jiwa dan akal budi”.

Perilaku yang dianjurkan:
- Rendah hati, murah hati, sabar
- Sopan dan ramah
- Mau mengampuni kesalahan orang lain
- Suka menolong orang lain tanpa mengharapkan balasan