Pdt. Larena Sinuhadji (Nd. ReyRapha Tarigan)
NEHKEN PERSEPULUHEN TANDA KEHAMATEN
(Ulangen 14:22-29)
Penaruh
Tema kerna persembahen persepuluhen enggo rusur sibahas i bas PJJ bage pe PA-PA Kategorial. Umpamana i bas bahan PJJ tgl. 26 Maret - 1 April tahun 2023 si lepas, lit je ibahas kerna mere persepuluhen. Adi enggo rusur sibahas kerna persembahen persepuluhen enda situhuna tading sievaluasi saja, apakah lit peningkaten jumlah perpulungenta si ikut muat bagin i bas nehken persembahen persepuluhen? Dari segi nominal, apakah enggo lit peningkaten? Hasil evaluasi ndai banci jadi acuan i bas kita mengukur sampai sejauh mana bahan-bahan renungen kerna persembahen persepuluhen enda berdampak i bas perobahen mindset perpulungenta. Apakah perlu sibahan metode-metode si deban?
Mpebagesi Ogen
Konteks perikopta Ul. 14:22-29, e me perentah Tuhan man bangsa Israel gelah nehken persepuluhen (iserapken) i bas ulih jumana nari tep-tep tahun, sabab paksa si e setahun sekali rani gandum. Piga-piga hal si banci jadi renungenta i bas nehken persembahen persepuluhen. Si pemena, persembahen persepuluhen e ilakoken gelah bangsa Israel erlajar rusur mehamat man Dibata (ay. 23). Erlajar rusur mehamat man Dibata, i bas terj. TB-LAI nina, “Supaya engkau belajar untuk selalu takut akan TUHAN, Allahmu.” Ertina palas i bas bangsa e nehken persembahen persepuluhen e me erlajar rusur mehamat man Dibata, entah pe takut akan Tuhan. Si menarik i jenda, sepersepuluh si ipersembahken alu bentuk hasil-hasil pertanian ras peternakan e, ipan i bas ingan ersembah i adep-adepen Dibata. Enda sada tradisi makan bersama i bas ingan ersembah paksa si e, sebage simbolisasi perjanjian Dibata ras bangsa Israel, maka janji Dibata man bangsa e pasti igenapi.
Si peduaken, i bas nehken persembahen persepuluhen e, harus lit je unsur kerelaan ras sukacita, e maka i bas ay. 26, “panlah si e kerina dingenndu ersenang-senang ras keluargandu.” I bas terj. TB-LAI, “dan haruslah engkau makan di sana di hadapan TUHAN, Allahmu dan bersukaria, engkau dan seisi rumahmu.” Kerelaan ras sukacita i jenda akap kami lit nuansa ucapan syukur i bas kerina si enggo ibereken Dibata man bangsa e, janah kiniteken maka Dibata pasti ncukupken kerina si nibutuhken bangsa e i bas kegeluhenna si tep-tep wari.
Si peteluken, i bas nehken persepuluhen lit i je tanggung jawab bangsa e nandangi kalak musil, diberu si enggo mbalu, anak melumang, kalak tandang-tandang dingen medanggel, rikut ras kalak Lewi si la lit jumana (ertana). I bas kepedulian bangsa e nandangi kalak si membutuhken penampat, erpadan Dibata maka kai pe si idahiken bangsa e ipasu-pasu Dibata. Ay. 29 banci iantusi maka lit jaminen kepastian pasu-pasu i bas Dibata nari arah kesetian bangsa e nehken persepuluhen.
.png) |
| Versi Audio silahkan klik : https://youtu.be/hW0jEO6QK-w |
Pengkenaina
Adi rikutken ogenta sendah, palas i bas kita nehken persembahen persepuluhen si pemena e me, mehamat man Dibata, sue ras tema PJJ-ta sendah. Si peduaken harus lit i bas dirinta kerelaan, sukacita, ras kiniteken maka Dibata pasti ncukupken kerina kebutuhen geluhta. Si peteluken, persembahen persepuluhenta harus iumputi alu kepedulianta nandangi senina turangta si membutuhken penampat. Kepedulian ras penampatta labo engkurangi si lit i bas kita erkiteken tek kita maka lit jaminen kepastian pasu-pasu i bas Dibata nari arah kesetianta nehken persepuluhen.
I bas kesempaten enda perlu ka akap kami sinen palas teologis i bas Konfesi GBKP ras Buku Katekisasi. I bas Konfesi GBKP la lit si secara spesifik ngerana kerna persembahen persepuluhen, tapi secara tersirat lit i bas Bab X kerna Ibadah poin si peduaken, “Kami percaya bahwa ibadah merupakan panggilan untuk memuliakan Allah melalui segala sesuatu yang diberikan Allah dalam hidup orang Kristen, baik pengetahuan, bakat atau talenta, dan harta milik (1 Taw. 29:14; 1 Sam. 2:7).” I bas uraian enda lit je tersirat maka nehken persembahen persepuluhen e me panggilan untuk memuliakan Allah.
I bas Buku Katekisasi lit pembahasen kerna persembahen i bas Pertemuan 34. Tapi la lit uraian si secara spesifik ngerana kerna persembahen persepuluhan. I bas buku e hanya ibahas kerna palas kiniteken i bas kita nehken kerina bentuk persembahen si lit i bas GBKP e me: persembahan dalam setiap ibadah gereja (termasuk PA & PJJ), persembahan pesta panen (kerja rani), persembahan perpuluhan, ras persembahan ucapan syukur. I bas buku e ijelasken maka kerina persembahen e ialokasiken guna biaya-biaya kerina kegiatan si berkaiten ras: kesaksian (marturia), persekutuan (koinonia), pelayanan (diakonia), ras kerina kegiatan penunjang pelayanan. Guna melengkapi bahan pengajaren enda akap kami perlu sitambahi alu bahan pengajaren si khusus membahas kerna persembahen persepuluhen.
Sistem persepuluhen enggo resmi ibahan i GBKP benaken tahun 2000. Keputusen e akap kami labo keputusen si main-main, tek kami maka lit proses si ndekah si melatarbelakangi litna keputusen e arah pergumulen-pergumulen si terjadi i bas pelayanen, penelitian-penelitian si sifatna teologis, ras perbandingen-perbandingen arah gereja-gereja si deban nari si menerapken sistem persepuluhen. Ertina adi enggo menjadi keputusen bersama, marilah sidukung ras silakoken. Janah adi siperdiateken keadaan gerejanta sebelum dan sesudah diberlakukannya sistem persepuluhen enda, akap kami enggo melala manfaat si banci sinanami, amin pe tentuna lenga bo maksimal erkiteken enterem denga kita si la nehken persembahen persepuluhen, entah pe si la konsisten nehken setiap bulanna. Emaka perlu terus-menerus kita erlajar nehken persepuluhen. Ula lebe siukurken nominalna, tapi erlajar lebe kita konsisten nehken persepuluhen setiap bulanna. Mari radu ras sibuktiken janji Tuhan, maler pasu-pasu Dibata man kalak si setia nehkeh persepuluhen. Man banta Serayan Tuhan (Pdt./Pt./Dk./Em.) asa bancina jadilah teladan i bas nehken persepuluhen.
I bas PJJ sendah mulihi kita isingetken kerna keleng ate Dibata si la erkeri-kerin i bas kegeluhenta. Arah kita merenungkan kasih Allah yang begitu besar e, seharusna, bagi bangsa Israel, turah je kerinduan untuk memberikan yang terbaik sebagai tanda nyata ucapan syukur kita kepada Tuhan. Dibata labo pernah perhitungen man banta, ibereken Dibata rusur si terbaik man banta. Kepekaan kita nandangi keleng ate Dibata e akap kami menentukan kerinduan ras kesetiaanta nehken si terbaik man Dibata erkelangken GerejaNa GBKP. Sue ras tema i bas PJJ-ta sendah, mari radu ras sibelasken i bas pusuhta sekalak-sekalak: “Nehken persepuluhen e me tandana nggit aku erlajar mehamat man Dibata alu tutus!”
Kerna palas teologis si deban si banci nambahi referensinta kerna nehken persembahen persepuluhen banci sioge i bas link entah pe tautan i teruh enda:
Tidak ada komentar:
Posting Komentar