SUPLEMEN PA MORIA GBKP TGL. 21 - 27 APRIL 2024

Pdt. Larena br. Sinuhadji (Nd. ReyRapha Tarigan)

PEMURIDAN

Si Man Ogen : Roma 16:3-4

Tema : ERBERITA JADI ORAT NGGELUH

Tujun : Gelah Moria :

- Erlajar arah Persila ras Akuila si mere dirina guna er-Berita Si Meriah dingen njagai pengajaren

- Mpertahanken kiniteken arah kesaksin ras perbahanenna

Metode : Story telling (nuri-nuri)

Penaruh

Lit sekalak tukang pangkas, sebut saja gelarna Bp. Kadih. Mehuli kel jelmana Bp. Kadih enda. Ia sekalak Kristen si erkemalangen man Dibata. Tutus ia erbakti i bas Gereja, aktif i bas kerina kegiaten Gereja. Janah ersura-sura ia er-Berita Si Meriah man kalak si lenga nandai Dibata i bas Yesus Kristus. I bas sada paksa, reh sekalak ku ingan pangkasna. Meriah kel ukur Bp. Kadih enda ndai. Mis ialo-alona. “Mari Bapak, silahkan duduk, mau pangkas model apa?” Nina man perbapan si reh ndai. “Saya mau model paling kekinian Pak.” Nina perbapan ndai man Bp. Kadih. “Ooh bisa Pak, saya seperti foto yang itu ya Pak?” Nina Bp. Kadih nungkun. “Ya betul sekali Pak.” Nina perbapan ndai njababsa.

Kenca enggo piga-piga menit ipangkas buk pelanggan ndai, ngerana Bp. Kadih, er-Berita Si Meriah atena. “Maaf Bapak, saya mau tanya, apakah Bapak sudah mengetahui Yesus Kristus?” Bage penungkunen Bp. Kadih. “Yesus Kristus ya sudah sering dengar Pak, apalagi di YouTube dan TikTok.” Nina perbapan ngaloi. “Tapi apa Bapak sudah jadi Kristen?” Mis isungkun Bp. Kadih. “Oh saya bukan Kristen Pak, saya agama lain.” Kenca bage mis ituriken Bp. Kadih ndai turi-turin kerna keselamaten i bas Yesus Kristus, kegeluhen kenca kematen, rsd. Kenca piga-piga menit ngerana, proses pangkas enggo seh ku cukur kumis ras jenggot. Ibuat Bp. Kadih piso cukur. Piso cukur ndai modelna si ndekah denga, si harus lebe iasah sope ipakeken. Nce sanga iasahna piso cukur ndai, nungkun Bp. Kadih, “Jadi kalau Bapak mati hari ini apa Bapak sudah siap?” Inen perbapan ndai Bp. Kadih sanga ngasah piso, mis ia kiam nadingken ingan pangkas e, sebab iakapna piso ndai guna munuh ia.

Turi-turin enda guna pertawa ngenca, erkiteken PA-ta sendah ngerana kerna er-Berita Si Meriah, janah metode i bas PA-ta sendah nuri-nuri entah pe story telling. I bas PA-ta sendah radu ras kita mulihi erlajar kerna er-Berita Si Meriah erpalasken si man ogen sendah.

Mpebagesi Si Man Ogen

Enterem temen sekerja Paulus i bas er-Berita Si Meriah, salah sadana eme pasangen suami istri Akuila ras Persila. Duana gelar kalak enda mekatep isebutken ras-ras. I bas Pustaka Si Badia, lit 7 kali ayat i ja gelar kalak enda isebutken (Perb. Rasul 18:2, 18, 19, 26; Roma 16:3; I Kor. 16:19; ras II Tim. 4:19). Emaka i bas kesempaten enda mehuli adi sibuat ka informasi kerna Persila ras Akuila enda arah sumber-sumber si deban selain si man ogenta sendah.

I bas Perb. Rasul 18:1-3 ituriken maka itadingken Paulus kota Aten ras lawes ia ku Korinti. I Korinti kepeken jumpa ia ras pasangen suami istri Akuila si asalna bas Propinsi Pontus nari ras Persila ndeharana, i ja kalak enda mbaru denga reh Italia nari sabab kerina kalak Jahudi ipelawes Kaisar Roma, Klaudius. Ertina, itadingkenna kota Roma erkiteken lit konflik politik, i ja mengharusken kerina kalak Jahudi lawes i Italia nari. Enggo pasti hal enda mpengaruhi kondisi ekonomi keluarga Akuila, i ja sedekah enda enggo mapan usaha tenda si idalankenna i Italia. Tapi hal si menarik si banci siidah, maka duana kalak enda, ersada arih ngalaken perbeben nggeluh. Subuk i bas membangun ras mengembangken usaha tenda i Korinti bage pe nampati dahin pelayanen pembarken Berita Si Meriah.

Selanjutna ituriken maka leben ijumpai Paulus Akuila ras Persila, janah i rumahna me Paulus kesilang erkiteken seri bidang usahana e me erbahan tenda. Rikutken informasi si lit i bas Perb. Rasul 18:1, ituriken maka 18 bulan (sada setengah tahun) dekahna Paulus i bas kota Korinti, iajarkenna Kata Dibata man anak kuta e. Ertina, selama kurang lebih sada setengah tahun Paulus tading i rumah Akuila ras Persila.

Arah piga-piga sumber Pustaka Si Badia ndai lit piga-piga poin penting si banci siusih i bas jabu Akuila ras Persila :

1. Tetap setia i tengah keluarga i bas ngalaken tantangen si mberat, sabab banci erkiteken pergumulen si mberat keluarga e, la nari harmonis ras setia. Keluarga enda tetap saling mendukung ras menopang.
2. Perbeben si mberat, labo menghalangi keluarga enda jadi pasu-pasu. Akuila ras Persila ngasup rukur positif, maka rejeki e rehna i bas Dibata nari. Emaka aminna mbaru denga tading i Korinti, mbangun usaha kembali dari nol, labo erbahanca keluarga enda mbiar ras eraru ate. Labo lit ukurna cian entah pe saingenna akapna Paulus i bas seri usahna. Bahkan saling bersinergi, untuk saling menopang. I rumahna ka Paulus kesilang selama kurang lebih sada setengah tahun.
3. Ersada ukurna i bas nampati pelayanen Paulus. Banci jadi selama Paulus kesilang i rumah Akuila ras Priskila, kesempaten man bana erlajar kerna Kata Dibata ras mendampingi Paulus i bas er-Berita Si Meriah. I bas Perb. Rasul 18:18-19, ituriken maka kenca pelayanenna i Korinti, iterusken Paulus ku Siria radu Persila ras Akuila, ras menetap ka i Epesus. Berkat Paulus i Epesus nari tapi Akuila ras Priskila tading i kuta e. Ertina, Paulus enggo mempercayaken dahin pelayanen er-Berita Si Meriah i kota Epesus man Akuila ras Persila.
4. Ikut nampati Paulus i bas njagai pengajaren si benar. Adi rikutken si ituriken i bas Perb. Rasul 18:26, asum ibegi Persila ras Akuila pengajaren firman Tuhan arah Apolos i ja lit si kurang lengkap (sabab peridin Johanes ngenca ietehna). Alu dem kekelengen ras la mpermaluken Apolos, ibabana Apolos ku rumahna je nari alu lebih tepat iperjelasna man Apolos kerna dalan kegeluhen si ituduhken Dibata.
5. Rumah kalak enda pe ipake guna ingan pulung perpulungen i bas erlajar kerna Kata Dibata (I Kor. 16:19).

I bas ogenta sendah ituriken Paulus maka Akuila ras Persila enda temanna sada dahin i bas dahin Kristus Jesus (terj. TB-LAI, “teman-teman sekerjaku dalam Kristus Yesus.” Terj. BIMK, “rekan-rekan saya yang sama-sama bekerja untuk Kristus Yesus”). Ertina i jenda Paulus mengakui maka Akuila ras Persila selaku teman sekerja (team work), senang susah, meriah ukur ras ceda ate i bas meritaken Berita Si Meriah. Bahkan nggit kalak enda ngasamken kesahna (berkorban) guna Paulus (terj. BIMK, “Mereka hampir mati”). Kai si ibahan Akuila ras Persila mereken semangat tole man Paulus seh makana la surut dahin si idahikenna i bas nehken Berita Si Meriah. Paulus mengapresiasi (mujiken) kai si enggo ibahan pasangen suami istri enda. Bahkan labo Paulus ngenca si ngataken bujur man duana kalak enda, tapi pe kerina perpulungen si labo kalak Jahudi.

Versi Audio silahkan klik : https://youtu.be/ZV1U2SqhEc8

Pengkenaina

PA-ta sendah ngajuk kita kerina Moria gelah nggit kita erlajar arah jabu Akuila, khususna ndeharana Persila, i ja tuhu-tuhu ia mendukung pelayanen perbulangenna bage pe Paulus, khususna kerna er-Berita Si Meriah. Memang la ituriken secara mendetail kerna latar belakang kegeluhen Akuila ras Persila, tapi banci ikataken kalak enda duana e me pembelajar si mehuli. Sebage pengusaha tenda, nggit denga kalak enda duana meluangkan waktu guna erlajar arah Paulus nari kerna pokok-pokok iman Kristen, termasuk i bas er-Berita Si Meriah. Ulih nggit erlajar ndai, maka Persila ras Akuila pe beluh njagai pengajaren si benar kerna erkiniteken man Dibata i bas Yesus Kristus, bagi si lit i bas tujun si pemena PA-ta sendah. Nggit Persila ras Akuila ngajari Apolos kerna pengajaren si benar.

Rikutken tujun si peduaken, erlajar kita arah Persila ras Akuila kerna mempertahanken kiniteken arah kesaksin ras perbahanenna. I bas geluh perjabun, kalak enda duana saling menopang. Megenggeng i bas ngalaken kerina tantangen. Tetap jadi pasu-pasu amin pe melala tantangen. Ersada ukur i bas nampati pelayanen Paulus termasuk je i bas er-Berita Si Meriah. Nggit berkorban gelah dahin-dahin pelayanen bage pe er-Berita Si Meriah banci erdalan alu mehuli. Enda akap kami bentuk-bentuk nyata mempertahanken kiniteken arah kesaksin ras perbahanenna.

Terakhir, mari radu ras siinget rusur maka kita e me surat Kristus si ioge kerina kalak si lit i sekelewetta. Ertina kehadirenta i japa pe, kerina kalak si ndeher ras kita banci ngenanami keleng ate Kristus arah pola pikir, pengerana, perbahanen, ras kerina pengkebet geluhta. Enda akap kami ertina erberita jadi orat nggeluh. Sedangken adi ngerana kita kerna pemuridan, tentu harus lebe kita tutus erlajar kerna pokok-pokok Iman Kristen. Sebab pemuridan e labo terjeng pulung-pulung meriah, ngoge Pustaka, ertoto ras foto-foto saja, harus lit je pelajaren kerna pokok-pokok Iman Kristen, janah si paling penting i bas pemuridan e, membimbing murid-murid untuk belajar dan melakukan firman Tuhan.