SUPLEMEN PJJ GBKP TGL. 23 - 29 APRIL 2023

Pdt. Larena br. Sinuhadji (Nd. ReyRapha Tarigan)

PEMAIN MUSIK I BAS RUMAH PERTOTON

(1 Kronika 25:1-8)

Penaruh

Minggu si lepas enggo kita erlajar kerna pengaturen ras persikapen si mehuli i bas beribadah i Rumah Pertoton alu tema “Aron si erdahin i bas Rumah Pertoton”. I bas minggu enda erlajar ka kita arah Daud nari si ngaturken pemain musik Rumah Pertoton.  

Adi sitelusuri kata “musik” i bas Alkitab Bhs. Ind. TB-LAI, hanya lit 10 kata ngenca. Kerinana lit i bas Kitab Kronika (Tawarikh). Tapi si lebih penting akap kami, musik e me sada bagin si la terpisahken i bas rende muji Tuhan. I bas rende muji Tuhan harus lit je syair-syair pujianna, kalak si ngendekenca, alat-alat musik, rikut pemain musikna. Kitab Masmur e me contoh si mejile kerna rende muji Tuhan alu iringan musik. Arah Kitab Masmur pe iajuk kita guna lalap rende muji Tuhan (bdk. Maz. 147:7, rsd.).

Mpebagesi Kata Dibata

Perikop i bas ogenta sendah e me kelanjutken i bas melala hal si ilakoken Daud i bas majekken sistem peribadahan si mehuli i Rumah Pertototn kalak Israel paksa si e. Ituriken i bas ogenta sendah maka Daud ras pemimpin Suku Lewi milih terpuk-terpuk kalak Lewi guna mabai kebaktin, e me terpuk si ipimpin Asap, terpuk si ipimpin Heman, ras terpuk si ipimpin Jedutun. Kalak enda teluna nehken Kata Dibata alu iringen musik kulcapi, gambus ras simbal. Masing-masing terpuk lit tugasna masing-masing. Terpuk Asap anggotana e me anak-anak dilaki Asap si jumlahna 4 kalak, tugasna e me nehken Kata Dibata. Terpuk Jedutun anggotana e me anak-anak dilaki Jedutun si jumlahna 6 kalak, tugasna nehken Kata Dibata radu ras musik kulcapi janah ngendeken ende-enden pujin bage pe pengataken bujur man Tuhan. Terpuk Heman anggotana e me anak-anak Heman si jumlahna 14 kalak, tugasna main kulcapi ras gambus ngikuti kalak ersembah i bas Rumah Pertoton. I bas ay. 7 ikataken maka kerina anak-anak Asap, Heman, ras Jedutun rikutken kade-kadena e me ahli-ahli musik si terlatih. Ay. 8 ncidahken cara kalak enda erbahan jadwal entah pe giliren guna melayani i Rumah Pertoton.

Versi Audio Klik https://www.youtube.com/watch?v=f4215pKI2v0

Arah ogenta sendah lit piga-piga hal si banci sipelajari. Si pemena, Daud sebage sekalak si ahli bermain musik kulcapi (bdk. 1 Sam.16:16-18) tuhu-tuhu nggejapken manfaat musik i bas beribadah i Rumah Pertoton, e maka iaturkenna terpuk-terpuk guna nehken Kata Dibata alu iringan musik. Si peduaken, si ipilih Daud e me pemain musik si tuhu-tuhu ahli ras terlatih alu mehuli. Si peteluken, alat musik i bas ogenta sendah labo terjeng sada, tapi lit telu, e me alat musik petik (kulcapi ras gambus), ras alat musik pukul (simbal). I bas Pustaka Si Badia lit telu kelompok alat musik, e me alat musik senar, alat musik tiup, ras alat musik pukul. Alat musik senar si ipetik e me kulcapi, gambus, rebab, ras serdam. Alat musik tiup e me suling, sangkakala, nafiri entah pe terompet. Alat musik pukul e me rebana, ceracap (simbal), giring-giring, ras kerincing-kerincing. Ertina kerina alat musik si lit paksa si e tuhu-tuhu ipergunaken guna rende muji Tuhan.      

Pengkenaina

I bas PJJ-ta sendah radu ras kita erlajar kerna pentingna alat musik, pemain musik, rikut cara memainken alat musik i bas pelayanen peribadahen i Gerejanta masing-masing. Kerna si e, leben kita harus ngataken bujur sebab i bas GBKP enggo lit Kitab Ende-enden si isina semakin lengkap ras bakal terus ilengkapi alu lagu-lagu pujian si beragam. Enggo melala GBKP si terbuka menerima lagu-lagu pujian populer si sue ras Konfesi GBKP. Enggo melala GBKP si ngelitken alat-alat musik si lengkap. Tapi ratana gundari minimal enggo lit sada keyboardna. Enggo melala GBKP si mengiringi pujian alu alat musik band, alat musik tradisional, bage pe alat musik akustik, janah enterem pemain musikna si tuhu-tuhu ahli ras terlatih. Apakah lit pengaruhna adina melala alternatif pilihen jenis alat musik si ipake i bas kebaktin-kebaktin? 

Lit sada penelitian guna skripsi tahun 2014, si ilakoken sekalak mahasiswi i bas Universitas Negeri Yogyakarta (UNY) nari, alu tujun penelitian untuk mengetahui ada tidaknya pengaruh musik iringan ibadah impresif terhadap jumlah jemaat GKI Gejayan dan mengetahui seberapa besar pengaruh musik iringan ibadah impresif terhadap jumlah jemaat yang hadir? Musik iringan ibadah impresif i jenda e me perpaduan antara alat musik dawai ras alat musik tiup (biola I ras II, biola alto, cello, contra bass, flute, saxophone, clarinet ras piano). Kai si terjadi i GKI Gejayan paksa si e memang cukup fenomenal, teridah rata-rata jemaat si reh arah erbage-bage bentuk ibadah si ilakokenna sepanjang tahun 2013, banci sinen i bas tabel teruh enda :

Hasil i bas penelitian ndai 55% responden menyatakan jumlah kehadiran jemaat yang semakin meningkat disebabkan oleh adanya musik iringan ibadah impresif, sedangken 45% responden menyatakan jumlah kehadiran jemaat yang semakin meningkat disebabkan oleh faktor lain. I bas penelitian e ikataken maka, “Dalam suatu peribadatan di gereja, musik iringan memiliki suatu peran yaitu menyampaikan pesan yang terdapat pada lagu yang dibawakannya. Ketika musik dapat menyampaikan pesan atau makna yang terkandung dalam sebuah lagu, maka jemaat akan dengan mudah untuk memahami makna dari lagu tersebut dan akan mempengaruhi keimanan jemaat. Ketika jemaat merasa dapat lebih mudah untuk memahami makna yang terkandung pada suatu peribadatan, maka jemaat akan selalu datang untuk beribadah dan meningkatkan keimanan jemaat kepada Tuhan”. 

Peneletian secara lengkap banci iogenndu i bas link enda https://core.ac.uk/download/33516685.pdf

Arah penelitian enda akap kami banci menjadi rujukkan man banta maka jenis alat musik, pemain musik, ras cara memainken alat musik sangat mempengaruhi kualitas ibadah ras tingkat kehadiran jemaat dalam ibadah. Ertina perlu sievaluasi, adina sedekah enda Gerejanta enggo memfasilitasi alu mehuli alat-alat musik si lengkap (labo terjeng 1 jenis alat musik saja), merekrut pemain musik alu mereken pelatihan-pelatihan khusus, mereken alternatif jenis-jenis iringan musik (tradisional, populer, rsd.), selalu berinovasi i bas Musik Gerejawi, mpesikap disain interior, akustik, sound system Gereja gelah sora musik si ihasilken mejile, e akap kami Gerejanta enggo tuhu-tuhu ngusih kai si enggo ilakoken Daud.

Perlu siakui maka enterem denga kita si lenga menganggap penggunaan alat musik e hal si penting i bas ibadah, e maka si rusur terjadi tempona salah, kerina lagu pujian si lit i bas KEE iiringi alu gaya musik Karo padahal situhuna labo kerina banci iiringin alu gaya musik Karo. Pemain musikna kurang pemeteh kerna Musik Gereja yang baik dan benar. Janah pemain musikna sekalak ngenca si lit. Song Leader rusur fals nadana. Melala alat musik si enggo ceda ipediat bage-bage saja seh makana musik si ihasilken pe labo mejile. Sound system, akustik ruangan ibadah kurang sipesikap si erbahanca rusur terjadi storing si mengganggu jalanna ibadah, rsd. Emaka i bas kesempaten enda mari radu ras sievaluasi ras sipesikap kai si banci sipesikap guna semakin meningkatken kualitas ibadahta. Umpamana, adi sada denga pemain musikta, bahanlah rekrutmen alu pelatihan khusus man si berminat ras tutus. Sound system ras akustik ruangan ipesikap gelah sora si terbegi e mejile, rsd. Dibata si mpengasup kita guna mpekena-kena musik i bas Gerejanta masing-masing.