Pdt. Larena br. Sinuhadji (Nd. ReyRapha Tarigan)
Ogen : Matius 25:14-30
Tema : LEBIH ASA CUKUP
Tujun : Gelah Moria:
- Meteh maka kerina jelma ibereken Dibata talenta
- Ngidah talenta si lit i bas ia ras makekenca alu berkontribusi ku GBKP
Metode PA : Analisis SWOT
Perumpamaan Yesus kerna talenta enggo rusur sibahas, baik i bas PJJ bage pe i bas PA-PA Kategorial. Baru denga bahan PA Mamre membahas kerna perumpamaan talenta enda alu tema “Talenta lit i bas kam, pebelinlah” (Tgl. 12 - 18 Peb. 2023). Janah hampir setiap tahun, asa penginget kami, selalu lit pembahasen kerna talenta enda, mbera semakin mendorong kerina kita Moria untuk makekenca talenta si lit i bas kita alu berkontribusi ku GBKP guna kemulian gelar Dibata.
I bas ogenta sendah ituriken kerna perumpamaan telu kalak juak-juak, si ibereken tuanna erta-ertana gelah ipokokken juak-juak e. Sekalak-sekalak iberekenna rikutken kengasupen juak-juak e. Deba iberekenna 5 talenta, 2 talenta ras sekalak nari 1 talenta. Juak-juak si iberken 5 ras 2 talenta minter ilipatgandakenna alu ia erbahan usaha. Sedangken si 1 talenta, ibunikenna saja duit tuanna ndai. Kedungenna, juak-juak si ndatken 5 ras 2 talenta ipujiken tuanna kenca enggo ia mulih. Labo hasilna ipujikenna, tapi i bas ia banci mpertangungjawabken duit si enggo ibereken tuanna ndai. Teridah maka duana juak-juak enda, e me kap juak-juak si tutus, mejingkat, mehuli dingen bujur. Erkiteken tutus kalak enda i bas hal si kitik maka ipercayaken man tuanna ka si terbeliden. Sedangken juak-juak si ibereken sada talenta, lenga pe isungkun tuanna enggo leben ia mandangi tuanna, ibahanna lebe alasenna engkai makana la iusahakenna duit si enggo ibereken tuanna ndai. Merawa tuanna enda ndai, sabab ia juak-juak si jahat ras pekisat. E maka iukum me juak-juak enda ndai, i ja isampetken ku bas ingan si gelap: i ja tangis me ia dingen mesui kel atena.
Arah perumpamaan enda isingetken mulihi kita kerna piga-piga hal. Si pemena, enggo ibereken Dibata man banta talenta. Talenta si lit i bas kita e banci iertiken karunia, kebeluhen i bas hal-hal tertentu, kesehaten, erta kebayaken, ras kerina bentuk si deban pasu-pasu si ipercayaken Dibata man banta. I bas si e patut kita menyadari talenta kai saja si enggo ipercayaken Dibata man banta. Si peduaken, kerina talenta ndai ibereken Dibata sue ras kapasitas si lit i bas kita, entah pe sue ras kengasupenta. Emaka “ojo dibanding-bandingke” janah ula merasa terintimidasi ras talenta-talenta si ibereken Dibata man kalak si deban. Adi enggo isedari kita talenta kai saja si enggo ipercayaken Dibata man banta, kataken bujur man Dibata, bersyukur atas apapun talenta yang sudah Tuhan percayakan kepada kita. Kenca si e, fokus kita ku talenta-talenta si enggo ipercayaken Dibata man banta. Si peteluken, kerina talenta si enggo ipercayaken Dibata man banta harus ikelola alu ertanggung jawab. Tek kita adi tuhu-tuhu bertanggung jawab kita i bas kerina talenta si enggo ipercayaken Dibata man banta, ibereken Dibata kepercayaan i bas hal si deban.
Tema si seh man banta i bas PA sendah e me, “Lebih asa cukup” alu tujun gelah Moria meteh maka kerina jelma ibereken Dibata talenta. Janah Moria ngidah talenta si lit i bas ia ras makekenca alu berkontribusi ku GBKP. Metode PA sendah e me Analisa SWOT.
Versi Audio klik https://www.youtube.com/watch?v=XkhVfRVb9q8
Tema ras tujun si pemena akap kami enggo terjawab i bas uraian ogen i datas, iajuk kita guna menyadari kai saja si enggo ipercayaken Dibata man banta. Ngataken bujur i bas kerina si enggo ipercayaken Dibata man banta. Fokus kita ku bas kerina talenta si enggo ipercayaken Dibata man banta guna makekenca ras ngembangkenca.
I bas sada artikel ikataken maka Analisa SWOT enda tangtangna ipetandaken Albert S. Humphrey sekalak konsultan bisnis ras menejemen i bas tahun 1960-an i Stanford Research Institute Amerika Serikat. Kenca si e metode Analisa SWOT enda itandai secara luas, khususna i kalangan pebisnis guna ngembangken usahana. Gundari Analisa SWOT enda sangat bermanfaat man kerina kalangan labo terjeng man pebisnis saja. Gerejanta pe enggo semal menggunaken metode enda guna ngembangken potensi si lit. Secara sederhana Analisa SWOT enda merupaken metode perencanaan suatu strategi alu mpertimbangken sekaligus mengevaluasi 4 komponen utama e me, Strength (kekuatan), Weakness (kelemahan), Opportunities (kesempatan - peluang), ras Threats (ancaman).
I bas Buku PA-ta enggo isikapken kolom-kolom khusus guna kita banci mendaftarken bage pe mengevaluasi 4 komponen utama ndai. Kerina kita banci mengisi kolom-kolom enda janah ipresentasiken ku forum gelah banci radu ras sievaluasi. Enda akap kami untuk menjawab tujun si peduaken i bas PA-ta sendah. Dibata si mpegegehi kita Moria guna mengelola alu mehuli kerina talenta si enggo ipercayaken Dibata man banta.
Artikel Pendukung https://www.gramedia.com/best-seller/analisa-swot/
Tidak ada komentar:
Posting Komentar