PJJ GBKP Tgl. 12 - 18 Mei 2019

PJJ GBKP Tgl. 12 - 18 Mei 2019

Pdt. Larena br. Sinuhadji (Nd. Rey Rapha Tarigan)

Tema : Nggit Berubah Erkiteken Perentah Tuhan (Lukas 5:1-11)

(Entrepreneurship : Perubahan Cara Rukur/Mindset)

“Berubah” e me salah sada slogan film kartun Ultraman, i ja kedungenna terjadi perubahan dari manusia biasa ku superhero. Adi kita ngerana kerna perubahen e salah sada kemutlaken, sabab kai pe bas doni enda berubah. Manusia tubuh, berkembang terus menjadi dewasa, jadi orang tua, kedungenna mate. Kalak si la nggit berubah pasti akan tergilas jaman. Marenda mbue merek barang elektronik ternama : Nokia, Kodak, Compaq hanya tading kenangen, bali ras Dinosaurus tading fosilna, erkiteken la nggit mengikuti perkembangen. Perubahen penting kel i bas kegeluhenta terlebih perubahen ku bas si mehuli.

Terlebih perjumpaan ras Yesus selalu maba perubahen ku bas si mehuli ras terjadi i bas kegeluhen Simon Petrus. Paksa si e Yesus sangana ngajar i dano Genesaret (Galilea). Nterem kalak siasak-asaken ngkeleweti IA guna megiken berita i bas Dibata nari. I datasi Yesus perahu Simon Petrus si sangana ngadi i tepi dano dingen isuruhna Simon njembaken perahu e sitik ku lau nirangken tepi dano e. Kundul Yesus bas perahu e, i je nari IA ngajar man jelma si nterem. Kenca dung IA ngajar iperentahkenNa Simon Petrus maba perahuna ku tertengahen ku ingan si mbages. Je nari suruhna Petrus ngamburken jalana guna nangkap nurung. Awalna bagi si menolak Petrus erkiteken  enggo sada berngi ndarami ikan, tapi kai pe la datna. Janah tuhu-tuhu latih kel iakapna, terlebih enggo ka enda erpagi-pagi, mustahil banci ndatken ikan. Tapi kedungenna taat Petrus. “Adi Kam kal nuruhsa banci kuamburken jala e.” Kai si terjadi? Melala kel idat Petrus nurung seh maka merigat atena jala ndai. Enggo pe reh temanna nampati, i ja duana perahu isina dem nurung e pe menam la siat, janah menam gedap pe.

Perjumpaan ras Yesus maba perubahen si mehuli, si awalna latih ertangkel erkiteken kegagalan i bas usaha (sepanjang malam kai pe la dat) berubah jadi keriahen ukur. Sabab Petrus taat man perentah Yesus. Awalna kai pe la dat kedungenna ulihna erlipat ganda, dingen bene ukur berubah menjadi dem pengarapen. Labo terjeng je, saja tapi kedungenna Petrus nggit nadingken dahinna sebage penjala nurung beralih menjadi penjala jelma. Isedarina ise ia ras ise kin Yesus Kristus si tuhu erkuasa, si menyadarken dirina kerna dosa-dosana dingen la metunggung ia iadepen Yesus, “laweslah Kam i bas aku nari! Aku kalak perdosa kap!” Labo murah beralih pendahin. Pasti kita rukur kerna jaminen masa depan, sope kita beralih pendahin. Tapi Petrus enggo ngendesken geluhna man Yesus Kristus, maka ieteh Tuhan kai si terbaik i bas kegeluhen Petrus ras keluargana.

Mengubah mindset (cara rukur) labo mesukah sabab umumna kita enggo nggeluh alu pola pikir si seri ertahun-tahun (berurat berakar). E maka paling tidak, arus lit lebe kemauan untuk berubah (mengubah mindset) ras enggo pasti membutuhken proses. Si pemena arus silakoken kita, nggeluh rembak ras Tuhan, nggeluh i bas Kata Tuhan ras ipakeken. Si peduaken, biasaken membaca entah ndatken berita-berita si positif, si membangun, gelah terbiasa pikirenta iisi alu hal si positif si banci memotivasi kita. Si petuleken, lingkungen entah ras ise kita bergaul pe sangat nampati kita guna banci mengubah mindset. Adi lingkungenta bergaul mbue kalak si sukses i bas usaha, kalak si pantang menyerah, si petarung, rsd., la banci lang karakterna mempengaruhi kita.