PJJ GBKP Tgl. 7 - 13 Oktober 2018

PJJ GBKP TGL. 7 - 13 OKTOBER 2018

(Bencana/Penyakit Sosial, LGBT, Judi, Narkoba)

Pdt. Larena br. Sinuhadji (Nd. Rey Tarigan)

Tema : MPEKENA SI ENGGO CEDA [Kuan-kuanen 25:15-18]

Penjelasen Ogen & Renungan

I bas jaman genduari enterem kalak terpengaruh ku bas ajaren hedonisme, e me sada ajaren si tujunna kenikmatan ras kesenangen sesaat. Labo penting soal uga carana kita ndatken kesenagen e si penting adi banci denga senang (nikmat) bagem idarami. Persoalen haram entah pe halal urusen belakang. Mbue contoh kalak ndarami kenikmaten (kesenangen) alu gaya hidup konsumerisme (membeli barang-barang tapi mbue si labo kebutuhenna, tapi rikutken trend si berkemang). Gaya hidup materialistik, i ja materi khususna duit si menjadi tujun. Emaka labo siakap heran gaya hidup enda pe enggo bengket ku Gereja, i ja adi la lit entah pe sitiksa transport (uang jalan) kurang ketutusenna entah pe la nggit terlibat i bas pelayanen. Gaya hidup seks bebas pe, subuk ndabuh ku obat-obaten terlarang, rusur dugem, judi, LGBT, rsd., enggo merajalela.

Pinakit sosial enda banci saja ngkenai ise pe, benaken anak-anak, remaja, pemuda/i, bage pe orangtua. Melala kasus terjadi anak-anak di bawar umur labo hanya menjadi pemakai tapi pengedar narkoba alu iming-iming pedas ras murah ndatken sen. Hartoyo (aktivis LGBT) mengisahkan maka ietehna ia gay asum kelas 4 SD (https://nasional.tempo.co.). Bahkan Ketua Divisi Kajian Aliansi Cinta Keluarga Indonesia (AILA) Dinar Kania ngataken kelompok LGBT enggo mulai menyebarken paham LGBT man anak-anak SD. Termasuk judi si la nari imainken secara konvensional (enggo jarang) tapi imainken secara online ras pinakit enda banci memiskinken kalak adi la beluh kita mainkenca.

Genduari kai si arus silakoken gelah kita rikut ras keluarganta terhindar i bas pinakit  sosial enda, bahkan tampil kita sebagai pemenang, ija ngasup kita jadi tim penyuluh, entah pe mendampingi senina turangta si enggo terkena pinakit sosial enda? Syarat utama ras pemena e me Kata Dibata. Benaken orangtua seh ku anak nggeluh i bas Kata Dibata.

Ogenta jelas ngatakenca maka bangsa si la ngikutken perentah Tuhan, e me bangsa si rontang (hancur). Sangap me kalak si patuh man Undang-undang Tuhan (Ps. 18). Keluarga e me kap lembaga terkecil i bas sada bangsa. Kesuksesan sada bangsa (negara) ibenaken i bas setiap keluarga. Emaka, orangtua sebage wakil Tuhan lebe nggeluh i bas Kata Dibata, jadi teladan man isi jabuna. Je nari ajari anak nggeluh i bas Kata Dibata, sedini mungkin. Emaka la nari man tawaren ibadah keluarga bagi si enggo isosialisasikan ras ibahan tata ibadahna bas klasis nari enggo banci silakoken. I bas jabu perlakuken masing-masing individu alu meherga sebage subyek labo obyek  dingen bangun komunikasi si asertif (terbuka). Uga pe sibukna masing-masing individu i bas jabu, erkomitmen sada minggu sekali lah gia lit “family time” entah makan malam bersama, nonton bareng ras asum lit kebersamaan i bas jabu ipakeken untuk sharing ras erkomitmen untuk tidak memegang Hp. Sebab gadget genduari si mbelinna jadi pemisah antara anggota i bas tep-tep jabu. Kerina sibuk dengan gadgetna masing-masing tapi la saling peduli sada ras si debanna. Emaka la heran lit kuan-kuan ngatakenca erkiteken Hp, si ndauh jadi ndeher, si ndeher reh dauhna, erkiteken la lit nari komunikasi. Kerina anggota jabu arus seri visina e me kap mbangun jabu i bas palas Kata Dibata ras bersama mencapai kebahagian. Ras enda tetap i bas proses.

Lit peribahasa, “salah benana lepak pendungina”. Tapi adi i bas Tuhan, “salah benana mehuli kedungenna”. Emaka adi kin bas anggota jabu subuk anak entah orangtua si enggo terkena pinakit sosial (Judi, Narkoba, LGBT, Aids) alu kesadaren si penuh bertobat ras nadingken  perbahanen si la mehuli e. Memang labo gampang, apai ka adi enggo lit si berurat berakar igelutina hal i datas ndai, enggo pasti sulit nadingkenca. Tapi la lit si metahat i bas Dibata. Adi kin ersura-sura kita mpekena si enggo ceda, ibenai alu kesadaren maka si nilakoken kita sedekah enda menyimpang i bas sura-sura Tuhan. Bertobat alu kesadaren sendiri labo erkiteken paksaan entah pe ikut-ikuten. Je nari tetap nggeluh ngerembaken diri ras Tuhan arah ertoto, saat teduh, ikut muat bagin i bas tep-tep kebaktin. Pebue aktivitas si erbahanca la lit ukurta entah perbahanenta ku si la mehuli ndai, teman-temanta si sedekah enda banci menjerumusken kita enggo banci tadingken (pergunaken waktu luang alu erbahan aktivitas si mehuli). Ertina tadingken lingkungen si ndekah enda si banci ubahna kita ku bas si la mehuli. Man anak-anakta adi enggo kena narkoba sidarami panti rehabilitasi si banci mengurangi dampak i bas pemakaian narkoba. Benaken kitik-kitik nari ajari ras teladanken kerna nilai-nilai kekristenan (kekelengen, kesabaren, kerja sama, tanggung jawab, melayani, rsd.). Ula biasaken simanjaken entah sitami-tami sabab labo mehuli guna perkembangen karakterna. Kedungenna ijurukenna orangtuana. Gereja melalui persekutuan kategorial pebue aktivitas si membangun (olah raga, musik, PA, rsd., si ikemas alu menarik). Alu bage, subuk keluarga ras Gereja banci bekerja sama guna membentengi dirinta gelah ola terjurumus ku bas pinakit sosial enda ndai. La lit si metahat i bas Tuhan, si enggo ceda pe banci denga ipelimbarui Dibata asal nggit kita merespon perkuah ate Tuhan.