PA MAMRE TGL. 23 - 29 SEPT. 2018 (Okultisme)
Nrs. Pdt. Larena Sinuhadji (Bp. Rey Tarigan)
Ogen : Keluaren 20:3-6
Tema : PENEMBAHEN BERHALA
Tujun : Gelah Mamre : 1) Ngangkai kai-kai saja bentuk
berhala e (berhala si ndekah ras modern). 2) Ngasup njagai diri guna ersembah
man Tuhan saja.
Metode : Diskusi
Penjelasen Bahan
Pustaka Si Badia & Aplikasi
Bahan ogenta e me kap bagin i bas 10 Pedah Tuhan si
ibereken Tuhan Dibata man bangsa Israel asum bangsa enda ndarat i Mesir nari.
Ay. 3-6 akap kami enggo jelas kerna Dibata si arus isembah bangsa Israel. Sembahlah
Dibata saja, ula erjimpuh man gana-gana entah pe ersembah ku je. Alasenna
jelas, sabab Dibatanta Dibata si mecimberu. Kalak si nundalken Tuhan iukum
Tuhan adi la lit pertobaten. Tapi man kalak si engkelengi Tuhan, si tetap setia
ndalanken perentah Tuhan, ikelengi Tuhan seh kempak meribu-ribu kesusurenna.
Ertina, tetap beliden kekelengen Tuhan asangken ukumenNa, si penting i jenda e
me kap soal ketutusen i bas nembah Dibata, tuhu-tuhu fokus perhatinta man
Tuhan, janah tuhu-tuhu taat kita man Tuhan.
Tema si seh man banta i bas PA sendah e me “Penembahen
berhala” alu tujun gelah Mamre ngangkai kai-kai saja bentuk berhala e (berhala
si ndekah ras modern), janah ngasup njagai diri guna ersembah man Tuhan saja.
Lit denga kin Mamre si nembah berhala? Adi sikaitken ras kiniteken si ndekah
mungkin lit denga tapi enggo lanai melala. Adi sikaitken ras berhala modern
mungkin melala denga kita si terikat denga man kuasa doni enda. Lit kita si
sadar tapi mungkin melala ka kita si la sadar enggo ikuasai berhala modern.
Prinsipna seri ras berhala si ndekah, kuasa gelap entah pe Iblis tujunna sada
ngenca, mabai manusia ku bas kehancuren. Man banta si erkiniteken man Yesus
Kristus, tujun Iblis e me nirangken kita i bas persadanta ras Kristus janah
ibabaina kita ku bas kematen.
Okultisme, alu kata dasar occult, ertina gaib,
gelap, tersembunyi, tidak tampak oleh mata, misterius. Okultisme e me ajaren si
tek nandangi kekuaten gaib si tersembunyi i bas benda-benda entah roh (arwah)
tendi kalak si mate. Kekuaten gaib si tersembunyi i jenda tek kita e me kuasa
Iblis entah pe kuasa doni enda si erbahanca manusia ndabuh ku bas dosa,
kehancuren ras kematen. I bas jaman si enggo modern enda kuasa gaib ndai lit i
bas erta kebayaken, teknologi si canggih, ilmu pengetahuan, rsd. Si e kerina
erbahanca manusia terikat, meganjang ukur, la nai perlu erkiniteken entah pe
er-Dibata, rsd.
Selaku anak-anak Dibata, anak-anak terang, tetaplah Mamre
tek dingen sisembahlah Dibata alu bulat ukurta. Ula duaken Tuhan Dibatanta.
Teklah kita maka tetap beliden kuasa Dibata asangken kuasa kai pe bas doni enda,
sabab IA Dibata si nepa doni enda ras kerina isina. Si peduaken, Mamre arus
metenget nandangi kuasa-kuasa kegelapen si lit i sekelewetna. Pindolah gegeh i
bas Dibata nari gelah ngasup njagai diri guna ersembah man Tuhan saja.
I bas teruh enda penjelasen kerna okultisme si enggo pernah
itulisken kami i bas PJJ Tgl. 26 Juli - 1 Agustus 2015, mungkin banci nambahi pengangkanta
kerna okultisme :
Praktek Okultisme si banci siidah kita i bas
kegeluhenta : 1) Minta kesembuhan man dukun. 2) Minta kekebalan tubuh man dukun.
3) Minta jimat man dukun dan biasanya dipakaikan pada tubuh : misal dililitkan
pada ikat pinggang, pada gigi yang dilobangi sangat kecil, pada batu cincin,
pada pergelangan tangan, pada leher seperti kalung (anak kecil), ditanam pada
bagian tubuh manusia (susuk). 4) Meminta penjaga rumah agar menjaga rumah dari
penjahat, pencuri, perampok dan anggota rumah dari ancaman penyakit menular dan
roh-roh jahat. Biasanya diletakkan di pintu masuk rumah, pekarangan rumah, di
sumur, di pekarangan, dan fondasi rumah. 5) Minta penglaris, pemanis. 6) Penggunaan
pijat kiriman : apabila ada orang sakit,
tidak perlu dibawa ke dukun, cukup memberi informasi tentang yang sakit itu,
selanjutnya dukun akan melakukan terapi jarak jauh. Orang karo biasanya ketika
ada orang yang patah tulang, dukunnya akan memijat pohon pisang, tetapi yang
sakit akan mengalami kesakitan di rumahnya.
Tingkat keterikatan pada kuasa kegelapan : 1) Kelas
sangat berat : Dukun. 2) Kelas berat : Memiliki ilmu (penjaga) dan aktif berkonsultasi
pada dukun, atau setiap ada persoalan berkonsultasi ke dukun. 3) Kelas menengah
: Memiliki penjaga dan sesekali konsultasi ke dukun. 4) Kelas menengah ringan :
Sering konsultasi ke dukun tapi tidak memiliki penjaga. 5) Kelas ringan :
ketika sakit pernah berobat ke dukun.
Gejala-gejala adanya hubungan dengan kuasa gelap : malas
ke Gereja, tertidur saat dengar khotbah, malas baca Alkitab, keras kepala,
ragu-ragu, gampang emosi, gelisah, tidak tenang, takut, selalu berpikir
negatif, perilaku seks menyimpang (selingkuh), dsb.
Jalan keluar si arus sidalanken dalam rangka nampati
kalak si make kuasa kegelapan : 1) Pembongkaran dosa okult (Ul. 18:9-13; 28:15).
2) Pengakuan dosa (Maz. 32:1-4; Yes. 43:25, 1 Yoh. 1:9). 3) Pemutusan hubungan
dengan kuasa kegelapan dan garis kutuk (Kel. 20:2-4; Mat. 12:43-; Luk. 10:19 (benda
okult harus dimusnahkan). 4) Memberikan pengampunan (Mat. 6:12; Mar. 11:25). 5)
Mengundang Yesus secara pribadi (Mat. 12:43-45; Ef. 2:2; Why. 3:30; 1 Yoh. 4;4;
Mar. 16:17).6) Hidup dalam ketaatan dalam persekutuan, berdoa, mendengar dan
melakukan Firman Tuhan (Kis. 2:42-47).
Kita sebage kalak si enggo ibebasken Tuhan i bas kuasa
dosa nari, i bas kuasa Iblis nari, arus tetap membangun kerembakenta ras Tuhan.
Sebab megegeh kita erkiteken persadanta ras Tuhan. Persadan ras Tuhan dingen
Kata Dibata si nerangi kegeluhenta merupaken penjaga perukuren ras pusuhta
gelah tetap si ngena ate Dibata silakoken.
PA MORIA TGL. 23 - 29 SEPT. 2018
Ella Novita br. Tarigan (Mahasiswa Praktek UKSW)
Tema : MEGENGGENG GELAH SERTA
Bahan : Jakub 1:2-8
Tujun : Gelah Moria : 1) Meteh ulih kalak simegenggeng
i bas kiniteken ras ngasup ngalaken erbage percuban. 2) Ngasup nggeluh
megenggeng i bas diri, jabu ras masyarakat
Penjelasen Bahan
Pustaka Si Badia & Renungen
Secara umum isimpulken maka kitab Jakub enda itulis
Jakub murid Yesus sue ras gelar kitab enda, itulis kira-kira tahun 45-49M.
Surat enda itulisken man anak-anak Dibata si merap marpar i tengah perlajangen,
ku erbage-bage ingan khususna wilayah kekaisaren Roma. Isina e me kap
pedah-pedah kuga arus anak Dibata i doni enda dingen uga ia ncidahken buah
kinitekenna bagi kalak pentar, e me kap keleng ate, kebiasaan (sikap atau gaya
hidup) si berbeda ras kalak si deban. Adina kita enggo jadi kalak Kristen
aruslah pentar dingen megenggeng, aruslah tahan uji i bas kinitekenta gelah
sialoken rudang-rudang kemenangen e. Salah sadana e me kap cara rukur si berbeda
ras kalak si deban. Adi kalak si enggo dewasa kinitekenna, reh pe persoalen,
percuban sangap kapna bana, la iakapna liah sabab arah kiniseran e kite-kite ku
si jore, ras salah sada proses si erbahanca ia semakin pentar ras dewasa.
Guna seh ku pengangkan “sangap min akapndu” perlu
kepentaren bas Dibata nari. Hikmat si nimaksud i jenda e me kap kengasupen
rohani ngenehen ras menilai kegeluhen ras kerina si terjadi arah sudut pandang
Dibata labo arah sudut pandangta. Carana ndatken hikmat e me kap arah tutus
kita ertoto. Janah i bas kita ertoto, tek kita, ula erdua ukur. Emaka adi lit
bas kita si kurang pentar arus tutus ertoto janah imani kai sitotoken kita,
sabab Tuhan kap si mereken kepentaren man kerina jelma alu melumbar janah la
erpilihen.
Kerina manusia pasti pernah mengalami perbeben entah
pe percuban, saja maun-maun si berat-beraten ia. Dingen la banci kita mereken
kesimpulen si enda menahang si ah mberat, sabab banci saja perbeben si bage
siakap menahang tapi man kalak si deban mberat. Je nari perbeben e turah banci
arah salahta sendiri (pengleginta) tapi banci jadi erkiteken sada ujin nandangi
kinitekenta.
Emaka i bas bahan PA Moria enda ipersingeti gelah Moria
tetap paguh janah tahan uji i bas kerina permasalahenna. Gelah banci ku je,
maka arus siinget piga-piga hal :
- Tuhan makeken
masalah guna ngearahken kita. Maun-mau arus pegara api i teruh gelah la kita
kem (arus bergerak). Mekatep masalah si nihadapi kita erbahanca kita tetap
fokus atau terarah ras termotivasi guna ngerobah kegeluhen ku arah si mehuli.
- Arah masalah
ate Tuhan menguji kita. Banci ianalogiken manusia desken teh celup. Adi ateta
meteh kai si lit bas kita, celupken ku bas lau melas. Bagem Dibata kadang nguji
kesetianta arah erbage-bage hal si nihadapi kita.
- Tuhan makeken
masalah guna ngoreksi kita. Lit pelajaren si banci sidat kita arah kiniseran entah
pe kegagalan sialami kita.
- Tuhan makeken
masalah guna melindungi kita. Sada masalah si terjadi i bas geluhta banci jadi
pasu-pasu adi arah masalah e kita pulah i bas bahaya nari. Umpamana, lit
sekalak Kristen i-PHK i bas dahinna nari erkiteken la ia nggit ngelakoken kai
si isuruh bosna erkiteken la akapna payo. Emaka ia jadi pengangguren. Erkiteken
si e terhindar ia ku bas masalah penangkapen ras la masuk penjara sabab kenca
ia i-PHK terbongkar tindaken bosna.
- Tuhan makeken
masalah guna menyempurnaken kita bagi si nikataken Jakub i bas Kata Dibata si man
oratenta, adi sitanggapi masalah entah percobaan e alu pengidah si payo
erpalasken kiniteken, masalah e banci membentuk kita reh dewasa i bas
erkiniteken. Kita bali ras bejana tanah liat, sibentuk, ihancurken ka, ibentuk
ka, ras kedungenna dat hasil si mejile.
Tidak ada komentar:
Posting Komentar