SUPLEMEN PJJ GBKP TGL. 25 - 31 OKT. 2026

Pdt. Larena Sinuhadji (Nd. ReyRapha Tarigan)

ERJAGA DINGEN ERSIKAP - Matius 24:36-44

(Konfesi Kerehen Yesus Mulihken “Advent”)

Penaruh

Mungkin pernah sibegi istilah “prokrastinasi.” Rikutken info i bas AI nari, “Prokrastinasi adalah kebiasaan atau perilaku menunda secara sengaja suatu tugas atau tanggung jawab yang penting, meskipun seseorang sadar bahwa penundaan tersebut dapat mendatangkan dampak buruk.” Adi sikaitken ras strategi Iblis guna menjerumusken manusia ku bas kehancuren, bagenda nina AI, “Iblis sering menggunakan strategi penundaan (prokrastinasi) sebagai senjata halus untuk menjauhkan manusia dari Tuhan dan rencanaNya. Iblis tidak selalu membujuk manusia untuk menolak Tuhan secara terang-terangan, melainkan berbisik, “Lakukan saja besok.” Adi la kita metenget, waspada, kerna strategi Iblis enda, enggo pasti icedakenna masa depanta. E maka i bas kesempaten enda radu ras kita mulihi erlajar kerna erjaga dingen ersikap, sebab sura-sura Iblis memang encedaken kinitekenta man Dibata, janah kerehen Tuhanta Yesus Kristus la ise pe metehsa, entah pe banci terjadi kapan saja.

Mpebagesi Ogen

Perikop i bas ogenta sendah lit i teruh judul “Ise pe la meteh warina entah jamna.” I bas terj. Bhs. Ind., nina, “Nasihat supaya berjaga-jaga.” Arah judul enda nari enggo teridah maka isi perikopta ngerana kerna pendungi jaman (eskatologi), entah pe kerehen Tuhan Yesus si peduakaliken. Lit piga-piga hal si akap kami penting, si pemena ise pe la metehsa ndigan warina ras jamna. Malekat-malekat si i surga la itehna, bahkan Anak pe lang. Bapa ngenca si metehsa (ay. 36). Emaka i bas si e kerina kalak si tek harus terus metenget, erjaga ras ersikap katawari paksa pe.

Si peduaken, kerehen Tuhan e pagi terjadi secara mendadak, tidak terduga. Ay. 37-39 eme contoh, i ja kerina kalak i bas paksa Nuah, terlena ku bas rutinitas kegeluhen si tep-tep wari. Erkiteken si e iakapna bakal seri wari-wari e bagi biasana. Tapi kepeken lang, reh lau mbelin ndai si erbahanca kerina kalak mombak. I bas terj. Bhs. Ind., nina, “Barulah mereka sadar akan apa yang sedang terjadi.” Enda maksudna tentu labo nadingken kerina kesibukenta si tep-tep wari. Tetap kita beraktivitas, tapi ula sempat kita terlena ku bas hal-hal si sifatna rutinitas, harus tetap metenget, siinget lalap Dibata, erjaga ras ersikap setiap saat. I jenda akap kami lit peran Iblis i bas hal prokrastinasi bagi si enggo ijelasken i bas penaruh i datas. Kesiapsiagaan enda pe mulihi isingetken i bas ay. 43-44 alu andingen kerehen pinangko.

Si peteluken, tanda-tanda kerehen Dibata salah sadana eme lit pengangkatan. Ituriken maka lit sekalak si ibuat, janah sekalak nari itadingken. Ay. 40-41 biasana iantusi, si ibuat eme kalak si tek man Dibata i bas Yesus Kristus. Memang la lit i jenda ikataken maka si tading eme kalak si la tek man Yesus Kristus. Tapi adi sikaitken ras turi-turin Nuah, si terjadi sebalikna, si leben ibuat eme kerina kalak si la tek man Dibata, sedangken Nuah ras keluargana tading. Mungkin akap kami enda lit kaitenna ras kedaulatan Dibata i bas ia nentuken ise si leben ibuat ras ise si pudin. Tapi i bas si e si paling penting i jenda eme ersikap katawari paksa pe sebab la iteh kita ndigan waktuna (ay. 42).

Pengkenaina

PJJ-nta sendah mulihi ngingetken kita kerna kerehen Tuhan peduakaliken si la lit ise pe metehsa. Emaka kerina kita harus erjaga ras ersikap katawari paksa pe. Erjaga ras ersikap i jenda tentu labo sinik saja nimai kerehen Tuhan. Tetaplah erdahin alu tutus, berkarya, menikmati ulih latih erdahin, membina keluarga si sempabu, tutus melayani i Gereja, muji Dibata ras ngataken bujur man Dibata, menjalin relasi si mehuli ras masyarakat sekelewetta, memanfaatkan waktu si lit alu mehuli, ras ngelakoken kerina si jadi peraten Dibata. Em akap kami wujud konkrit erjaga ras ersikap. 

PJJ sendah pe lit kaitenna ras masa-masa penantian kerehen Tuhan i bas Natal tahun enda (Advent). Mbera masa-masa Advent si kentisik nari sibengketi kita erbahanca reh tutusna kita erjaga ras ersikap. I bas pengakun kinitekenta (Konfesi GBKP) Bab XVI lit je iakuken kerna kerehen Tuhan si peduakaliken, bagenda nina, “Kami percaya, bahwa:  

• Kedatangan Yesus Kristus kembali merupakan penggenapan  janji yang dinyatakanNya sebelum naik ke surga. 
• Kedatangan Kristus kembali terjadi pada waktu yang tidak terduga, sebagaimana datangnya pencuri pada waktu malam (1 Tes. 5:4; Luk. 21:34; 2 Pet. 3:10).  
• Dia akan datang kembali untuk menghakimi orang yang hidup dan yang mati (2 Tim. 4:1; Kis. 10:42, 17:31; 2 Kor. 5:10).  Pada kedatanganNya yang ke dua kali setiap orang harus mempertanggungjawabkan semua perbuatannya (Mat. 6:4, 6:16, 12:34).

Emaka mari radu ras kita erjaga ras ersikap, pindolah gegeh i bas Dibata nari gelah ipengasupNa kita nggeluh alu kesadaren maka kerinana lit paksana. Pindolah kengasupen man baNa gelah ipengasupNa kita makeken waktu si lit guna memuliaken gelarNa arah kerina pengkebet geluhta. Metengetlah sebab Iblis lalap encubai kita alu prokrastinasi, menunda-nunda guna ngelakoken kerina si mehuli piah dungna enggo lanai lit kesempatan guna erjaga ras ersikap.