SUPLEMEN PJJ GBKP TGL. 13 - 19 SEP. 2026

Pdt. Larena Sinuhadji (Nd. ReyRapha Tarigan)

KERINA PAGI IA NANDAI TUHAN - Heber 8:7-13

(Mengenal Tuhan Melalui Gerak & Pelaksanaan Pemuridan)

Penaruh

Lit peribahasa si ngatakenca “Tak kenal maka tak sayang.” Rikutken penjelasen AI nari nina, “Peribahasa “tak kenal maka tak sayang” berarti bahwa rasa kasih, kepedulian, atau pemahaman terhadap seseorang (atau sesuatu) baru akan muncul jika kita sudah saling mengenal atau memahaminya.” Adi sikaitken ras kinitekenta, banci ikataken maka adi la tuhu-tuhu sitandai Dibata si isembah kita, maka la kita banci engkelengi Dibatanta alu tuhu-tuhu. Enda akap kami fokus si pemena i bas PJJ-nta sendah. Fokus si peduaken e me pemuridan. Minggu si lepas enggo radu ras kita erlajar kerna konsep pemuridan. Minggu sendah pe erlajar denga kita kerna gerak dan pelaksanaan pemuridan. Engkai maka pemuridan enda penting guna radu ras sipelajari? Kai hubungenna ras nandai Dibata? Mbera-mbera PJJ-nta sendah banci nampati kita i bas kita ngangkai terbagesen kerna nandai Dibata ras konsep pemuridan enda. 

Mpebagesi Ogen

Ogenta sendah ibuat i bas kitab Heber nari. Rikutken penaruh i bas Pustaka Si Badia ikataken bagenda nina. Surat man kalak Heber enda isuratken man terpuk kalak Kristen si sangana ngenanami kiniseran si mesangat kel. Si nuratken surat enda encubaken mpegegehi kiniteken kalak enda alu encidahken maka Yesus Kristus me ketangkasen Dibata si tuhu-tuhu. Emaka i bas si e ituduhken telu kebenaren i bas surat enda. Si pemena, Yesus anak Dibata si rasa lalap, erkemalangen nandangi Bapa alu dalan kiniseran ras kinigenggengen. Yesus anak Dibata, emaka belinen kuasaNa asangken kuasa nabi-nabi i bas Padan Si Ndekah, malekat-malekat, asangken Musa sekali pe. Si peduaken, enggo iajarken Dibata maka Yesus nge imam si rasa lalap, si lebihen pe kuasaNa asangken imam-imam i bas Padan Si Ndekah. Si peteluken, arah Yesus, kalak si erkiniteken iselamatken i bas dosa, kebiaren ras kematen nari. Janah arah pendahinNa selaku Imam Si Mbelin, IA mereken keselamaten si tuhu-tuhu. Adat persembahen rubia-rubia i bas Padan Si Ndekah ngawihken si enda ngenca kerina, tapi la ngasup mereken keselamaten si tuhu-tuhu.

Secara khusus si jadi ogenta sendah ibuat i bas bindu 8 nari i teruh judul perikop “Jesus Imam si mbelinna.” I bas terj. Bhs. Ind., nina, “Imam besar perjanjian baru.” Secara garis besar perikop enda enggo irangkum i datas alu fokus kerna peran Yesus Kristus sebage Imam Si Mbelinna si ndauh ganjangen asangken imam-imam Yahudi, erkiteken Yesus jadi kelang-kelang padan si terulin, e me padan si mbaru, antara Dibata ras manusia (ay. 6). Padan si mbaru i jenda maksudna, padan si ndekah si ipelimbarui mulihi maknana terbagesen, gelah terjalin pembaharuan relasi si terulin antara Dibata ras manusia.

Si jadi fokus i bas PJJ-nta sendah rikutken tema e me ay. 11, nina, “Lanai bo pagi sekalak pe perlu ngajari temanna sada bangsa entah ngataken man temanna sada kuta, “Tandai min Tuhan.” Ayat enda ibuat i bas Jer. 31:34. I bas terj. BIMK nina, “Mereka tidak perlu mengajar sesama warganya, atau memberitahu kepada saudaranya, “Kenallah Tuhan.” Sebab mereka semua, besar kecil, akan mengenal Aku.” I bas terj. TB-LAI Ed. 2 nina, “Dan mereka tidak akan mengajar lagi sesama warganya, atau sesama saudaranya dengan mengatakan: Kenallah Tuhan! Sebab, mereka semua, besar kecil, akan mengenal Aku.” Kai enda antusenna? 

Pembaharuan relasi si terulin antara Dibata ras manusia, erkelangken Imam Si Mbelinta, Yesus Kristus, erbahanca pengenalan nandangi Dibata pe ipelimbarui. Emaka i bas ay. 11 i datas, mulihi isingetken penulis surat Heber kerna nubuaten Nabi Jeremia, maka lit paksana pagi kalak si tek man Kristus banci nandai Dibata secara langsung, la nari lit kelang-kelangna bagi si ilakoken i bas Padan Si Ndekah. Pengenalan i jenda labo terjeng meteh secara kognitif, tapi tuhu-tuhu nandai Dibata alu relasi si mbages arah pengalamen geluh si tep-tep wari. Relasi si mehuli enda banci terjadi erkiteken lit pengalemi salah ras dosa si enggo ilakoken Dibata erkelangken AnakNa si tonggal Yesus Kristus Juruselamat.

Pengkenaina

Bagi si enggo tersinget i bas bagin penaruh i datas, fokus si pemena i bas PJJ-nta sendah e me nandai Dibata. Ogenta sendah ngajuk kita gelah mengevaluasi kembali pengenalanta nandangi Dibata si isembah kita i bas Yesus Kristus. Enggo nge tuhu-tuhu sitandai Dibata si isembah kita? Kita enggo lanai nggeluh i bas Padan Si Ndekah, kita nggeluh i bas Padan Si Mbaru, ertina enggo banci kita nandai Dibata secara langsung arah erbage-bage media: ngoge Pustaka, ertoto, rende muji Dibata, ikut muat bagin i bas kerina kegiaten Gereja, bage pe i bas pengalamen geluh si tep-tep wari. Apakah si e kerina erbahanca reh mbagesna penandaita kerna Dibata? Adi ue ninta, puji Tuhan! Tapi sebage tolok ukur banci ka sisungkun kalak si lit i sekelewetta, apakah enggo lit tandana maka kita kalak si enggo tuhu-tuhu nandai Dibata? Kai tandana? Lit i bas kita kekelengen, keriahen, kemalemen ate, kesabaren, erbahan si mehuli, setia, meteruk ukur, ras ngasup engkuasai diri. Adi lenga ninta, marilah kita ertekad ras ertoto man Dibata gelah ipengasupNa kita nandai Dibata alu tutus, janah penandaita si tutus e teridah arah pengkebet geluhta. 

Fokus si peduaken e me pemuridan. Adi sisungkun AI kerna erti pemuridan, bagenda nina, “Pemuridan dalam teologi Kristen adalah proses seumur hidup yang disengaja untuk membimbing seseorang menjadi pengikut Yesus Kristus yang semakin serupa dengan Kristus dalam karakter, perkataan, dan perbuatan. Dasar Alkitabnya adalah Amanat Agung (Mat. 28:19-20) di mana Yesus meminta pengikutNya untuk menjadikan semua bangsa muridNya. Tujuan utama pemuridan adalah: 1) Pertumbuhan rohani, yaitu membawa orang percaya beranjak dari “lahir baru” menuju kedewasaan rohani yang utuh. 2) Transformasi karakter, yaitu perubahan sikap hidup, fokus, dan perilaku agar meneladani kerendahan hati dan kasih Kristus. 3) Pelipatgandaan (multiplikasi), yaitu memperlengkapi murid baru agar mereka pada akhirnya mampu memuridkan dan menolong orang lain untuk mengikut Yesus.”

Rikutken penjelasen i datas kerna erti pemuridan, banci ka sievaluasi kerina kegiaten entah pe program si lit i bas Gerejanta masing-masing. Enggo nge kerina kegiaten entah pe program si ilaksanaken i bas Gerejanta mabai kita ku pertumbuhan rohani, transformasi karakter (semakin serupa dengan Kristus), ras pelipatgandaan? Adi ue ninta, puji Tuhan! Ertina kerina kegiaten entah pe program si ilaksanaken i bas Gerejanta orientasina e me gelah kerina perpulungen semakin bertumbuh rohanina, semakin mehuli karakterna menjadi serupa dengan Kristus, bage pe terjadi pelipatgandaan. Adi lang ninta, berarti perlu siperobahi orientasi kegiaten entah pe program si ilakoken i bas Gerejanta, uga carana gelah banci tersehi pertumbuhan rohani jemaat, transformasi karakter, ras pelipatgandaan. Emaka mari radu ras kita ertoto gelah ipengasup Dibata kita mengenal Tuhan melalui gerak dan pelaksanaan pemuridan.