SUPLEMEN PJJ GBKP TGL. 6 - 12 OKTOBER 2024

Pdt. Larena Sinuhadji (Nd. ReyRapha Tarigan)

BUJUR I BAS PERBAHANEN - Kuan-kuanen 3:3-4

[Tata Nilai Kesetiaan]

Penaruh

Setia e me salah sada karakter kristiani rikutken ulih Kesah Si Badia i bas Gal. 5:22-23. Janah Pustaka Si Badia pe rusur nuriken kerna kesetian Dibata entah pe pengajuk man banta gelah setia. Ertina karakter setia enda penting i bas kinitekenta janah rusur isingetken gelah silakoken i bas kegeluhenta si tep-tep wari, khusuna kerna kesetianta erkiniteken man Dibata i bas Yesus Kristus. I bas PJJ-ta sendah mulihi kita erlajar kerna karakter kesetiaan.

Mpebagesi Ogen
 
Ogenta ibuat i bas kitab Kuan-kuanen nari. Tujun kitab enda enggo tangkas i bas bindu 1:1-7 si intina nampati ise pe si ngogesa gelah pentar, ngaloken pengajaren si mehuli, ngantusi ranan si mbages ertina. Ise pe si ngogesa iajarken nggeluh pentar, bujur, adil dingen benar. Ise pe si langa erpengalamen iajarken gelah cerdik. Man kalak si nguda si ngogesa gelah pantas dingen pentar. Kitab enda banci nambahi pemeteh kalak pentar, bage pe man kalak si enggo meganjang sekolahna pe banci erlajar i je nari, gelah mbages isipatina erti si terbuni i bas pengajaren enda janah ietehna njabap persoalen-persoalen si ibereken kalak pentar. Si pentingna i bas kitab enda eme guna ndatken pemeteh, si pemenana, si la banci la lit i bas kalak, eme mehamat dingen erkemalangen man TUHAN. Sebalikna kalak lenge la nggit mperdiateken kepentaren dingen la ia nggit erlajar.

Sedangken si jadi ogenta sendah lit i teruh judul perikop “Ajaren man anak perana” (terj. BIMK, “Nasihat untuk orang muda”, terj. TB-LAI, “Berkat dari hikmat”). Adi sioge kerina ayat i bas perikop enda melala pedah-pedah si isehken Penulis Kitab Kuan-kuanen man anak perana entah pe orang muda i ja garis besarna eme hikmat dari Tuhan Allah mendatangkan berkat bagi siapa saja yang mengimani dan melakukannya.

Ogenta sendah lit dua ayat ngenca, bagenda nina, “Tetaplah kam patuh man Dibata janah bujurlah perbahanenndu man kerina manusia. Burakenlah e i bas kerahungndu dingen suratken i bas pusuhndu. Adi bage perbahanendu subuk Dibata bage pe manusia ngena atena ngenehen kam.” Menarik adi sibandingken ras bhs. Indonesia nari, la lit i jenda kata “setia.” Kata enda iterjemahken alu kata “bujur.” Sedangken adi sinen i bas Kamus Karo Indonesia, kata “bujur” ertina: jujur, tulus hati, adil, pantas. I bas terj. TB-LAI, “Janganlah kiranya kasih dan setia meninggalkan engkau! Kalungkanlah itu pada lehermu, tuliskanlah itu pada loh hatimu, maka engkau akan mendapat kasih dan penghargaan dalam pandangan Allah serta manusia.” Terj. BIMK, “Hendaklah engkau tetap percaya dan setia kepada Allah dan sesamamu. Ingatlah itu dan simpanlah di dalam hatimu, supaya engkau disenangi dan dihargai oleh Allah dan manusia.” I bas si e, akap kami sipake saja terjemahen bhs. Indonesia nari.

I bas dua ayat enda, iajuk kalak si nguda denga gelah setia erkiniteken man Dibata. Tapi labo terjeng setia saja, harus lit pe keleng ate si tuhu-tuhu man Dibata. I bas terjemahen bhs. Ind. kata “kasih” biasana iumputi alu kata “setia.” Ertina i jenda harus lit i bas orang muda kesetiaan i bas erkiniteken si ipalasi keleng ate si tuhu-tuhu man Dibata. Seh i jenda saja situhuna enggo cukup, sebab memang e kewajibenta selaku anak-anak Dibata. Tapi kepeken kasih setia man Dibata enda lit output-na entah pe lit ulihna. Adi tutus kita erkeleng ate man Dibata bage pe setia kita i bas erkiniteken man Dibata maka ngena ate Dibata man banta janah iergai kalak si deban. I bas terj. bhs. Ind., nina, “mendapat kasih dan penghargaan,” entah pe “disenangi dan dihargai oleh Allah dan manusia.” 

Versi Audio silahkan klik : https://youtu.be/7ZfOzd5L6tc

Pengkenaina

Tema i bas PJJ-ta sendah “Bujur i bas perbahanen,” adi sikaitken ras ogenta sendah mungkin akap kami lebih tepat “Percaya dan setia” sebab memang i bas Alkitab bhs. Ind. bagem iterjemahken, janah tema umum i bas PJJ-ta sendah pe ngerana kerna Tata Nilai Kesetiaan. Ertina fokus kita ku karakter “setia.”

Nggeluh setia erkiniteken man Dibata labo hal si murah, sebab lit je perbeben bage pe kiniseran. Doni enda umumna mereken pilihen man banta gelah ernalem man gegeh beluhta, prestasi, erta kebayaken, keduduken, jabaten, hedonisme, rsd.-na. Si e kerina la sue ras peraten Dibata, emaka situasi enda erbahanca kita harus ngenanami perbeben ras kiniseran erkiteken pilihenta guna tetap setia man Dibata. Pilihenta guna tetap setia man Dibata erbahanca kita berbeda ras sekelewetta. Erkiteken si e, mungkin melala kalak si la nggit erteman ras kita, dikucilkan, dibedakan, diskriminasi, rsd.-na. Tapi amin ugapa pe beratna perbeben ras kiniseran si nialami kita, Dibata tetap mereken pergegeh, kinigenggengen, sukacita, dame sejahtera, jalan keluar, man banta kerina si setia. Emaka i bas PJJ-ta sendah iajuk kita gelah tetap setia i bas erkiniteken si ipalasi keleng ate si tuhu-tuhu man Dibata.

I bas kesempaten enda pe ngerana kita kerna Tata Nilai Kesetiaan si terus-menerus ilumbaken gelah tuhu-tuhu nggeluh i bas dirinta jadi salah sada karakter si mehuli si banci isaksiken man sekelewetta guna kemulian gelar Dibata. I bas uraian Tata Nilai Kasih si lit i bas GBP GBKP enda enggo lit hal-hal si praktis si banci silakoken kita.

Deskripsi ras peta perilaku Tata Nilai Kesetiaan e me: Menjadi penatalayan yang dapat dipercaya, setia dan diandalkan dalam setiap tugas pelayanan (Ul. 7:9; 2 Tim. 2:13; Rat. 3:22-24)

Panduan perilaku:

• Berpegang teguh pada janji dan komitmen
• Bertanggung jawab atas tugas, keputusan dan tindakan yang dilakukan
• Rela berkorban untuk tujuan yang lebih besar
• Menjaga nama baik organisasi dan sesama

Kata-kata kunci:

• Tulus
• Dapat dipercaya
• Dedikasi (rela berkorban)
• Kontribusi

Kalimat afirmasi: “Kami memegang teguh kepercayaan yang diberikan Allah kepada kami untuk setia pada perintah dan firman-Nya”

Perilaku yang dianjurkan:

• Berperilaku dan bertindak selaras dengan perkataan
• Menjadi seseorang yang dapat dipercaya dan bertanggung jawab

Pindolah gegeh i bas Dibata nari, gelah ipengasup Dibata kita nggeluh setia alu palas keleng ate man Dibata. Dibata masu-masu kita kerina.