SUPLEMEN KHOTBAH MINGGU GBKP 8 JANUARI 2023

Minggu Epiphanias I (Dibata Mpetandaken DiriNa)

Pdt. Larena br. Sinuhadji (Nd. Rey Rapha Tarigan)

 

Invocatio : “Enda me terang si tuhu-tuhu: Terang e sangana reh ku doni enda nerangi kerina manusia” (Johanes 1 : 9)

Ogen : Jesaya 60 : 19 - 22 (Tunggal)

Khotbah : Johanes 8 : 12 - 20 (Tunggal)

Tema : JESUS TERANG DONI

 
Kerina manusia memerluken penerang. Coba sibayangken adi erdalan kita berngi wari, gelap, la lit benda penerang, lampu entah lilin, bulan bintang pe la ka muncul. Enggo pasti kita dadap-dadap, mbiar jongkang, ndabuh entah lebe-lebenta e lit batu, lubang, sabab kai pe la siidah. Maka adi kenca enggo mate lampu, gulut nari ukurta, apai ka ndekah, enggo ka tambah jungut-jungut. Tapi tiba-tiba lampu gara, spontan kita bersorak, “hore, lampu nyala!” Meriah ukurta.
 
Bahkan man kalak tunanetra sekali pe, terang e erguna kel man bana, aminna pe la idahna. Erdalan ia berngi wari, tan kirina pegangna tongkat, tan si kemuhen jemakna lampu.  Enterem kalak heran, engkai maka tunanetra maba lampu, sedangken ia sendiri la banci idahna kai pe? Asum isungkun engkai makana erdalan kam babandu lampu? Jawabna, “Sebagai penerang, saya tidak bisa melihat, tapi paling tidak orang lain bisa melihat saya dan tidak menabrak saya, karena dengan terang ini dia bisa melihat saya berjalan”.
 
Bage me kira-kira firman Tuhan, i bas Minggu Epiphanias I enda. Yesus Terang Doni. Minggu Epiphanias, minggu Dibata mpedaken diriNa arah Yesus Kristus, gelah reh tetap ukurta ernalem baNa, semakin lagi kita mengandalkan Tuhan.
Kata Epiphanias lit tersurat i bas Johanes 2:11, asum Yesus erbahan tanda sengget si pemena, air berubah menjadi anggur. “Hal itu dibuat Yesus di Kana yang di Galilea, sebagai yang pertama dari tanda-tandaNya dan dengan itu Dia menyatakan kemuliaanNya dan murid-muridNya percaya kepadaNya” (menyatakan = epiphanias).
 
Konteks i bas Tuhan Yesus ngerana man jelma si nterem e me i bas kalak Yahudi sangana merayaken Wari Raya Sapo-sapo (Hari Raya Pondok Daun).  Perayaan yang mengingatkan bangsa Israel pernah berjalan 40 tahun mengembara i gurun pasir, ciger wari lit tiang awan, berngi wari lit tiang api. Si banci nerangi bangsa Israel paksa si e. Kesempaten si e me ipakeken Yesus guna mpetadaken diriNa, ngajar IA deherken peti ingan nusun persembahen (ay. 20). Maka IA me terang doni, labo hanya man bangsa Israel. Ise si ngaloken ras ngikutken Yesus, ialokenNa me terang e, si mereken kegeluhen, janah la nari ia erdalan i bas kegelapen. Ertina, ise si tek man baNa la nari papak, lalar kegeluhenna, la nari erdalan bas kegelapen, bahkan seh ku doni kematen si gelap e pe iterangi Yesus arah kematen ras kekekenNa i bas si mate nari. Ise si tek man bangKu ialokenNa terang si mereken kegeluhen.
 
Kepeken kalak Farisi la tek, janah ituduhna Yesus ngerana naksiken diriNa jine. Ertina kalak enda butuh saksi si deban, si nuduhkenca maka kai si ikataken Yesus payo, benar. Ras mulihi ipertegas Yesus, ay. 18, bage me Aku ngerana kerna kerna diriNgku janah Bapa si nuruh Aku ngerana kerna Aku. Makin la jelas man kalak enda, i ja kin Bapandu? Erjabab Yesus labo itandaindu Aku, janah BapaKu e pe labo itandaindu. Adi itandaindu Aku, BapangKu e pe itandaindu.
 
I bas ogen si pemena, maka i je ngerana Dibata man bangsa Israel i pembuangen nari. Pembuangen Babil pe banci ikataken sada masa si gelap man bangsa enda. 70 tahun la nari banci ersembah i Yerusalem, tersiksa, menderita. I bas situasi enda, reh kata pengapul, “Matawari la nari nerangi kam sanga suari, entah pe terang bulan sangana berngi. Aku Tuhan kam terangndu seh rasa lalap”. Ertina, maka kerina penerang i doni enda ersibar, tapi terang si rehna i bas Dibata nari la ersibar nerangi kegeluhen manusia seh rasa lalap.
 
Kai pesan firman Tuhan i bas Minggu Epiphanias si pemena enda? Tuhan enggo mpetandaken diriNa maka IA me terang doni enda.
 
Si pemena. Ngikutken Tuhan Yesus. Mengikut Aku, artinya bukan hanya menjadi Kristen KTP tetapi Mengikut Yesus. Percaya, mengandalkan Dia, meneladani nilai-nilai yang diajarkan Kristus. Mengikut Tuhan bukan hanya komitmen saat ini, tapi selama-lamanya, ada kesetian, kepatuhan.
 
Si peduaken. Asum enggo siikutken IA, nggeluhlah kita i bas terang. La nari kita nggeluh i bas kegelapan, dosa, ciga ateta dosa. Ketika suatu ruangan gelap, tidak ada lampu, benda penerang, ketika siang hari pun cahaya matahari hari tidak masuk, sudah pasti ruangan itu penuh dengan debu, kotoran. Tetapi ketika ada benda penerang, kita tahu debu, kotoran harus dibersihkan. Bage me geluhta, asum kita tek man Yesus, ngaloken IA, IA berkuasa i bas geluhta, firman Tuhan mpelimbarui geluhta, terangiNa geluhta, kita disadarkan, dibaharui setiap saat, semakin hari semakin hidup dalam terang. Ada kasih, pengampunan, kepedulian, kerendahan hati.
 
Dibata mpegegehi ras masu-masu kita kerina. Amin!