SUPLEMEN PJJ GBKP TGL. 1 - 7 FEBRUARI 2026

Pdt. Larena Sinuhadji (Nd. Rey Rapha Tarigan)

ALOKEN MIN TEMANNDU (Roma 15:7-13)

(Evaluasi Sasaran Pelayanan 2025)

Penaruh

Kiniersadaan i bas Kristus e me si iperjuangken komunitas Kristen nai-nai nari seh asa gundari. Engkai maka bage? Erkiteken melala denga perpecahen i tengah-tengah perpulungen kalak si tek si isebabken kinilangasupenna menerima perbedaan. Menerima perbedaan labo terjeng ngaloken teman bage-bage saja, tapi lit i je palasta, lit pedomanta, e me Kata Dibata ras keleng ate Kristus. I bas kesempaten enda radu ras kita mulihi mengevaluasi sasaran pelayanan tahun 2025 e me “Dewasa menerima perbedaan.” Gelah radu ras siteh, enggo seh i ja kedewasaanta i bas kita memahami ras memaknai kiniersadaan i bas Kristus.

Mpebagesi Ogen 

Si jadi ogenta sendah e me bagin penutup i bas surat Rasul Paulus man perpulungen kalak si tek i Kota Roma. Latar belakangna lit i bas bindu 14, i ja lit piga-piga hal si banci mabai perpulungen ku perpecahen: saling menghakimi, erjengil kerna pangan-pangan, saling menyalahkan, megombang, rsd. Si e kerina terjadi erkiteken perpulungen lenga dewasa i bas menerima kinierbagen si lit i tengah-tengahna. E maka i bas ogenta senda iajuk Paulus perpulungen gelah reh dewasana i bas erkiniteken, khususna i bas hal saling menerima perbedaan si lit alu palas kinisersadaan i bas Kristus. Lit piga-piga hal penting si isehkan Paulus.

Si pemena ay. 7, pendilo guna banci ngaloken teman. Paulus ngelumbaken perpulungen gelah banci saling menerima (ngaloken) teman sapih-sapih ia, sebab Kristus enggo leben ngaloken kita gelah arah si e terpuji Tuhan Dibata. Jadi banci siidah, palas kita ngaloken sada ras si debanna labo erkiteken “keseragaman” tapi perbahanen Kristus (karya Kristus) si enggo leben ngaloken kita. Teman si tuhu-tuhu, labo meneken (menghilangkan) perbedaan si lit, tapi banci ngalokenca sebage sada karunia guna kita banci saling melengkapi.

Si peduaken ay. 8-12, kiniersadan kalak Jahudi ras Non-Jahudi. I jenda Paulus mengutip piga-piga ayat Alkitab (2 Sam. 22:50; Mas. 18:50; Ul. 32:43, Mas. 117:1; ras Jes. 11:10) si nuduhkenca maka keselamaten man bangsa-bangsa enggo ipadanken Tuhan nai nari, maka bangsa-bangsa si deban pe muji dingen menyembah Tuhan. Alu kata si deban, inklusivitas labo pudin itambahken, tapi merupaken bagin i bas rencana Dibata bena-benana nari. Kristus enggo erdahin guna kalak Jahudi lako ncidahken maka Dibata setia i bas nehken padanNa man nininta nai sekaligus gelah bangsa si labo Jahudi pe banci muji Dibata erkiteken perkuah ateNa.

Si peteluken, Dibata ulu pengarapenta. Itutup Paulus perikop enda alu doa berkat. Gelah perpulungen idemi alu keriahen ras kemalemen ate. Gelah erkiteken gegeh Kesah Si Badia reh tambahna pengarapenta man Tuhan. I jenda banci siidah dimensi Trinitaris: Dibata sumbul pengarapen, Kristus palas penerimaan si dem keriahen ras kemalemen ate man banta, ras Kesah Badia si nampati kita gelah reh tambahna pengarapenta man baNa.
Ogenta sendah labo terjeng panggilan etis gelah kita mehuli (ramah) tapi lit sada visi teologis si mbages: Dibata sendiri i bas Kristus enggo ngaloken, merangkul, ras ndilo anak-anakNa ku bas sada persadan lintas batas (la lit nari sekat-sekat), alu pengarapen erkiteken kinitekenta man Dibata si telu sada.

Pengkenaina

I bas konteks perbedaan si lit i tengah-tengah perpulungen kalak si tek paksa si e, ogenta sendah pe mpersingeti kita guna banci membangun ruang persahabatan si mampu menembus batas pembedaan gender, etnis, karakter, tingkat ekonomi, tingkat pendidikan, tingkat sosial, rsd. Ngasup kita ngaloken sada ras si debanna labo terjeng i bas tataran konsep, entah pe perjumpaan ritual sangana lit acara-acara kebersamaan. Tapi perjumpan setiap saat si penuh keramahan, penerimaan tulus, penuh kehangatan cinta kasih, si ibenaken i tengah jabuta masing-masing, si iterusken ku tengah-tengah perpulungen kalak si tek, inganta erdahin, ras masyarakat i ja kita tading. Palasna jelas, bagi Kristus si enggo ngaloken kita uga kita litna, maka kita pe (gereja) idilo guna banci bersahabat ras si deban. 

Nggeluh i bas kiniersadaan memang labo murah, harus lit i je kerelaan menerima perbedaan. Harus lit je keterbukaan guna saling melengkapi sada ras si debanna. Menerima perbedaan i jenda labo seri ras perilaku permisif. Perilaku permisif i jenda maksudna membiarkan ketidakbenaran si ilakoken teman-temanta sada perpulungen, alu alasen dewasa menerima perbedaan. E maka dewasa menerima perbedaan pe lit i je kerelaan untuk dikoreksi kebenaran Kata Dibata, nggit mengakui kesalahan, saling meminta maaf, rsd. Enda akap kami si kurang denga i bas konteks GBKP. Ngaloken teman uga litna labo termasuk je menerima perbahanen-perbahanen lepak si ilakokenna. Si paling penting i bas si e kerina, keleng ate Kristus harus jadi palas i bas kita ngaloken temanta. Adi keleng ateta temanta, tentu labo nggit kita menjerumusken temanta ndai ku bas dosa. Tentu lebih mehuli adi radu ras kita bertumbuh kinitekenta i bas Kristus, alu saling mpersingeti sada ras si debanna. E maka i bas kesempaten enda mari radu ras kita bertekad ngaloken temanta alu palas kebenaran Kata Dibata ras keleng ate Dibata i bas Kristus.

I bas Buku PJJ-ta enggo lit je aksi erbahan semacam angket sederhana si banci jadi bahan evaluasi i bas kita enggo ngelakoken sasaran pelayanan 2025. Mehuli adi silakoken. Mari radu ras kita ertoto, sipindo gegeh i bas Dibata nari gelah ipengasupNa kita dewasa menerima perbedaan.