SUPLEMEN PJJ GBKP TGL. 8 - 14 JUNI 2025

Pdt. Larena Sinuhadji (Nd. ReyRapha Tarigan)

ERLAJAR I BAS KEKURANGEN RAS KELEBIHEN - Pilipi 4:10-13

(Keugaharian)

Penaruh

Rikutken informasi arah AI nari, gaya hidup cukup ertina menjalani kehidupan yang tidak kekurangan, tetapi juga tidak berlebihan. Ini berarti memiliki cukup untuk memenuhi kebutuhan pokok, seperti makanan, pakaian, dan tempat tinggal, serta memiliki cukup uang untuk berjaga-jaga di masa depan. Gaya hidup cukup juga bisa diartikan sebagai gaya hidup yang menekankan keseimbangan, kesederhanaan, dan keberlanjutan, bukan hanya sekadar mengejar kekayaan.

I bas kiniteken kalak Kristen pe, iajarken kerna gaya hidup cukup. I bas Pertoton Tuhan (Mat. 6:9-13) ikataken, “Berikanlah kami pada hari ini makanan kami yang secukupnya.” I bas kesempaten enda radu ras kita mulihi erlajar kerna nggeluh cukup, entah pe sederhana, erpalasken ogenta sendah.

Mpebagesi Ogen

Perp. Pilipi e me Rasul Paulus si majekkenca (Perb. Rasul 16:12-40; Pil. 4:15-17). Ertina lit hubungan si ndeher antara Paulus ras Perp. Pilipi. Hubungen si ndeher e teridah arah penampat ras pertoton i bas Perp. Pilipi nari man Rasul Paulus i bas pelayanenna (Pil. 1:5; 4:15-17). Janah Surat Pilipi itulisken man Perp. Pilipi alu maksud ngataken bujur Paulus i bas kerina si enggo ibereken perpulungen e man bana janah gelah perpulungen e meteh uga keadaan Paulus si sangana lit i bas penjara gelah tetap idukung i bas pertoton. Teridah maka lit hubungen si saling mendukung sada ras si debanna antara Paulus ras perpulungen i Pilipi. La lit persoalen si serius i bas Perp. Pilipi, maka isi surat Paulus e ertujun guna memelihara hubungen si mehuli gelah reh ulina sekaligus mpegegehi perpulungen gelah tetap paguh erkiniteken man Yesus Kristus amin pe melala tantangen (ay. 11-12).

Secara khusus ogenta sendah, termasuk ku bas bagin pendungi surat, alu judul perikop “Pengataken bujur.” I bas terj. TB-LAI nina, “Terima kasih atas pemberian jemaat.” Judul i bas TB-LAI nari akap kami lebih tangkas maka perikop enda ngerana secara khusus kerna pengataken bujur Paulus man Perp. Pilipi si enggo mendukung pelayanan Paulus alu pemere-pemere si sifatna materi. Benaken ay. 14-20 teridah maka dukungen si isehken Perp. Pilipi labo terjeng ertoto ngenca, entah pe dukungen moril, tapi pe dukungen secara materi. I jenda teridah maka Paulus pe ngaloken penampat-penampat si sifatna materi arah perpulungen nari. Tujunna tentu labo guna mpebayak diri sendiri, tapi guna keperlun-keperlun pelayanen pembarken Berita Si Meriah. Amin pe mungkin lit keperlun-keperlun pribadi Paulus, tek kita maka beluh Paulus ngaturkenca alu mehuli seh makana ia pe labo kekurangen tapi labo ka kelebihen. Cukup kerinana. Ku je nge fokus ogenta sendah rikutken tema PJJ.

Ay. 10 encihdahkenca secara tersirat maka baru denga ialoken Paulus penampat arah Perp. Pilipi nari. I bas si e mbelin kel keriahen si igejapken Paulus. Tek ia maka penampat si isehken Perp. Pilipi e erkiteken persadanna ras Kristus. Iteh Dibata kai si jadi keperlun pelayanen Paulus, seh maka ibahan Dibata Perp. Pilipi nginget Paulus kenca enggo piga-piga ndekah la lit komunikasi.

Ay. 11-13 akap kami enda sada pengajaren si isehken Paulus man Perp. Pilipi kerna teologia keugaharian. I bas ay. 11-12a ikataken Paulus, “aku enggo erlajar encukupken alu kai si lit i bas aku. Kueteh nge kai ertina nggeluh i bas kekurangen janah kai ertina nggeluh i bas kelebihen.” Ertina i bas membangun teologia ugahari enda labo murah, lit proses erlajar si cukup gedang, seh makana iteh Paulus ertina nggeluh i bas kekurangen entah kelebihen, janah ngasup Paulus encukupken diri alu kai pe si lit i bas ia. I bas ay. 12b-13 ikataken Paulus kai rahasiana seh makana ngasup ia encukupken diri alu kai pe si lit i bas ia, janah ngasup Paulus ngalaken kerina keadaan, e me erdandanken kuasa si ibereken Kristus man bana. Enda akap kami si pentingna i bas teologia keugaharian. Selain nggit Paulus erlajar, la iandalkenna gegeh beluhna guna encukupken diri, bage pe i bas ia ngalaken kerina keadaan, tapi tuhu-tuhu ia ernalem man Dibata. I bas si e pe akap kami, secara tersirat, iajuk Paulus Perp. Pilipi gelah nggit erlajar encukupken diri, janah si pentingna kel, tuhu-tuhu ernalem man Dibata gelah ipengasup Dibata ngalaken erbage-bage keadaan.

Versi Audio silahkan klik : https://youtu.be/wtbcirE09Uw

Pengkenaina

Lit sada lagu rohani si ngatakenca bagenda nina, “Tuhan tak pernah janji langit selalu biru. Tetapi Dia berjanji selalu menyertai. Tuhan tak pernah janji jalan selalu rata. Tetapi Dia berjanji berikan kekuatan.” Ertina jadi kalak si erkiniteken labo sada jaminen maka geluhta e pasti aman dan nyaman. Tapi si jadi jaminen kepastian e me penemani Dibata i bas ngalaken erbage-bage keadaan kegeluhen kalak si tek. Emaka i bas si e, erlajar kita arah Paulus nari, si pemena e me kerna kiniersadanna ras Dibata i bas Yesus Kristus. Arah persadanta ras Dibata, tek kita maka Dibata tuhu-tuhu engkelengi kita, iperdiateken Dibata kegeluhenta, janah alu cara Dibata si la terantusi kita, icukupken Dibata kerina si jadi kebutuhenta. Arah persadanta ras Dibata, erbahanca kita megenggeng ras megegeh ngalaken erbage-bage tantangen kegeluhen.

Si peduaken, iajuk Paulus kita gelah nggit kita erlajar nggeluh encukupken diri alu kai pe si lit i bas kita. I bas si e, hal si penting si harus silakoken kita e me lalap ngataken bujur man Dibata i bas kai pe si enggo ipercayaken Dibata man banta. Keluarga, pendahin, pelayanen, rsd.-na. Ula sibanding-bandingken pemere Dibata man banta ras pemere Dibata man kalak si deban. Iteh Dibata kengasupenta masing-masing i bas mengelola kerina si iberekenNa. Pindolah kepentaren ras pemeteh i bas Dibata nari, gelah ipengasupNa kita mengelola alu mehuli kerina si enggo ipercayakenNa man banta. Em tandana kita geluh ernalem man Dibata.

Sub tema i bas PJJ sendah termasuk ku bas 5 Tata Nilai GBKP si akap kami enggo rusur sibahas i bas tahun si lepas. Amin bage gia, mehuli akap kami adi mulihi isingetken kerna si e. Enda akap kami teologia keugaharian si enggo irumusken GBKP erpalasken Kata Dibata rikutken konteks gerejanta. Gelah alu bage lit palas si jelas i bas kita nggeluh sederhana. Emaka mari radu ras kita bertekad hidup ugahari. I teruh endah mulihi itulisken kami Tata Nilai si peteluken kerna keugaharian.

I bas Buku GBP GBKP 2021 - 2025 hlm. 44 lit je deskripsi dan peta perilaku Tata Nilai GBKP K3 - Keugaharian.

Deskripsi keugaharian adalah: Mampu mengendalikan diri dan hidup sederhana dalam sikap kecukupan dan bersedia berbagi dengan orang lain agar semua ikut merayakan kehidupan, karena percaya bahwa rahmat Tuhan cukup untuk semua ciptaanNya (Mat. 6:11; 1 Tim. 6:8; Fil. 4:11-13).

Panduan perilaku keugaharian adalah:
- Ikhlas menerima kehidupan yang ada
- Bersyukur atas setiap berkat yang diterima
- Menggunakan berkat pada hal-hal yang bermanfaat dan berarti

Kata kunci keugaharian adalah:
- Sederhana, bersahaja
- Secukupnya
- Berbagi
- Keseimbangan

Kalimat afirmasi keugaharian adalah:
“Kami insan GBKP menjalani hidup dengan selalu bersyukur atas apa yang ada, karena percaya bahwa rahmat Tuhan cukup untuk semua ciptaanNya.”

Perilaku yang dianjurkan dalam keugaharian adalah:
- Gaya hidup bersahaja tetapi tidak murahan
- Peduli terhadap sesamanya agar mereka dapat hidup dalam kecukupan juga
- Empati kepada orang-orang yang miskin dan menderita tanpa memandang perbedaan ras, suku, golongan atau pun agama.
- Selalu bersama orang-orang yang diperlakukan tidak adil namun hidup dalam kebenaran.