PJJ GBKP Tgl. 28 Jan. - 3 Feb. 2018

PJJ GBKP TGL. 28 JAN. - 3 FEB. 2018

Pdt. Larena br. Sinuhadji (Nd. Rey Tarigan)

Tema : JADILAH DEWASA (Heber 5:8-14)

Ndigan nge kalak ikataken dewasa? Apakah kenca usiana 17 tahun, kenca enggo lit KTP-na, kenca enggo erjabu. Apakah enggo pasti dewasa? Lenga tentu. Menjadi tua pasti, tapi menjadi dewasa itu pilihan. Usia, KTP, enggo erjabu labo sada patoken, ukuren, entah pe jaminen maka kalak ikataken dewasa. Kedewasaan arus teridah i bas perukuren, pengerana ras perbahanenta. Sabab lit kalak si ndauh ngudan umurna asangken kita tapi perukuren ras perbahanenna enggo dewasa.

Kalak Kristen i ja surat Heber enda itulisken lit i bas kiniseran erkiteken kinitekenna man Yesus. Kiniseran e nge si erbahanca lit  sura-sura kalak enda nandingken kinitekenna (murtad). Kai nge si erbahanca lit sura-surana nadingken kinitekenna i bas Yesus? Si pemena, melet i bas ngangkai Firman Tuhan (sukar untuk dijelaskan dan lamban untuk mendengar - la banci fokus). Banci jadi lenga terbuka pusuh ukurna, formalitas ngenca i bas ibadah-ibadah si nilakokenna. Si peduaken, kesempaten si lit la ipake alu mehuli i ja aturna enggo banci jadi guru (dari sudut pandang waktu entah pe durasi jadi kalak Kristen). Enggo 20-30 tahun jadi kalak Kristen. Seharusnya sudah jadi pengajar : mentransfer ilmu, pengalaman, sharing iman. Tapi perlu denga iajari kerna dasar-dasar ajaren Dibata (bena-benana nari ajaren Dibata). Si peteluken,  minem susu denga, lenga ngasup nakan keras. Susu ertina si lembut-lembut. Yesus Juruselamat, Penolong, Penyembuh, Si mereken pasu-pasu, kesuksesaan. Anak-anak denga lenga ietehna kai si mehuli, kai si la mehuli. Sedangken nakan keras guna kalak dewasa. Arah pengalamenna ngasup mbedaken apai si bujur apai si lang (mempunyai panca indra terlatih yang dapat membedakan yang baik dan jahat).

Nakan keras berarti ngasup ia ngaloken Firman Tuhan si labo hanya menyenangken dirina tapi termasuk si bentukna pengajaren, teguren, persinget bage pe kiniseran si arus ialami kalak si tek. 2 Tim. 3:16, Firman Tuhan erguna ngajari kalak kerna si ngena ate Dibata, mandang si lepak, pekena si salah dingen erguna i bas mereken pedah-pedah gelah nggeluh alu mehuli. Nakan keras termasuk  persan silang, mpersilahang bana (menyangkal diri, berjuang, berusaha, rsd.).

Sura-sura Tuhan gelah kita jadi dewasa. Sabab kalak si dewasa ietehna apai si mehuli, apai si lang ras dalankenna si mehuli. Tapi la mesukah. Tapi si paling penting nggit kita bengket ku bas proses. Proses menuju kualitas-kualitas pikiran dan perilaku si mehuli sue ras peraten Dibata. Piga-piga ciri-cirina :

1) Itandaina ras ialokenna dirina. Adi anak-anak umumna ngelakoken hal-hal di luar kemampuanna sendiri. Umpamana : mencuci piring, walau pe mbuen kari si pecah. Menyebrang  jalan, si banci membahayakan dirina. Banci kataken over estimate, entah pe la dalankenna si ngasup ia ngelakokenca (under estimate). Adi kalak dewasa itandaina bana, subuk kelemahen ras kelebihen. I bas kengasupenna la e rbahanca ia menganjang ukur, i bas si la ngasup ia ndalankenca labo e erbahanca ia MC (rendah diri).

2) Bahan Pekan Kebaktin Keluarga 2017 jabu si dewasa i bas kai-kai pe, dewasa i bas kiniteken, dewasa i bas perpulungen, dewasa ersangkep nggeluh, dewasa i bas ertimbang, muat keputusen. Termasuk ngasup ngataken bujur i bas senang ras susah, si la bagi ukur.

3) Kalak si dewasa, banci berbagi ras kalak si deban, la ia egois. Adi anak-anak lebih mengarah man dirina sendiri. Banci jadi merawa ia ‘di kenca lit temanna mengganggu mainenna. Enda mainenku, bajuku, rotiku. Adi kalak dewasa nggit ia berbagi ras kalak si deban bahkan berkorban. Bas bimbingen, jelas isingetken maka enggo saatna Gerejanta la hanya ngukurken dirina. Ngutus misionaris, mbiayai ras ndampingi sekalak tenaga detaser i bas perpulungen si kurang megegeh, janah PJJ pe sekali-sekali banci melayani ber-PI ku perpulungen e.

4) Kalak si dewasa berpikir ras bertindak mandiri. Sedangken anak-anak perlu denga isuruh ras ilarang. Kalak si dewasa enggo lit kesadarenna sendiri kai si arus idalanken, sabab enggo itehna mbedaken apai si mehuli apai si lang, ras ndalankenna si mehuli.