PA Kategorial GBKP Tgl. 17 - 23 April 2016

PA MAMRE GBKP TGL. 17 - 23 APRIL 2016

Nrs. Bp. Rey Tarigan

HUT KAKR PE-126-KEN

Ogen : Masmur 127:3-4

Tema : Anakku Buah Baraku

Tujun : Gelah Mamre ngasup :

1) Nuriken maka anak e me pemere Dibata

2) Mereken tanda (kado) i bas perayaan HUT KAKR

Penjelasen Bahan Ogen

Masmur 127 usur ikataken sebage Masmur Jabu (Mazmur Keluarga) e me kegeluhen perjabun sebage perdalanen perziarahen ku Dibata. Lit dua hal si penting i perikop enda e me: 1) Rumah (ay. 1-2), rumah i jenda labo saja ipahami secara fisik bangunen, tapi pe sebage kegeluhen perjabun i bas rumah tangga. Baik rumah secara fisik, kegeluhen perjabun i bas rumah, ras kerina keperlun si nibutuhken i bas jabu, e kerina tuhu-tuhu banci jadi pasu-pasu adi ipalasi alu pemahaman iman maka Dibata si merekenca entah pe Dibata si nikapkenca. 2) Anak e me pemere ras pasu-pasu Dibata (ay. 3) si banci maba kesangapen i bas jabu (ay. 5). Anak i jenda labo saja anak dilaki, tapi pe anak diberu. Adi anak-anak i bas jabu ialoken alu pemahamen iman sebage pemere ras pasu-pasu Dibata nari, e maka pasti orang tua mereken arahan si terbaik nandangi anak-anakna, itulisken alu kiasan ay. 4, “anak panah i bas tan si mbisa”.

Adi sigabungken dua hal si penting ndai, rumah ras anak, e maka kesimpulenna, Dibata ngenca sumber kerina si nibutuhken jabu entah pe keluarga. Rumah e me sada ingan si ideal guna membangun sada generasi. Tugas keluarga e me mbangun sada generasi si mbiar man Dibata bage pe generasi si berkualitas prima, baik secara fisik, psikis, mental, karakter, rsd., gelah banci maba kesangapen labo saja man keluarga tapi pe man sekelewetna. Bagem pengakun iman Salomo si nuliskenca Masmur 127 enda, kegeluhen perjabun sebage perdalanen ziarah ku bas kiniersadan ras Dibata.  

Pengkenaina

Bahan PA sekali enda ibahan i bas rangka HUT KAKR si pe-126-ken. HUT KAKR enda labo saja mpersingeti KAKR sebage salah sada lembaga kategorial si secara khusus melayani anak ras remaja i bas gerejanta, tapi pe sekaligus perayaan sehna Berita si Meriah man anak-anakta. Ngataken bujur kita erkiteken kita kerina Mamre sebagian besar merupaken hasil pembinaan i bas KAKR nari. I bas kesempaten enda, iajuk kita gelah merenung kerna makna kehadiran anak-anak i tengah-tengah jabunta. Adi sibandingken waktu pembinaan man anak-anakta, baik i bas sekolah bage pe gereja, buen waktu anak-anakta i rumah. Ertina, pembinaan ideal man anak-anakta e me ibenaken i bas rumah tangganta.

Pembinaan man anak-anakta labo saja berkaiten ras pembinaan fisik, tapi pe pembinaan iman, si pada akhirna membentuk mental ras karakter anak-anakta. Pembinaan man anak-anakta pe labo saja menjadi tanggung jawab pernanden, tapi perbapan pe ikut ertanggung jawab. Pembinaan man anak-anakta ibenaken alu palas si benar bagi bahan ogenta. Si pemena lebe, tek kita bahwa perjabunta ras kerina si nibutuhken i bas jabuta e me Dibata si merekenca, bage pe tek kita bahwa anak-anakta e me pemere ras pasu-pasu Dibata. Si peduaken, alu palas kiniteken enda, makana banci kita membangun sada generasi si mbiar man Dibata ras si berkualitas prima.