PA Kategorial GBKP Tgl. 10 - 16 April 2016

PA MORIA GBKP TGL. 10 - 16 APRIL  2016

Pdt. Larena br. Sinuhadji (Nd. Reynard Tarigan)

Si Man Ogen : Jesaya 62:3

Tema : MAHKOTA SIKERAJANGEN DIBATA

Tujun : Gelah Moria :

1) Ncidahken perbahanen si nuduhken ngergai ras ngepkep anak desken rudang-rudang ni Dibata

2) Erbahan program si numpak-numpak KAKR

Terj. TB-LAI : “Engkau akan menjadi mahkota keagungan di tangan TUHAN dan serban kerajaan di tangan Allahmu”.

Terj. Karo : “I bas tan TUHAN kam bali ras sada mahkota, mahkota si mejile sikerajangen Dibata”.

Terj. BIS : “Engkau menjadi seperti mahkota indah di tangan TUHAN, mahkota kerajaan di tangan Allahmu”.

Penjelasen Bahan Ogen & Perenungen

Jesaya 62 ngerana i bas konteks kebenaren ras kemulian, penghargaan nandangi Jerusalem, nandangi Sion bali ras mahkota e me mahkota Tuhan. Jelas maka keselamaten  si ialami bangsa Israel erkiteken Tuhan. E maka la ate Tuhan sinik gelah tuhu-tuhu bangsa Israel menang i bas ngalaken kiniseranna janah e pelin-pelin erkiteken perbahanen Tuhan, gelah alu bage keselamaten kuta e ersinalsal terang bagi matawari man bangsa-bangsa si deban. Bagem teridah kekelengen Tuhan nandangi umatNa amin sekali bangsa Israel enggo ngekaloken kesalahen man Tuhan, tapi i bas tan Tuhan bangsa Israel bali ras sada mahkota, mahkota si mejile sikerajangen Dibata. Sion ras Jerusalem jadi Mahkota Tuhan, jadi bukti kemenangen Tuhan ras kemulian Tuhan si banci isaksiken bangsa-bangsa.

Bahanta irancang dalam rangka merayakan HUT KAKR pe-126-ken. Bagem, iarapken tanggung jawab orang tua si enggo ibereken Tuhan kepercayaan guna jadi perpanjangen tan Tuhan gelah kita menjadi orang tua si mehuli man anak-anakta. Labo hanya soal pendidiken ras kebutuhen materina siperdiateken tapi pe kebutehen spiritualna, mendidik karakterna rsd. Bimbingenta ngatakenca, trend keluarga genduari mehagan akapna anakna jago main game android asangken nuduhken perbahanen si badia ras mulia. Kai nge si perlu siwarisken man anak-anakta?

Anak-anak e ititipken Tuhan man banta janah anak-anakta e me kap anak Tuhan.  Anak e mahkota sikerajangen Dibata. Mahkota e me simbol si meherga si ipake sekalak raja, entah pe kalak si menang ikut erlumba si merupaken jadi kebanggaan man bana si itamaken bas takalna. Bage me, mehergalah siakap anak-anak desken Dibata pe meherga kel iakapna kita manusia. Kedekaten orang tua jadi teladan, alu saber sididik anak-anakta, sicukupi kebutuhenna, geluh kinitekenna siarak-anak, rsd.

Secara konkrit situhuna memang buen waktu Moria i rumah ras anak-anak, mungkin banci sievaluasi kualitas kebersamaanta ras anak-anakta i rumah, apakah hanya sekedar memenuhi kebutuhen fisikna saja tapi kurang i bas pemenuhen kebutuhan emosional ras spiritualitasna. Secara kelembagaan i bas Gereja, perlu lit program kerjasama si teratur tep-tep tahun (labo hanya si sifatna insidental saja) antara Moria ras KAKR. Program enda banci i bas bentuk si informal, misalna wisata bersama ku bas sada ingan wisata. Secara formal banci ka ibahan acara seminar man Moria ras KAKR, Minggu Moria mengajar i bas KAKR, rsd. Si intina menjalin kebersamaan ras ncidahken perbahanen si nuduhken ngergai ras ngepkep anak desken rudang-rudang ni Dibata.

PA MAMRE GBKP TGL. 10 - 16 APRIL 2016

Nrs. Bp. Rey Tarigan

Spiritualitas Dilaki ras Diberu berbeda

Ogen : 1 Samuel 1:1-18

Tema : KINITEKENKU LABO BALI RAS KINITEKENNDU

Tujun : Gelah Mamre ngasup :

1) Ngidah uga kiniteken Elkana sekalu imam ras Hana selaku diberu

2) Nuduhken kiniteken selaku imam bas jabu ras ngergai kiniteken ndeharana

Penjelasen Bahan Ogen

Bahan ogen nuriken kerna latar belakang ketubuhen Samuel entah pe nuriken kerna latar belakang keluarga Samuel (ertina : “Man TUHAN kupindo ia”. Alkitab Bahasa Indonesia Sehari-hari - BIS : “nama Allah”, di sini dihubungkan dengan kata kerja Ibrani “meminta”. “Aku telah memintanya dari TUHAN”). Samuel e me anak Elkana i bas ndeharana si pemena nari Hana, sebab lit ndeharana si peduaken e me Penina. I bas kebiasaan kalak Yahudi paksa si e, melala perbulangen si ndeharana dua entah pe lebih. Kebiasaan enda lalan erkiteken alasen pupus entah pe keturunen. Adi la idatken pupus arah sekalak ndehara, sekalak perbulangen erjabu si peduakaliken guna ndatken pupus penerus gelar keluarga. Kebiasaan enda tentuna enggo la nai iikutken i bas kiniteken Kristen paksa si sendah.

Keluarga Elkana e me keluarga si tutus erbakti man Tuhan. Ituriken kerna kebiasaan keluarga enda berkat Rama nari ku Silo guna ersembah ras nehken persembahen i bas tep-tep tahunna. Amin pe dua ndeharana, ituriken bahwasana Elkana keleng kel man Hana. I bas Alkitab BIS, ay. 5 itulisken,  “Tetapi Hana diberinya bagian yang khusus sebab Elkana sangat mencintainya walaupun TUHAN tidak memberi anak kepadanya”. Elkana enggo erusaha mpetetap ukur Hana si sangana erceda ate, amin pe la ituriken lit teguren entah pe persinget Elkana nandangi Penina sangana Hana lit i bas perbeben erkiteken kiduana (Penina) rusur nakiti ukurna ras naling-naling ia, sabap lalap la lit ibere Tuhan pupusna (ay. 6).

I bas ingan entah pe Rumah Pertoton i Silo, tangis ras ertoto Hana, mindo man Tuhan gelah ibereken pupus. Erkiteken tutussa ia ertoto perban ceda kel atena, Eli si paksa si e jadi Imam i bas Rumah Pertoton i Silo erpengakap sangana mabuk Hana enda. Tapi kenca ituriken Hana perbebenna, Eli pe mereken pasu-pasuna man Hana. Janah Tuhan pe ndengkehken pemindon Hana seh akhirna Hana mupus Samuel si iendesken man Tuhan sue ras padanna.

Pengkenaina

I bas bahan ogenta, tangkas ituriken kerna Elkana sebage Mamre entah pe iman i tengah jabuna, ngasup ia mabai keluargana guna erkiniteken man Tuhan alu ibabaina kerina keluargana ersembah secara teratur i bas Rumah Pertoton i Silo. Si peduaken, Elkana peduli nandangi keluargana, secara khusus ndeharana si sangana i bas perbeben ras ceda ate. Sebab i bas kebiasaan kalak Yahudi paksa si e, banci saja Elkana nirangken Hana ndeharana si pemena erkiteken la lit pupusna, tapi keleng kel Elkana nandangi Hana. Iberekenna man Hana sada bagin si khusus i bas kurban persembahen, ras pe iberekenna kesempaten man Hana guna ertoto secara khusus. Banci ikataken Elkana enggo mereken teladan man banta selaku Mamre entah pe iman i tengah jabu, kecuali i bas kebiasaan kalak Yahudi si melala ndeharana.

I bas buku PA Mamre itulisken kerna lit perbedaan antara dilaki ras diberu secara fisik bage pe secara psikologis, alu sitik menyinggung buku populer karya John Gray, Ph.D., sekalak konselor keluarga i bas negara Amerika nari, “Men Are from Mars, Women Are from Venus”. Latar belakang John Gray sendiri, labo ia sekalak konselor Kristen, ia sekalak konselor umum. I bas Putaka si Badia pe ituriken kerna perbedaan antara dilaki ras diberu, umpamana i bas Kej. 1:27. Bedana ras buku John Gray ndai, dilaki ras diberu ijadiken Dibata sentudu ras tempasNa amin pe melala perbedaan secara fisik ras psikis. Ertina i bas erkiniteken entah pe er-spiritualitas situhuna seri i adep-adepen Dibata antara dilaki ras diberu.

I bas salah sada buku ituriken kerna definisi spiritualitas Kristen bagenda nina, “Spiritualitas Kristen adalah sikap batin yang berjuang untuk menghayati iman sesuai dengan Firman Allah yang hidup. Ini tidak lain dari mengikut Yesus Kristus dalam kehidupan sehari-hari dan menghayati kabar damai sejahtera di tengah dunia ini. Yesus Kristus memanggil kita secara menyeluruh, lahir-batin. Firman Allah menangkap seluruh hidup kita secara utuh dan mengarahkan hidup manusia ke arah syalom, damai sejahtera. Spiritualitas Kristen mencari dan menghayati kehadiran dan kegiatan Allah dalam dunia ini. Spiritualitas Kristen mengarahkan pengikut Kristus untuk hidup lahir-batin dalam kehadiran Allah, terarah pada damai sejahtera Allah di tengah pergumulan, pengharapan, dan penderitaan dunia ini” (B.F. Drewes, M.Th., Julianus Mojau, M.Th., Apa itu teologi? : Pengantar Ke Dalam Ilmu Teologi, Jakarta: BKP Gunung Mulia, 2007, hlm. 28). I bas definisi i datas la lit ibedaken antara spiritualitas diberu entah pe dilaki. Mungkin si nimaksudken i bas buku PA Mamre e me kerna ekspresi entah pe cara i bas erkiniteken, er-spiritualitas, entah pe erbakti. Tentuna lit erbage-bage ekspresi i bas erbakti. Lit si usur ngandung, lit si usur tawa-tawa, lit si khusuk la lit sora kai pe i bas kebaktinna, lit si usur rende alu ersurak-surak, rsd.

E maka mungkin i bas temanta sendah pe lebih pas adi ibahan tema : “Ngergai Cara Erkiniteken Ndehara”. Sebab adi soal kinitekenta nandangi Kristus seharusna seri antara Moria ras Mamre, la lit bedana. Adi kadarna, tinggi entah pe rendah spiritualitas sesekalak, e la banci ipalasken alu perbedaan antara dilaki ras diberu, sebab diberu entah dilaki pe melala si rendah spiritualitasna. Kuga caranta ngergai cara erkiniteken entah pe er-spiritualitas Moria? Elkana enggo mereken teladan man banta alu mereken kesempaten seluas-luasna man ndeharana guna erbakti ras ersembah man Dibata. Lebih asa si e, Elkana ngasup mabai keluargana erkiniteken man Dibata.

PA PERMATA GBKP TGL. 11 - 17 APRIL 2016

Nrs. Bp. Rey Tarigan

(HUT KAKR GBKP 126 Tahun)

1 Johanes 3:11-12; Lukas 15:32

Gelah PERMATA GBKP :

1) Nuriken pengajaren gelah sikeleng-kelengen selaku pengikut Kristus

2) Jadi usihen nandangi agina (lit proses regenerasi entah pe kaderisasi)

Metode : Aksi PERMATA GBKP

Penjelasen Bahan Ogen

Surat 1 Johanes itulisken rasul Johanes, e me salah sada ajar-ajar Tuhan Yesus, itujuken man perpulungen si lit i Asia Kecil (Anatolia, Asia Minor, wilayah Turki paksa sendah). Tujun surat enda e me guna menghambat ajaran-ajaran sesat paksa si e khususna ajaren-ajaren si ngajarkenca bahwa Jesus labo Juruselamat. I bas ogenta secara khusus ngerana kerna pengajuk Johanes man perpulungen i Asia Kecil gelah geluh sikeleng-kelengen bagi Kristus si enggo ngkelengi manusia. Geluh sikeleng-kelengen enda ibenaken i bas keluarga, khususna antara senina ras turang i bas sada jabu.

I bas ogen si peduaken, Lukas 15:32, merupaken bagin i bas perumpamaan Tuhan Yesus si i bas Alkitab Terjemahan Baru (TB - LAI) ibere judul “Perumpamaan tentang anak yang hilang”. I bas perumpamaan enda, ituriken kerna sekalak anak si mulihken ku bapana kenca ia lawes ngkeriken erta-erta bapana. Bapana ngalo-ngalo anakna enda ndai alu bersukacita. Tapi kai si ibahan bapana la terterima anakna si deban, e me senina anak si lawes ngkeriken erta-erta bapana enda ndai. Inti i bas perumpamaan enda e me, adi Dibata ngkelengi sekalak manusia erdosa si mulihken (bertobat) e maka kita pe arus ngkelengi senina ras turangta si erdosa.

Pengkenaina

I bas rangka HUT KAKR GBKP si pe-126-ken, PERMATA iajuk gelah jadi teladan man agi-agina si lit i bas KAKR denga alu nggeluh sikeleng-kelengen. Teladan enda labo hanya soal ngalo-ngalo PERMATA baru i bas perpindahan KAKR nari ku PERMATA kenca enggo ingawanken. Tapi lebih asa si e, PERMATA tuhu-tuhu jadi usihen nandangi generasi si lit i teruhna, i bas perukuren, pengerana ras pengelakona. Secara konkrit, teladan enda banci iaplikasiken alu litna kerjasama di antara lembaga kategorial KAKR ras PERMATA, alu erbahan kegiaten-kegiaten pembinaan iman secara bersama-sama ras teratur. Teratur i jenda maksudna, lit program kebersamaan setiap tahun. Memang adi sinen melala PERMATA si jadi Guru KAKR, enda merupaken sada teladan si perlu ipertahanken ras itingkatken, gelah anak-anak ras remaja pe ngidah ras nggejapken bahwasana perpindahen KAKR nari ku PERMATA e me sada fase si meherga ras mabai sukacita.