PJJ GBKP Tgl. 10 - 16 November 2019

PJJ GBKP TGL. 10 - 16 NOVEMBER 2019

Pdt. Larena br. Sinuhadji (Nd. Rey Rapha Tarigan)

Tema : ANGKARLAH! (Kuan-kuanen 23:1-3)

(Hari Kesehatan Nasional)

“Angkar beltek pangan labo ate keleng”, enda sada kuan-kuanen si mpersingeti kita gelah ngasup menguasai diri terlebih i bas soal pangan. Seri ertina, makanlah sebelum lapar dan berhentilah sebelum kenyang. Sabab adi la lit pengendalian diri, kai pe sipanganani, si penting entabeh, tanpa siukurken apakah sehat guna daging kulanta, enggo pasti melala resiko pinakit, subuk obesitas, diabetes, jantung, stroke, rsd.

Memang njagai kulanta gelah sehat labo ngenca persoalen pangan, tapi pe lit si deban; tidur si cukup, olah raga si teratur, ras berpikir si positif. Si e kerina arus seimbang kita ngelakokenca.

Kitab kuan-kuanen mpersingeti kita, gelah angkar. Kamus Karo Indonesia (Darwin Prinst) nuliskenca maka “angkar” e me kekang, tahan diri, kontrol diri terhadap sesuatu. Itulisken kitab kuan-kuanen, kune kita kundul man ras si biak raja. Enggo pasti kai pe lit bas meja makanna, erbage-bage pangan si entabeh, banci jadi 10 seh 15 erbage. Daging-dagingen, ikan piga erbage lit si igoreng, igulai, asam manis, sup, mie, sayur-sayuran, hidangan penutup. Tergoda kita untuk ncubaken kerinana. Entabeh nari siakap. Enggo pe besur sipala-palai denga piah dungna enggo senik. Sabab biasana, babahta nggit denga, tapi situhuna beltekta enggo erpenulak. Pangan-pangan si entabeh e jerat man banta ‘di kenca la ngasup kita ngkuasai dirinta. Emaka pesan bijak i bas kitab enda ula sangkar (rakus, congok) man nakan si iberekenna man bandu. Arus lit penguasan (pengendalian) diri i bas kita, terlebih adi enggo lit pinakit bas daging kulanta, arus sijaga asupen pangan sipan kita.

Labo terjeng kita ertoto mindo gelah ibereken Dibata kesehaten si serta man banta, tapi mbelin i je peran sertanta guna njagai kesehaten daging kulanta. Pertotonta arus sedalanen ras kai silakoken kita setiap saat. Piga-piga hal si banci ilakoken kita secara teratur ras konsisten dalam rangka menjaga kesehaten daging kulanta : olah raga (jalan pagi 30 menit), selektif nandangi asupan makanan sipan kita labo terjeng entabeh saja tapi pe bergizi, makan alu porsi si wajar ras sehat, makan sayur ras buah, tidur yang cukup, kelola stress dengan baik, bersosialisasi dengan orang di sekitar, menjaga kebersihan diri ras lingkungan (mandi setiap hari, cuci tangan sebelum makan entah pe sope menyiapkan makanan, lingkungan asri), hindari minuman beralkohol, rokok, narkoba si banci meracuni tubuh, usahakan berpikir positif, ras si tetap arus silakoken erpengendes man Tuhan gelah ijujuriNa usaha njagai kesehaten si enggo silakoken kita.

Tgl. 12 Nopember 2019 merupaken Hari Kesehatan Nasional (HKN) si pe-55-ken alu tema “Generasi Sehat, Indonesia Unggul.” Tujun kita mperingeti HKN situhuna ngingetken kita rakyat Indonesia gelah tetap memiliki budaya hidup si sehat ras nadingken kebiasan entah perilaku si kurang sehat. Emaka secara khusus i bas peringaten HKN pe-55-ken, Kemenkes mensosialisasikan Gerakan Masyarakat Hidup Sehat (Germas). Sabab adi la kita sehat enggo pasti melala aktivitasta terganggu ras la banci kita produktif. Pemerintah, swasta, gereja, keluarga ras pribadi lepas pribadi tetap ertanggung jawab guna menjaga kesehaten. Secara khusus gerejanta GBKP sangat peduli dengan kesehatan daging kula maka masuk menjadi materi i bas bahan PJJ-ta sekaligus lit ka Liturgi Minggu Kesehaten. Ertina, GBKP ngajuk kerina ngawan guna mediate nandangi kesehaten dirinta, jabu ras kai silakoken kita secara konsisten ras disiplin asa bancina erdampak man sekelewetta. GBKP jadi pasu-pasu man isi doni enda.