SUPLEMEN PA MORIA GBKP TGL. 10 - 16 JULI 2022

Pdt. Larena Sinuhadji

 

Ogen : Kuan-kuanen 31:10-17

Tema : BERSIH PUSUH I BAS ERBINTUAS

Tujun  : Gelah Moria :

1) Meteh maka ndehara si cerdik bersih pusuhna erdahin ras mejingkat

2) Mereken pengangkan ras usihen man anak i bas erdahin

 
BENA KATA
 
Salah sada peran ndehara e me penolong man perbulangenna (Kej. 2:18, “aku akan menjadikan penolong baginya yang sepadan dengan ia”). Peran e cukup mbelin ras berpengaruh bas jabu. Ras idealna, perbulangen ras ndehara arus saling melengkapi. I bas akhir Kitab Kuan-kuanen enda, penulis ncidahken peran ndehara si sangat luar biasa. Sada lebe, secara struktur alphabet, maka perikop enda e me kap akrostik i ja setiap baris ibenaken alu abjad Ibrani secara beruruten (la teridah bas penerjemahen).
 
Perikop enda ncidahken rasa kagum nandangi sekalak ndehara si tuhu-tuhu ingan penelamen perbulangen ras kerina keluaga si sangat kontras ibandingken catatan si ibahan penulis ka kerna ndehara (bindu 2:16-17 … diberu si bage la keleng atena perbulangenna, enggo lupa ia padan si enggo ibelaskenna man Tuhan, bindu 5, bindu 6:26 … erlua-lua ras ndehara kalak, kesah kap tebusenna, bindu 7, bindu 9, 12:4 ndehara si juruken, bindu 19:13 ndehara si perjungut-jungut desken tarum cires naktaken launa, bindu 21:9 ndehara si pet erjengil, bindu 25:24 ndehara perdegil). Ertina, Perikop enda menjadi penyeimbang piga-piga ayat si nggambarken diberu si la man usihen.

I bas bindu 31 ibenai alu kata ajar nande Raja Lemuel man anakna Raja Lemuel gelah metenget i bas ndarami kemberahen sebab enggo melala contoh kasus raja icedaken diberu-diberu.
 
ISI
 
Judul perikop enda “Ndehara si cerdik” (Bhs. Ind., “Puji-pujian untuk istri yang cakap”). Ndehara si cerdik enda labo sembarangen sabab seh kel serana muatsa, igambarken ndauh ergan asangken permata si erndilap. Merherga ras mehaga.
 
Gambaren si itulisken Kuan-kuanen enda, ia mampu berinisitif, tekun, pekerja keras, penalemen perbulangen ras isi jabuna. Ukurna bersih, sabab la pernah jahat perbahanenna man perbulangenna, gedang-gedang umurna mehuli perbahanenna nandangi ia. Secara khusus, iperlihatken banta kerna kerja keras ndehara si pentar enda. Ia pekerja keras, kreatif, tangguh, kai pe beluh (serba bisa). Labo terjeng ngepken perbulangen ras anak-anakna, ndehara kalak Israel pe beluh erbahan kerajinan tangan (menenun). Kenca enggo pepulungna wol ras lenan arah bulu domba ras rami maka itenunna jadi barang-barang si idayaken. Pentar ia makeken waktu-waktu i ja keke ia ope terang wari, nikapken nakan guna keluargana (la nukur), ras ngaturken pendahin suruh-suruhenna. E maka itukurna juma arah duit si nipepulungnna arah nuan anggur. Selain pentar makeken waktu, beluh ia ndarami serpi ras ngaturken perbeliten jabuna seh makana tambah-tambah ertana. Ndehara si pentar enda banci katakan ncidahken dirina sebage pekerja keras, cerdas, bersih ukurna, sabab si ilakokenna labo guna dirina tapi guna kerina isi jabuna. Gegeh, motivasi, kinijingkaten si idalanken ndehara si pentar enda erkiteken ia tuhu-tuhu erkemalangen man Tuhan (ay. 30).
 
APLIKASI
 
Tentu labo gampang menjadi ndehara si pentar. Palasna lebe erkemalangen man Tuhan. Kalak si penalemenna Tuhan, maka terus-menerus ia memperbaiki diri, erlajar guna nambahi pemeteh ras keterampilen, sabab isedari geluhna arus erguna man keluarga ras kalak si nterem. Kreatif, mampu mencari peluang tambahen uang masuk, pentar mengatur waktu ras keuangen gelah ula lebih besar pasak asangken tiang, arus ilatih. Butuh proses si arus sidalani si membentuk kita, ras e kedungenna menjadi karakterta. Termasuk medak erpargi-pagi, mejingkat  e kerina arus ilatih, ibentuk la banci reh bage-bage saja. Tapi kita nggit erlajar, erlatih arah ise pe si kedungenna membentuk kita.
 
Gambaren si icidahken Kitab Kuan-kuanen sangat ideal, sangat sempurna sebage ndehara. Walaupe i bas realitana bas jabu-jabu pasti lit kekurangen sekalak ndehara. Tapi paling tidak perikop enda merupaken sada acuan nandangi sekalak ndehara si tuhu-tuhu ernanam kel kehadirenna bas keluargana. Setiap pribadi lit keunikenta masing-masing, si arus sisyukuri ras terus-menerus ikembangken guna kiniulin keluarganta ras kalak si isekelewetta
.
Rikut tujun si peduaken, maka nande pe arus ngasup mereken pengangkan man anak-anak i tengah jabu ras jadi usihen i bas geluh pentar, mejingkat, bersih pusuh i bas erbintuas. Mulai kin kitik nari anak-anak enggo ijari guna mpesikap mainenna enggo ia bermain, agak galangen sitik bagi tugas guna nuci piring, napui, ngepel rsd. Janah kita sebage orang tua, khususna nande arus jadi usihen man anak-anakta. Adi idahna kita pe dekahen gawah-gawah, la beluh makeken waktu, setiap man nukur lalap labo enda usihen si mehuli man anak-anak.