SUPLEMEN PA MORIA GBKP TGL. 4 - 10 MEI 2025

Pdt. Larena Sinuhadji (Nd. ReyRapha Tarigan)

Gaya Hidup Hedonisme, Perselingkuhan

Si Man Ogen : 1 Raja-raja 21:1-10

Tema : MERANGAP MPETURAH TAKI PACIK

Tujun : Gelah Moria :

- Niksiki perbahanen Ahap ras Isebel nandangi Nabot

- Erbahan daftar “kebutuhen” ras “keinginan” i bas sada bulan

Metode : Menginventarisir

Penaruh

Umumna kita sepakat maka merangap entah pe serakah e me karakter si la mehuli. Adi sisungkun AI pe ikataken bagenda nina, “Keserakahan (greed) bukan karakter yang baik. Dalam konteks umum, keserakahan dianggap sebagai sifat buruk karena dapat merusak hubungan, menyebabkan perilaku tidak etis, dan menimbulkan dampak negatif bagi masyarakat.” I bas kinitekenta pe, kerangapen e me hal si la mehuli. I bas sada artikel alu judul “19 Ayat Alkitab tentang Keserakahan dan Kekayaan” ikataken bagenda nina, “Dalam Alkitab, keserakahan adalah keinginan yang tak terbatas dan tidak terkendali untuk mendapatkan kekayaan, kepemilikan, atau kedudukan. Alkitab menggambarkan keserakahan sebagai dosa yang merusak, karena ia merampas kebahagiaan hidup dan menjauhkan seseorang dari Allah.”

I bas kesempaten enda radu ras kita erlajar kerna dampak negatif merangap erpalasken si man ogenta sendah.

Versi Audio Silahkan Klik : https://youtu.be/gElu74sPbzM

Mpebagesi Si Man Ogen

Si man ogenta sendah lit i teruh judul perikop “Peken anggur Nabot.” Bagenda turi-turinna, Raja Ahap itukurna atena sada peken anggur si lokasina ndeher istanana i Jesreel, guna isuani gule-gulen. Peken anggur e Nabot si mpunasa. Erkiteken taneh e warisen turun-temurun arah orang tuana nari, labo pang Nabot ndayakenca. Emaka itulakna pemindon Raja Ahap. I jenda teridah maka Nabot e me sekalak si patuh nandangi aturen si lit kerna erta warisen asangken patuh man Raja Ahap (bdk. Im. 25:23). Tapi asangken rukur si mehuli, ndele dingen nembeh kel ate Raja Ahap nandangi Nabot. Reh pe Isebel, ndeharana, labo ipebergehna pusuh perukuren perbulangenna, tapi justru iprovokatorina Ahap guna ngelakoken si la mehuli. Ibahanna rencana si jahat nandangi Nabot. Alu bekerja sama ras pemimpin-pemimpin rikut kalak si iergaken i Jesreel, ifitnahna Nabot i lebe-lebe kalak si enterem seh makana ibenteri alu batu Nabot seh mate.

Tuhu-tuhu luar biasa kejahaten si enggo ilakoken Raja Ahap ras Isebel ndeharana. Ibahanna taki pacik, ibunuhna Nabot secara tidak langsung, kenca bage irampasna ka erta Nabot, si banci jadi, peken e ngenca erta Nabot ras keluargana. Erkiteken luar biasana kejahaten si ilakoken Ahap, i bas ay. 25 icatat bagenda nina, “La pernah lit seri kalak bagi Ahap tutusna ngelakoken si jahat i bas adep-adepen Tuhan.” Amin pe selanjutna ituriken erkadiola Ahap i bas kejahatenna nari, ipeterukna bana i lebe-lebe Dibata, ukumen Dibata tetap jadi man bana (1 Raja 22:34-38).

Aplikasi

Arah si man ogenta sendah, radu ras kita erlajar maka karakter merangap mpeturah ukumen i bas Dibata nari. Kejahaten si ilakoken Raja Ahap ras Isebel ndeharana ula sempat terjadi i bas kegeluhenta. Erlajar ka kita arah Nabot nari si patuh nandangi aturen si enggo lit i bas Taurat asangken erta kebayaken.

Gaya hidup hedonisme ras perselingkuhan enggo lit nai-nai nari. Reh mekelekna i bas jaman gundari enda erkiteken litna Media Sosial. Kejahaten manusia si ipalasi alu merangap entah pe keserakahan reh tambahna. Gaya hidup serba instan, glamour, konsumerisme, materialistis, judi online, prostitusi online, pinjaman online, rsd.-na, semakin marak. Tentu enda harus menjadi persinget man banta kerina kalak si tek man Dibata, khususna man kam kerina senina Moria. Ula sempat kita terjebak ku bas hal-hal si la mehuli ndai. 

Merangap e me karakter si la mehuli. Melala ayat Alkitab si mpersingeti kita kerna bahaya keserakahan, umpamana, Pengkhotbah 5:10, nina, “Siapa mencintai uang tidak akan puas dengan uang, dan siapa mencintai kekayaan tidak akan puas dengan penghasilannya.” Lukas 12:15, “Jaga dingen metengetlah maka ola kam merangap nandangi kai pe; sebab kegeluhen manusia si tuhu-tuhu labo erpalasken erta-erta si lit i bas ia, aminna uga gia ia bayakna.” Ras melala denga ayat-ayat si deban.

Rikutken tujun PA-ta si peduaken, iajuk kita kerina Moria gelah ngasup membedaken antara keinginan ras kebutuhan. Keinginan situhuna mehuli, saja harus kita waspada erkiteken keinginan e la lit batasna janah ndeher kel ras karakter merangap. Jakup 1:14-15 ngingetken kita nina, “Tetapi tiap-tiap orang dicobai oleh keinginannya sendiri, karena ia diseret dan dipikat olehnya. Dan apabila keinginan itu telah dibuahi, ia melahirkan dosa; dan apabila dosa itu sudah matang, ia melahirkan maut.” Emaka harus kita waspada nandangi keinginan, harus kita ngasup mengendalikan keinginan si cenderung mabai kita ku karakter merangap. Siusihlah Paulus si encukupken diri alu kai pe si lit i bas ia (Pil. 4:11-12), janah pebuelah ngataken bujur man Dibata i bas si ugana pe keadaanta. I bas si e pindolah gegeh i bas Dibata nari gelah ipengasupNa kita menguasai keinginan si lit i bas dirinta.