SUPLEMEN PJJ GBKP TGL. 29 JUNI - 5 JULI 2025

Pdt. Larena Sinuhadji (Nd. ReyRapha Tarigan)

TETAP NGGELUH RAS SENINA - Yosua 22:1-9

(Kesetiaan)

Penaruh

I bas Alkitab, lit 4 kata i bas bhs. Yunani si ipake guna nggambarken erbage-bage aspek keleng ate entah pe kasih, e me: agape, philia, eros, ras storge. Kata “storge” ipake guna njelasken kasih i bas keluarga entah pe jabu, umpamana keleng ate orang tua man anak-anak, keleng ate man saudara kandung, antara turang entah pe senina. I bas informasi AI nari nina, storge adalah kasih yang alami dan muncul dari ikatan keluarga. I bas kinata kegeluhen si tep-tep wari nggeluh erturang ersenina labo mulus-mulus saja, rusur terjadi perubaten, la siangkan, rsd.-na. Tapi erkeleng ate man senina, turang, entah pe saudara kandung, e me salah sada si harus ilakoken erpalasken Kata Dibata. 

Mpebagesi Ogen

Secara garis besar ogenta sendah nuriken kerna pasuken perang i bas suku Ruben, Gad, ras setengah suku Manasye nari, si nampati suku-suku si deban i bas naluken bangsa-bangsa si lit i taneh Kanaan i teruh pimpinen Yosua. Rikutken tafsiren TSK (Treasury of Scripture Knowledge) nari, pasuken enda enggo nadingken keluargana kira-kira pitu tahun dekahna, la mulih-mulih, tetap setia tading i bas posna masing-masing, idahikenna tugas-tugasna alu mehuli seh ku kedungenna. Emaka ipujiken Yosua ketutusen ras kesetian pasuken enda i bas matuhi kerina perentah Musa bage pe Yosua, la pernah itadingkenna senina-seninana kalak Israel, janah metenget i bas ngikuti perentah Tuhan Dibata Israel (ay. 2-3). Kenca dung erperang janah enggo sibagiken kerina taneh, entah pe wilayah, guna iiani suku-suku si deban, ilebuh Yosua telu suku ndai, janah ibereken Yosua piga-piga perentah.

Si pemena, erkiteken perang enggo dung, janah situasi pe enggo aman, emaka isuruh Yosua telu suku enda ndai gelah mulih ku kutana masing-masing, i Timur Jordan i daerah Gilead (ay. 9, bdk. Ul. 29:8; Bil. 32:18-32). Si peduaken, isuruh Yosua telu suku enda gelah tetap nginget Dibata, patuh man Dibata, erkeleng ate man Dibata, ngelakoken kerina si ngena ate Dibata, janah mpermuliaken Dibata alu bulat ukur. Si peteluken, ipasu-pasu Yosua telu suku enda ndai sope mulih ku kutana masing-masing. Teridah maka labo terjeng pasu-pasu si bersifat moril ngenca si ialoken arah Yosua nari, tapi mbue kebayaken si idatken telu suku enda ndai arah musuh-musuhna nari. Emaka isingetken Yosua kalak enda gelah nggit berbagi ras senina turangna i kutana masing-masing.

I bas tafsiren TSK nari ikataken, nina, “Teks ini menggarisbawahi pentingnya kesetiaan, kedisiplinan, dan pengorbanan dalam mencapai tujuan bersama, serta memberikan instruksi yang bijak dan penuh kasih dari seorang pemimpin seperti Yosua.”

Pengkenaina

Lit dua hal si jadi fokus i bas PJJ-ta sendah, si pemena, sue ras tema sendah, tetap nggeluh ras senina. Adi siterjemahken ku bas bhs. Ind., mungkin ertina tetap hidup dalam kasih persaudaraan di tengah-tengah keluarga. Engkai maka di tengah-tengah keluarga? Sebab teks ogenta sendah encidahkenca uga suku Ruben, Gad, ras Manasye, mediate nandangi senina-seninana si sangana i bas kesusahen. Lit 12 suku Israel rikutken jumlah anak-anak Yakub si dilaki, itambah sada anak diberu si tergelar Dina. Amin pe kerina anak-anak Yakub enggo mate, tapi kasih persaudaraan i bas kerina suku Israel masih tetap denga terjaga alu mehuli.

Enda tentu menjadi renungen man banta kerina, apakah kasih persaudaraan i bas keluarganta masih tetap terjaga alu mehuli? Kasih persaudaraan, entah pe storge, bagi si enggo isingetken i datas, e me salah sada keleng ate si harus tetap silakoken erpalasken Kata Dibata. Adi enggo terjalin sikeleng-kelengen i bas keluarga besar, hidup di dalam kasih persaudaraan, puji Tuhan! Adi masih denga rusur terjadi perjengilen, la siangkan, perubaten, sapih-sapih senina ras turang i tengah-tengah keluarga besar, marilah siperobahi. Marilah siusih suku Ruben, Gad, ras Manasye si erkemalangen man Dibata, seh makana ipengasup Dibata kalak enda guna mediate sada ras si debanna, sisampat-sampaten, saling berbagi i bas keleng ate persaudaraan. Adina sekali-sekali terjadi perubaten e me biasa, la ndekah, mis erdame mulihken, simaaf-maafen sada ras si debanna. Ula sempat lit perubaten si nahuni, la erkedungen, seh ku pengadilen, rsd.-na.

Si peduaken, PJJ-ta sendah fokus ku bas tema teologis kerna kesetiaan. Kesetiaan termasuk ku bas Tata Nilai K5 si lit i bas Buku GBP GBKP, si enggo pernah sibahas i bas PJJ-PJJ tahun si lepas. Salah sada unsur penting i bas ogenta sendah e me kesetiaan. Tata nilai kesetiaan enda, akap kami, seh asa gundari tetap denga relevan erkiteken labo murah guna mewujudken kesetiaan e i tengah-tengah situasi doni si dem alu egoisme ras kejahaten. Emaka i bas kesempaten enda mulihi isingetken kami kerna Tata Nilai Kesetiaan alu uraian i teruh enda.

Deskripsi ras peta perilaku Tata Nilai Kesetiaan e me: Menjadi penatalayan yang dapat dipercaya, setia dan diandalkan dalam setiap tugas pelayanan (Ul. 7:9; 2 Tim. 2:13; Rat. 3:22-24)

Panduan perilaku:
- Berpegang teguh pada janji dan komitmen
- Bertanggung jawab atas tugas, keputusan dan tindakan yang dilakukan
- Rela berkorban untuk tujuan yang lebih besar
- Menjaga nama baik organisasi dan sesama

Kata-kata kunci:
- Tulus
- Dapat dipercaya
- Dedikasi (rela berkorban)
- Kontribusi

Kalimat afirmasi: “Kami memegang teguh kepercayaan yang diberikan Allah kepada kami untuk setia pada perintah dan firman-Nya”

Perilaku yang dianjurkan:
- Berperilaku dan bertindak selaras dengan perkataan
- Menjadi seseorang yang dapat dipercaya dan bertanggung jawab