SUPLEMEN PJJ GBKP TGL. 31 AGT. - 6 SEP. 2025

Pdt. Larena Sinuhadji (Nd. ReyRapha Tarigan)

TEMAN SADA DAHIN - Galatia 2:6-10

(Sasaran Pelayanan GBKP Tahun 2025 Poin V: Tidak ada Jemaat dan Pelayan yang bertikai sehingga harus memekarkan PJJ atau pindah Gereja)

Penaruh

Adi nggeluh denga kita i doni enda, enggo pasti lit konflik si terjadi i bas pergaulenta ras kalak si deban. Rikutken informasi AI nari, “Konflik adalah kondisi pertentangan, perselisihan, atau pertikaian antara dua orang atau lebih (individu atau kelompok) yang disebabkan oleh perbedaan pandangan, kepentingan, nilai, atau keinginan, di mana salah satu pihak berusaha menyingkirkan pihak lain atau memaksakan keinginannya.” Tapi i bas kiniteken Kristen, konflik banci sikelola alu mehuli, bagenda nina AI, “Menurut iman Kristen, konflik adalah realitas dalam hubungan manusia yang dapat menjadi kesempatan untuk bertumbuh, menunjukkan kasih Allah, dan memuliakanNya, bukan untuk egois atau memaksakan kehendak pribadi. Penyelesaian konflik harus dilakukan dengan kerendahan hati, pengampunan, kesediaan mencari kedamaian, dan mengikuti prinsip-prinsip Alkitab.”

I bas PJJ-ta sendah radu ras kita erlajar kerna mengelola konflik alu mehuli erpalasken ogenta sendah bage pe Sasaran Pelayanan GBKP Tahun 2025 Poin V.

Mpebagesi Ogen

Ogenta sendah lit i teruh judul perikop “Paulus ras rasul-rasul si deban.” I bas terj. TB-LAI nina, “Paulus diakui oleh para rasul.” Terjemahen Alkitab Bhs. Ind., akap kami secara spesifik encidahkenca pergumulen si nialami Paulus paksa si e. Secara garis besar perikop enda nuriken kerna pengalamen Rasul Paulus i bas ia er-Berita Si Meriah man bangsa-bangsa si deban si labo Yahudi. Melala tantangen si ihadapi Paulus i bas ia er-Berita Si Meriah. Si pemena lebe Rasul Paulus datken tantangen arah pihak-pihak si atena nirangken kiniersadaan kalak si tek ras Kristus alu ngelakoken aturen-aturen Taurat Musa sebage syarat datken keselamaten. Tapi amin melala tantangen si man hadapen i bas er-Berita Si Mehuli, gegeh Paulus labo urak sebab Dibata si mpengasup Paulus ngalaken kerina kiniseran, tantangen, bage pe perbeben i bas meritaken kebenaren erpalasken Kata Dibata. Nina Paulus i bas ay. 5, “Tapi sitik pe kami la surut, gelah kebenaren Berita Si Mehuli e banci ijaga kami guna kam.” Pang Paulus meninggalkan zona nyaman, labo nggit ia jadi sekalak si oportunis, hanya cari aman, nyaman, ras keuntungen guna dirina sendiri. Pang ia berjuang demi kebenaran Kata Dibata, sebab Dibata i bas Yesus Kristus si mereken gegeh man bana guna ngalaken kerina resiko i bas meritaken kebenaren Berita Si Meriah.

Si peduaken, erkaiten ras jabatenna sebage rasul i tengah-tengah perpulungen kalak si tek paksa si e. Melala pihak si mempertanyakan jabaten kerasulan Paulus (1 Kor. 9:2) sebab memang ia labo termasuk ku bas 12 ajar-ajar Yesus. I bas ogenta sendah pe teridah secara tersirat maka lit proses si labo murah i bas Paulus datken pengakun arah rasul-rasul si deban nari (ay. 2, 7-9). Sope idatken Paulus pengakuan arah rasul-rasul nari, mungkin lit konflik-konflik si terjadi antara Paulus ras rasul-rasul si deban. Tapi si menarik, i bas ay. 9 ituriken maka kenca enggo iidah rasul-rasul e maka lit pemere Dibata si khusus i bas diri Paulus, minter isalamina Paulus, em tanda pengakun maka Paulus pe termasuk ku bas rasul-rasul si iutus Dibata, i bas Yesus Kristus, guna er-Berita Si Meriah ku bangsa-bangsa si deban. Ertina lit ukuren si terganjangen asangken perbedaan-perbedaan si lit, bage pe konflik-konflik si terjadi antara Paulus ras rasul-rasul si deban, e me kebenaren Kata Dibata. Kenca enggo iidah maka lit pemere Dibata si khusus i bas diri Paulus, maka mis sipengadi kerina pembedaan-pembedaan, prasangka buruk, kebencian, rsd.-na, erkiteken Kata Dibata lebih penting asangken egosentrisme pribadi entah pe golongan.

Pengkenaina

Sope PJJ-ta sendah, akap kami enggo 3 kali kita membahas kerna pengelolaan konflik, rikutken Sasaran Pelayanan GBKP Tahun 2025. Si pemena bahan PJJ Tgl. 2-8 Maret, alu tema: “Ngelakoken Purpursage,” sub-tema: “Sasaran Pelayanan GBKP 2025 Poin 2: Setiap Pelayan menjadi jurudamai dalam konflik bukan sumber konflik.” Si peduaken, bahan PJJ Tgl. 16-22 Maret, alu tema: “Bulatken Ukur Erbahan Perdamen,” sub-tema: “Sasaran Pelayanan GBKP 2025 Poin III: Konflik lokal diselesaikan secara lokal.” Si peteluken, bahan PJJ Tgl. 25 April - 3 Mei, alu tema: “Guna Dame Kita Ipilih Dibata,” sub-tema: “Sasaran Pelayanan GBKP 2025 Poin IV: Tidak ada perpecahan Jemaat karena konflik.” PJJ sendah pe rikutken Sasaran Pelayanan GBKP Tahun 2025 alu sub-tema: “Sasaran Pelayanan GBKP Tahun 2025 Poin V: Tidak ada Jemaat dan Pelayan yang bertikai sehingga harus memekarkan PJJ atau pindah Gereja.”

I bas si e, lit telu hal si penting akap kami, si pemena lebe, harus lit pengakun i bas dirinta maka konflik e me sada bagin i bas kegeluhenta si la banci sibeneken. Ertina, ula sempat erkiteken lit potensi konflik, erbahanca mbiar kita erkai pe, khususna i bas ndahiken dahin-dahin pelayanen i Gereja. Piah dungna la nari lit ise pe si nggit melayani. Hal si deban, erkiteken lit potensi konflik erbahanca kita berpura-pura baik, lit pe masalah, sianggap la lit masalah, semuanya dianggap baik-baik saja. Lit pe si salah, sipediat saja gelah ula gejek. Kondisi si bagenda akap kami justru tidak sehat secara komunikasi bage pe secara teologis. E maka si peduaken, hadapilah konflik dengan iman kepada Yesus Kristus, Sang Rekonsiliator. Konflik adalah hal yang biasa terjadi i bas kegeluhenta, e maka adi terjadi konflik jangan lari tetapi hadapilah sebagai bagian dari hidup yang akan semakin mendewasakan iman kita. Si peteluken, marilah sikelola konflik alu mehuli erpalasken Kata Dibata seh makana reh dewasana kinitekenta. Adi rikutken ogenta sendah, jelas maka lit sada konsensus bersama di antara rasul-rasul, Kata Dibata si meganjangna asangken kai pe, termasuk konflik-konflik si terjadi.

PJJ-ta sendah sekali nari ngajuk kita kerina gelah semakin dewasa i bas mengelola konflik. Benakenlah i bas dirinta sendiri, pindolah gegeh i bas Dibata nari gelah ipengasupNa kita mengkoreksi diri sendiri, adi lit kesalahenta, pang kita mengakui kesalahan, adi lit kesalahen kalak si deban, ngasup kita ngalemi salah kalak man banta, lit rusur niat untuk berdamai dengan siapapun, lit kerendahan hati, pengampunan, janah nggit kita memperbaiki kesalahan erpalasken Kata Dibata. Seterusna, lakokenlah i bas jabuta masing-masing, saling mengakui kesalahan, saling memaafkan, saling mengampuni, ras saling menguatkan sada ras si debanna. Alu bage, adi lit pe konflik i bas Gerejanta, enggo terbiasa kita mengelolasa alu mehuli erpalasken Kata Dibata. Si terakhir, perlu sisedari maka lit konflik-konflik si memang mesera guna ndungisa, bahkan la banci idungi, erkiteken tingkat kedewasaan iman jemaat berbeda sada ras si debanna, janah Iblis pe memang terus erdahin alu erbage-bage cara gelah perpulungen kalak si tek reh sontarna ras bene i tengah-tengah doni enda. Emaka megegehlah ertoto gelah kuasa Kesah Si Badia erdahin erbahan perdamen si tuhu-tuhu i tengah-tengah perpulungen kalak si tek, khususna i bas GBKP.