SUPLEMEN PA MORIA GBKP TGL. 17 - 23 AGUSTUS 2025

Pdt. Larena Sinuhadji (Nd. ReyRapha Tarigan)

Si Man Ogen : Kuan-kuanen 14:1-2

Tema : PERBULANGENKU “TAMBATEN” PUSUHKU

Tujun : Gelah Moria :

- Meteh jabu si mehuli jadi arah kepentaren diberu

- Ngasup ngaloken perbulangen alu dem kepentaren

Metode PA : Sharing Kelompok

Penaruh

Keluarga (jabu) e me persadan antara perbulangen ras ndehara rikut ras anak-anak (adi enggo lit anak). Janah kebahagiaan jabu labo hanya ibebanken man ndehara entah pe perbulangen, tapi perbulangen ras ndehara. Jabu e harus sepakat (ersada arihna) guna membangun geluh jabu, gelah banci tetap harmonis ras bahagia. Adi hanya sekalak ngenca si berperan ras erusaha uga makana sikap jabu e, enggo pasti sulit ras turah kecewa (putus asa). Tapi i bas dampar si deban, la banci lang arus iakui, peran sekalak diberu (ndehara) seh kel pentingna guna mabai jabu gelah mehuli. Emaka i bas PA-nta sekali enda, erlajar kita arah kai si ikataken Kitab Kuan-kuanen.

Mpebagesi Si Man Ogen

Kitab Kuan-kuanen itulisken alu tujun nampati kalak gelah pentar dingen ngaloken pengajaren si mehuli. Iajarkenna kalak gelah nggeluh pentar, bujur, adil dingen benar. Dingen bena-benana kepentaren e me erkemalangen man Tuhan Dibata.

Ay. 1, “Jabu si mehuli jadi arah kepentaren diberu, tapi iruntuhken alu kemotunna” (terj. TB-LAI Ed. 2, “Perempuan yang bijak mendirikan rumahnya, tetapi yang bodoh meruntuhkannya dengan tangannya sendiri”). Mehuli jabu arah kepentarenna, janah runtuh erdandanken kemotunna. Ayat enda nuriken uga pentingna peranan sekalak diberu (ndehara - nande) guna jabu. Pdt. Joas Adiprasetya i bas Chat GPT-na (The Theological Journey of Joas Adiprasetya) nuliskenca, diberu si pentar i jenda melambangkan diberu si alu kepentarenna, memelihara, menguatkan ras membangun, entah pe mengembangkan kehidupan. Subuk i tengah jabu, komunitas bage i bas relasi ras ise pe. Janah “rumah” (terj. TB-LAI Ed. 2) labo terjeng bangunan fisik, tapi geluh jabu bahkan ekosistem relasi i ja rumah tangga (jabu) e me simbol gereja terkecil. Ras “diberu si motu” e me simbol dari sikap ceroboh, egois, atau destruktif, si aturna membangun tapi malah ngeruntuhken. Si menarik, Kitab Kuan-kuanen, menekanken maka keruntuhen e ilakoken alu tanna sendiri. Si berarti keruntuhen e, rusur terjadi labo rehna i bas darat nari tapi pe bas nari.

Adi sikaitken ku bas Kuan-kuanen 31:10-31 maka lit piga-piga poin ndehara si pentar :

• Mehuli perbahanenna man perbulangenna.
• Kalakna mejingkat, termasuk i bas ndarami perbeliten jabu.
• Melumbar tanna man kalak musil.
• Ngerana alu manjar-anjar ras dem kepentaren.
• Ipakekenna talenta si lit i bas ia guna ngelitken piga-piga kebutuhen jabu.

Ay. 2, “Kalak bujur erkemalangen dingen patuh man Dibata, kalak si la bujur igombangina kap Dibata” (terj. TB-LAI Ed. 2, “Siapa berjalan dengan jujur, takut akan Tuhan, tetapi orang yang sesat jalannya, menghina Dia”). Palas kerina kepentaren si lit i bas kita e me erkiteken kita erkemalangen dingen patuh man Tuhan. Arah kita ngoge KataNa ibabaiNa kita guna nggeluh bujur ras  ndalanken si mehuli si ngena ateNa. Kalak si tetap erkemalangen man Tuhan, geluhna ipimpin Kesah Si Badia, seh makana sope ngerana ras bertindak iukurina lebe si banci membangun dirina, kalak si deban, terlebih mpermuliaken Tuhan. E pe terkadang, banci ka kita melenceng. Kebalikenna kalak si la erkemalangen man Dibata, alu la biar-biaren dalankena si la ngena ate Dibata, megombang ia man Dibata.

Versi Audio silahkan klik : https://youtu.be/ApBtSaOj_8U

Pengkenaina

Tuhan nepa kita diberu (ndehara) guna jadi teman si cocok, guna nampati dilaki (perbulangen). Alu bage jelas, si pemena, kehadirenta (peranta) sebage ndehara e me nampati gelah jabu e mehuli (sikap) perdalanenna bagi si ngena ate Tuhan. Sada lebe harus sisedari, kehadirenta penting, sebab kita sebage si nampati perbulangen. Harus lebih pentar ras megegeh si nampati asangken si isampati. Si peduaken, ngataken bujur (bersyukur) kita ipejumpaken Dibata kita ras pasangenta (perbulangenta) “tambaten” pusuhta. Pasti i bas pengidah Dibata cocok (serasi) kita ras perbulangenta maka ipersadakenNa kita.

I bas proses perdalanen jabu melala erbagena si terjadi, subuk bagi ukur ras si la bagi ukur i je kita terbeluh sebage ndehara ndalanken peranta sebage penolong, gelah perdalanen jabu tetap ratur ras mehuli. Ngataken bujur kel kita, ‘di kenca dat pasangen si tuhu-tuhu bertanggung jawab, berfungsi sebage imam i bas jabu, keleng atena kita ras keluarga. Tapi banci jadi, pasangen si ibereken Tuhan man banta, kebalikenna, la ertanggung jawab ras nakiti ukurta katawari paksa. Gegehta enggo pasti terbatas, tapi gegeh Dibata tetap sampur nampati anak-anakNa. IberekenNa gegeh, kesabaren ras kepentaren ngalaken situasi si bage. Bahan PA-nta minggu enda ngajuk kerina anggota Moria GBKP ngasup nggeluh alu pentar selaku nande, ndehara, man perbulangenta. Nggit kita ngaloken perbulangenta uga litna, aminna pe labo mesunah bagi melaskenca. Peranta tetap sidalanken alu mehuli (sikap ngaturken jabu), megegeh kita ertoto gelah iberekenNa kesabaren ras kejuah-juahen man banta.

Janah bahan PA-nta sekali enda banci ka imaknai sebage panggilen guna jadi  “co creator” ras Dibata i bas membentuk ras memelihara ruang-ruang hidup si aman, dem kekelengen ras dame. Rumah e labo hanya imaknai sebage bangunen fisik, tapi pe jabu, gereja, komunitas bahkan relasi ras kalak si deban. Sedangken, “meruntuhken” e me asum biak egois, kurang sabar entah pe sikap anti dialog banci menghancurken relasi si enggo terbangun. Emaka arus tetap silumbaken geluh sikeleng-kelengen, saling melengkapi ras sipehagan pekepar.