SUPLEMEN PA MORIA GBKP TGL. 27 APRIL - 3 MEI 2025

Pdt. Larena Sinuhadji (Nd. ReyRapha Tarigan)

Karakter, Sifat, Tipologi

Si Man Ogen : Lukas 10:38-42

Tema : ARUS KIN KITA SERI?

Tujun : Gelah Moria :

- Nuratken karakter Maria ras Marta i bas ngalo-ngalo Yesus

- Ncibalken diri i bas waktu ras ingan si tepat

Penaruh

Sub tema i bas PA-ta sendah e me “Karakter, Sifat, Tipologi.” Karakter ertina, sifat-sifat kejiwaan, akhlak atau budi pekerti yang membedakan seseorang dari yang lain; tabiat; watak. Sifat ertina, peri keadaan yang menurut kodratnya ada pada sesuatu (benda, orang, dsb). Rikutken erti enda, maka karakter banci denga iubah, sedangken sifat lanai banci iubah erkiteken ikataken “menurut kodratnya.” Tipologi ertina, ilmu watak tentang bagian manusia dalam golongan-golongan menurut corak watak masing-masing. I bas kesempaten enda radu ras kita erlajar kerna telu hal enda erpalasken si man ogenta sendah, tujunna akap kami gelah semakin memaksimalkan potensi diri.

Mpebagesi Si Man Ogen

Si man ogenta sendah akap kami enggo semal, e me turi-turin kerna Yesus si ndahi Marta ras Maria. Piga-piga waktu si lepas bahan enda enggo pernah sibahas i bas PJJ-nta. Janah i bas PA-nta sendah iarapken semakin memperkaya pengangkanta kerna Kata Dibata. I bas ogenta ituriken Maria ras Marta si ngalo-alo Yesus ras ajar-ajarNa i bas rumahna. Marta kuskas nikapken pangan ras mungkin kerina keperlun Yesus ras ajar-ajarNa, sementara Maria kundul saja i deher nahe Tuhan Yesus megiken pengajarenNa. E maka murkas Marta ideherina Yesus janah nina, “O Tuhan, la iperdiatekenNdu ipeturut seninangku aku sisada ndahiken kerina dahin e? Suruh min ia nampati aku!” Erjabap Yesus nina, “O Marta, Marta! Suhsah dingen gulut ukurndu sebab melala atendu ibahanndu, tapi sada ngenca si la banci lang. Enggo ipilih si Maria si mehuli e janah lanai banci ibuat i bas ia nari.”

Situhuna la lit si salah si ilakoken Marta, mehuli kai si ibahanna. Sementara kai si ilakoken Maria rikutken kebiasaan entah pe adat kalak Yahudi labo semal. Tapi amin bage gia, perlu ka nge nemani tamu ercakap-cakap janah megiken kai si iturikenna. Situhuna labo isalahken Yesus Marta, bage pe labo ibenarken Yesus kai si ilakoken Maria. Kai si ikataken Yesus tujunna guna ngingetken si mehulina man Marta. Ay. 41, i bas terj. TB-LAI nina, “Engkau khawatir dan sibuk memikirkan ini dan itu,” i bas bhs. Karo, “Suhsah dingen gulut ukurndu sebab melala atendu ibahanndu.” I jenda teridah secara tersirat maka situhuna kai si enggo isikapken Marta enggo bias. Tapi Marta suhsah dingen gulut ukur sebab mungkin kai si enggo isikapkenna kurang denga iakapna. Nina Yesus “tapi sada ngenca si la banci lang,” i bas bhs. Ind., “padahal yang penting hanya satu.” Kai e? Nina Yesus, “Enggo ipilih Maria si mehuli e janah lanai banci ibuat i bas ia nari.” Enda banci siantusi megiken pengajaren alu tutus janah ngelakoken kai si jadi peraten Dibata (bdk. Luk. 6:47; 8:21; 11:28). Banci ka siantusi, kerina si ilakoken kita i bas dahin-dahin pelayanen harus silakoken alu keleng ate ras meriah ukur erpalasken Kata Dibata.

Versi Audio Silahkan Klik : https://youtu.be/kKFIV7ap3nY

Pengkenaina 

Rikutken tema bage pe tujun PA-ta sendah, enggo pasti la lit ise pe kita si seri sifat ras karakterta. Kembar sekali pe pasti lit perbedaanna. Tuhan enggo nepa kita manusia alu keunikan masing-masing. Maria ras Marta amin pe ersenina, tapi berbeda ciri-ciri fisik, sifat, karakter, ras talentana. Karakter banci terbentuk erkiteken pengaruh lingkungen. Ras ise kita ndeher ras bergaul kitik-kitik nari tentu mempengaruhi karakterta. Umpamana, adi lebih ndeher kita ras bapa, tentu karakterta menam seri ras bapanta. Adi ndeher kita ras nandenta, tentu katakterta menam seri ras nandenta. Adi ndeher kita ras duana, banci jadi lit percampuran karakter nande ras bapa i bas dirinta. Tapi amin bage gia, i bas perkembangenna, banci ka terbentuk karakter si mbaru si jadi ciri khas dirinta masing-masing. I bas si e maka karakter e banci denga iubah.

Adi rikutken kiniteken Kristen, kerina kalak si enggo ngaloken keselamaten i bas Yesus Kristus nari, geluhna enggo ipelimbarui, kerina karakter si la mehuli di masa lalu, igantiken alu karakter si mbaru, e me karakter Kristus. Si e kerina terjadi labo sekejap, lit proses perobahen karakter si gedang ku arah si mehuli sue ras peraten Dibata i bas Yesus Kristus. Karakter Kristus labo saja erguna i bas dirinta guna mperobahi diri ku si mehuli, tapi si utamana e me guna pembarken Berita Si Meriah i japa pe kita ringan, sebab kalak si deban banci nggejapken keleng ate Kristus arah pengkebet geluhta. Karakter Kristus enda pe banci nampati kita i bas dahin-dahin pelayanen i Gereja. Adi karakter Kristus enggo nggeluh i bas dirinta, tentu ras ise pe kita melayani banci saling melengkapi sada ras si debanna. Tapi adi karakter Kristus e lenga nggeluh i bas dirinta, enggo pasti turah jungut-jungut, egoisme, ras ise pe kita melayani la siakap cocok, merasa paling hebat, rsd.-na.

Arah turi-turin kerna Maria ras Marta, situhuna karakterna banci saling melengkapi. Maria ngelai tamu alu kundul saja megiken temue-temuena, sedangken Marta melayani alu nikapken inemen ras pangan-pangan. Seh jenda labo lit persoalen. Turah persoalen erkiteken Marta jungut-jungut, membanding-bandingkan dirina ras Maria. Seakan-akan kai si idahikenna e lebih penting asangken si idahiken Maria. I bas si e Yesus menegur Marta, robahlah karakter si bage, palasilah dahinta alu keleng ate ras meriah ukur, ula sibanding-bandingken dahinta ras kalak si deban, syukuri apa yang ada, janah fokuslah ku dahinta gelah banci idahiken alu tutus. Bagem kira-kira Yesus ngerana man Marta.

Arah tes tipologi si lit i bas Buku PA-nta, banci radu ras siteh karakterta masing-masing. Tapi palasta tentu labo teori tipologi, tapi Kata Dibata, entah pe karakter Kristus. Adi lit denga karakter si la mehuli marilah siperobahi alu penampat Kesah Si Badia. Adi karakter Kristus enggo nggeluh i bas dirinta, kai pe si idahiken kita, i japa pe inganna, beluh kita encibalken dirinta guna kemulian gelar Dibata. Pindolah gegeh i bas Dibata nari gelah isampatina kita. Marilah sipakeken kerina karakter si mehuli i bas dirinta guna ngelai Dibata i bas Gerejanta. Dibata si mpengasup kita.